Hesekiel 10:3 - AHYERƐLƐ KRONGRON

³ Né kɛrubim nemɔ begyigyi awuro ne ngwaen wɔ mmerɛ bɔ biaa ne worole nu ne, na munungum yili awuro ne akunu berɛ tɛkyɛ.

Hesekiel 10:3 Iomraidhean Croise

Gyenesise 3:24

Ɔfoane kuro sona ne fili berɛ, na ɔfale kɛrubim, ɔne ngrandɛ bɔ ogye wuronyiwuronyi, na osa pɛ ye nwo osiele Eden turo ne nyunu wɔ eyia afiteleɛ, kyɛ ɔbɔ atee bɔ ɔkɔ ngoa bakaa ne nwo waen.

Ɛksadɔso 25:18

Yɔ kɛrubim nyɔ siesie mbata bia ne ye ti ne ye ti; sikaa kɔkorɛ bɔ afa buralɛ aboro yeɛ fa yɔ ɔ.

Hesekiel 43:4

Na AWURADE animnyam ne, ɔfale anoa piri bɔ ye nye kyire eyia afiteleɛ ne anu wale awuro berɛ.

Hesekiel 46:1

AWURADE Nyameɛ nwa nyoo: Ye kunu dɔ aluo berɛ anoa piri bɔ ye nye kyire eyia afiteleɛ so ne, odi kyɛ bɛto nu elesia bɔ bɛfa bɛyɔ adwuma ne; nakoso afofikyẽa ne de, odi kyɛ bebukye; yeɛ ɛsraen foforɛ kyẽa ne koso, odi kyɛ bebukye.

Hesekiel 8:16

Afei ɔfale me wale AWURADE awuro ne akunu dɔ. Na AWURADE asɔneyɛɛ sua anoa nu berɛ, abrannaa ne ne afɔleɛ bokyea ne b’afia berɛ, na nwuni mmienzua kɔyɛ aburanyɔ ne nnu wɔ berɛ. Né bɛ si kyire AWURADE asɔneyɛɛ sua ne; yeɛ né bɛ nyunu kyire eyia afiteleɛ bɔ bɛsɔne eyia, bɔ bɛ nye kyire eyia afiteleɛ ɔ.

Hesekiel 8:3

Ɔtengyɛle nikyee bie bɔ ye sue te asaa ɔ, ɔfa sɔle me ti nwiaa nu, na Sunzum ne mane me so hɔle anwuro ne ase b’afia, na ɔfale me wale Yerusalem wɔ nyekyire bɔ ofi Nyameɛ berɛ ɔ nu. Ɔfale me wale asɔneyɛɛ sua ne akunu dɔ anoa piri bɔ ye nye kyire sorɔ dɔ ne anyunu berɛ, nekaa bɔ nungunɛhwenɛ amoen bɔ ɔtwetwe nungunɛ ba ne ogyi ne.

Hesekiel 9:3

Na Yisrael Nyameɛ animnyam ne fili kɛrubim bɔ ɔwɔ so ne aso wale asɔneyɛɛ sua anoa ne anyunu berɛ, na ɔfrɛle biaa bɔ ɔhera nwera, bɔ wafa nikyee bɔ bɛfa bɛkyerɛ ɔ wasĩ ne.