Hesekiel 10:22 - AHYERƐLƐ KRONGRON

²² Na bɛ nyunu sue ne, bɛte kyɛ nyunuɛ mɔ bɔ nwuni bɛ asue Kebare noa ne pɛpɛɛpɛ. Bɛ nu biala hɔle ye nyunu tee.

Hesekiel 10:22 Iomraidhean Croise

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Hesekiel 1:10

Sɔaa yeɛ bɛ nyunu ne osoma ɔ: Bɛ mmɛnna ne, ebiala le sona nyunu; ebiala le gyata nyunu wɔ ye famaa so; bɛ mmɛnna ne, ebiala le nandwie nyunu wɔ ye bɛen so, na ebiala le kɔleɛ nyunu [wɔ ye si].

Hesekiel 1:12

Bɛ nu biala kɔ ye nyunu tee; nekaa bɔ sunzum ne kɔ ne, berɛ yeɛ bɛkɔ ɔ, na bɛngakyikakyi bɛ nwo.

Hesekiel 1:9

Bɛ ndaa ne, ko deɛ kɔkã obiɛngo deɛ; na bɛkɔ a, bɛkɔ bɛ nyunu tee bɔ ebiala ɔngakyi ye nwo ɔ.

Hesekiel 10:11

Sɛ bɛnate a, bɛfa bɛ bue nna ne yeɛ bɛnate ɔ; na bɛkɔ a, bɛngakyikakyi bɛ nwo. Na nekaa biala bɔ bɛ ti ne ɔnea ne, bɛkɔ berɛ tee, bɔ bɛkɔ a bɛngakyikakyi bɛ nwo ɔ.

Hesekiel 10:21

Ko biala ye nyunu te nna, yeɛ ebiala ye ndaa te nna, na sona sa ye sɛso wɔ bɛ ndaa nemɔ abo.

Hesekiel 11:1

Afei Sunzum ne mane me so, na ɔfale me wale AWURADE awuro berɛ eyia afiteleɛ anoa piri bɔ ye nye kyire eyia afiteleɛ ne anyunu. Na nwuni mmienzua aburanyɔ ne nnu wɔ anoa piri ne anyunu berɛ, na nwuni Asure awa Yaasania ne Benaya awa Pelatia bɔ bɛte maen mbanyi ne kyɛ bɛboka bɛ so ɔ.

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.