Hesekiel 10:18 - AHYERƐLƐ KRONGRON

¹⁸ Yeɛ AWURADE animnyam ne fili awuro n’anoa nu berɛ oogyinane kɛrubim nemɔ so anwuro.

Hesekiel 10:18 Iomraidhean Croise

Gyenesise 3:24

Ɔfoane kuro sona ne fili berɛ, na ɔfale kɛrubim, ɔne ngrandɛ bɔ ogye wuronyiwuronyi, na osa pɛ ye nwo osiele Eden turo ne nyunu wɔ eyia afiteleɛ, kyɛ ɔbɔ atee bɔ ɔkɔ ngoa bakaa ne nwo waen.

2 Ahemvo 2:11

Begu so bedi ngɔmɔ bɛkɔ ne, mvum nu, see teaseɛnam bie bɔ see mbɔngɔ bɛtwe ɔ ɔɔtetele bɛ munyɔ bɛ nu. Na mvrama bɔ ɔpɛ ye nwo bie fale Elia hɔle nyameɛso.

Edwein 18:10

Ɔtenane kɛrubo so tuli, na ɔnate mvrama ye ndaa so wale ndɛndɛ.

Edwein 18:11

Ɔfale awosii munduni ye nwo, ɔfale munungum kusuu, bɔ ɔte esue bɔ wamuna ɔ katale ye nwo.

Edwein 99:1

AWURADE di hene, maen maen mɔ, ɛ́mɔma ɛmɔ nwo wosowoso! Ɔte kɛrubim mɔ so; aseɛ, woso!

Yeremia 6:8

Ao Yerusalem, fa ɛhe tu wɔ nwo foɛ, wanyɛ sɔ a, me kra kɔhwe ye nwo kofi wɔ nwo, na ngɔmaa ɛkɔkakyi kurofoen, aseɛ bɔ sona biala ɔtte so ɔ.

Hesekiel 28:14

Wɔ yeɛ ɛte kɛrubo bɔ bapopa ye ngoo bɔ ɔkata so ɔ, né ɛwɔ Nyameɛ bokaa krongron ne aso, na nyɔboɛ see afia yeɛ né edi akɔneaba ɔ.

Hesekiel 41:16

aponnwaa nemɔ, mboma bɔtɔfee nemɔ, abrannaa bɔ wapɛ ye mmɛsa nwo wayia ne, né bafa bakaa badwura bɛ nwo babra bayia, ofi ye aseɛnwo bɔ ɔkwaadwu mboma nemɔ, (né bakatakata mboma nemɔ anwo),

Hesekiel 43:2

Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Hesekiel 8:6

Yeɛ osa sele me kyɛ, “Sona awa, aso enwu bɔ bɛyɔ ye? Enwu akyiwadeɛ mbiri mbiri bɔ Yisraelfoɛ bɛyɔ ye wa, kyɛ bɛfa betu me befi me nekaa krongron ne anu maa mekɔ dededede ye? Na ekosa konwu akyiwadeɛ mbiri mbiri bieku.”

Hosea 9:12

Sɛ bɛtete mmaa po a, ngɔmaa bekoli abawuo bɔ baa ko po ngɔha ɔ; amba, sɛ meyakyi bɛ nu a, bɛ yaakɔ!

Maenbulɛfoɛ 19:27

Aleɛ hyene ne, braa ne somaa ne dwɔsole, na obukyebukyele awuro berɛ anoa nemɔ. Na ofitele kyɛ ɔtoa ye ateetulɛ ne aso ne, onwuni kyɛ ye sómaa ne la awuro n’anoa nu berɛ, bɔ ye sa gua aponnwaa ne aso ɔ.