Hesekiel 10:10 - AHYERƐLƐ KRONGRON

¹⁰ Na bɛ mmɛnna ne, né bɛ sue te pɛ, bɔ ɔte kyɛbɔ kango ko wura kango ko anu ɔ.

Hesekiel 10:10 Iomraidhean Croise

1 Ahemvo 7:30

Né nyinasoɛ biala le kɔɔbere agyirɛ nna ne kɔɔbere tɔkorɔ bɔ owurawura nu ɔ. Ye ndweasoɛ nna ne, né bele nyinasoɛ bɔ bɛfa ayaa besie so, bɔ bali abotire adwii bagua bɛ nu biala ngyɛnu ɔ.

Edwein 104:24

Ao, AWURADE wɔ sa noa nnwumaa sone paa! Ɛfale nworɛ tole ye nwo yeɛ ɛbɔle bɛ mukoraa ɔ; w’abɔdeɛ mɔ bayi aseɛ so tɛkyɛ.

Edwein 36:6

Wɔ tenenee kɔ anwuro anwuro te kyɛ Nyameɛ mmokaa, na wɔ ndɛenbualɛ turoloo ne, ye kuronn te kyɛ ɛpo buma. Ao AWURADE, ɛpepɛ de kuro mmenia ne ngaka.

Edwein 97:2

Munungum ne awosii kabii bapɛ ye nwo bayia; tenenee ne ndɛenbualɛ turoloo, bɛte ye ahennie bia nyinasoɛ.

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Hesekiel 1:16

Sɔaa yeɛ kango nemɔ bɛ sue ɔne kyɛbɔ besi bɛyɔle bɛ ɔ ɔte ɔ: bɛ nwo sue ne te kyɛ nyɔboɛ krisolite bɔ ɔte hyɛmhyɛm ɔ, na bɛ mmɛnna ne, bɛ sue te ko. Kango nemɔ bɛ sue, ɔne kyɛbɔ besi bɛyɔle bɛ ne, ɔte kyɛ kango bɔ owura kango nu ɔ.

Hesekiel 10:11

Sɛ bɛnate a, bɛfa bɛ bue nna ne yeɛ bɛnate ɔ; na bɛkɔ a, bɛngakyikakyi bɛ nwo. Na nekaa biala bɔ bɛ ti ne ɔnea ne, bɛkɔ berɛ tee, bɔ bɛkɔ a bɛngakyikakyi bɛ nwo ɔ.

Hesekiel 10:9

Nneane, na nwuni kyɛ kango nna bɛwɔ kɛrubim nemɔ nwo berɛ, ko biala wɔ kɛrubo ko nwo, na né kango nemɔ bɛta hyɛmhyɛm kyɛ nyɔbosanyene.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?