Hesekiel 1:8 - AHYERƐLƐ KRONGRON

⁸ Na bɛ bue nna ne, wɔ bɛ ndaa nemɔ abo, né sona sa mɔ betuatua berɛ. Yiti abɔdeɛ nna ne, né bele bɛ nyunu mɔ ne bɛ ndaa mɔ.

Hesekiel 1:8 Iomraidhean Croise

Yesaya 6:6

Yeɛ Serafim nemɔ anu ko tu wale me nwo berɛ. Né otira see bɔ ogye bɔ wafa akapɛ waye wafi afɔleɛ bokyea ne aso ɔ.

Hesekiel 1:17

Sɛ bɛkɔ a, bɛfa bɛ bue nna ne yeɛ bɛnate ɔ, na bɛkɔ a, bɛngakyikakyi bɛ nwo.

Hesekiel 10:11

Sɛ bɛnate a, bɛfa bɛ bue nna ne yeɛ bɛnate ɔ; na bɛkɔ a, bɛngakyikakyi bɛ nwo. Na nekaa biala bɔ bɛ ti ne ɔnea ne, bɛkɔ berɛ tee, bɔ bɛkɔ a bɛngakyikakyi bɛ nwo ɔ.

Hesekiel 10:18

Yeɛ AWURADE animnyam ne fili awuro n’anoa nu berɛ oogyinane kɛrubim nemɔ so anwuro.

Hesekiel 10:2

Na osele biaa bɔ ɔhera nwera ne kyɛ, “Kango mɔ bɔ bɛwɔ kɛrubim nemɔ abo ne, kɔworo b’afia; fura see gonn bɔ ɔwɔ kɛrubim nemɔ b’afia ne, ná to pete kuro ne aso.” Na ɔworole nu bɔ me nye tua ɔ.

Hesekiel 10:21

Ko biala ye nyunu te nna, yeɛ ebiala ye ndaa te nna, na sona sa ye sɛso wɔ bɛ ndaa nemɔ abo.

Hesekiel 8:3

Ɔtengyɛle nikyee bie bɔ ye sue te asaa ɔ, ɔfa sɔle me ti nwiaa nu, na Sunzum ne mane me so hɔle anwuro ne ase b’afia, na ɔfale me wale Yerusalem wɔ nyekyire bɔ ofi Nyameɛ berɛ ɔ nu. Ɔfale me wale asɔneyɛɛ sua ne akunu dɔ anoa piri bɔ ye nye kyire sorɔ dɔ ne anyunu berɛ, nekaa bɔ nungunɛhwenɛ amoen bɔ ɔtwetwe nungunɛ ba ne ogyi ne.