Hesekiel 1:7 - AHYERƐLƐ KRONGRON

⁷ Né bɛ gya nemɔ tengyɛ fɔngɔnn, na bɛ gya kunu te kyɛ nandwie ba deɛ ne ala; na né bɛ nwo ta te kyɛ kɔɔbere bɔ bahwi ye nwo nahanaha ɔ.

Hesekiel 1:7 Iomraidhean Croise

Edwein 104:4

Ɛfa mvrama yɛ wɔ bɔfoɛ mɔ, yeɛ ɛfa see wuronyiwuronyi yɛ wɔ somvoɛ mɔ.

Hesekiel 1:13

Abɔdeɛ ateasefoɛ nemɔ bɛ sue ne, besoma see bɔ wasɔ gonn ɔ, besoma kanea bɔ ɔkɔ ye nyunu ne ye si wɔ abɔdeɛ ateasefoɛ nemɔ b’afia ɔ. Né see ne ta, na agralaa tete fili see ne anu.

Hesekiel 40:3

Na ɔfale me wale berɛ nen, yieee, né biaa bie wɔ berɛ bɔ ye sue te kyɛ kɔɔbere ɔ. Né ogyi anoa piri ne anu berɛ, né otira nyamabire ne elemmire bɔ bɛfa besusu nikye ɔ.

Daniel 10:6

Ye sonaluwaa ne, ɔte kyɛ nyɔboɛ bɔ bɛfrɛ ye bɛrile, ye nyunu te kyɛ agralaa, ye nye mmaa te kyɛ see bɔ ogye wuronyiwuronyi ɔ, ye sa ne ye gya nwo te kyɛ ayaa bɔ bahwi ye nwo ɔ, na odwudwo a ye komvi te kyɛ ɛlɔen komvi.

Lewitikɔso 11:3

Kaka biala bɔ ye gya ne anu apakye, bɔ ye gya ne wura mbaboa, ná opu ye aleɛ sá pesa ne, ɛmɔkɔhora bekoli.

Lewitikɔso 11:47

kyɛ ɛmɔkɔma nzonzoleɛ kɔla nningyein bɔ bɛ nwo te ɔne bɛbɔ bɛ nwo nde afia; ngaka bɔ odi kyɛ ɛmɔdi ɔne bɔ onni kyɛ ɛmɔdi ɔ afia.

Nyekyire 1:15

ye gya nwo te kyɛ ayaa bɔ bahwi ye nwo nyemenenyemene ɔ, kyɛ bɔ bafa see bapɔ ye nwo ɔ, na ye komvi te kyɛ asue pee bɔ bɛsẽ wuruwuru ɔ.