Hesekiel 1:4 - AHYERƐLƐ KRONGRON

⁴ Ndole me nye nneane, na yieee, mvrama piri bie tu fili sorɔ dɔ, munungum pirikua bie bɔ kanea hyireinn apɛ ye nwo ayia ɔ, bɔ ogye see ɔ, bɔ see n’afia ne ɔte kyɛ kɔɔbere bɔ ogye monyerɛnmonyerɛn ɔ.

Hesekiel 1:4 Iomraidhean Croise

1 Ahemvo 19:11

Afei osele Elia kyɛ, “Kɔ bokaa ne aso kogyina AWURADE nyunu, ofikyɛ AWURADE baapɛ nu.” Afei mvrama kandinga bie tuli. Né mvrama ne noa yɛ se paa, yiti odwudwale mmokaa ne nyɔbotaen mɔ nu wɔ AWURADE nyunu, nakoso né AWURADE ɔnne mvrama ne anu. Mvrama ne asi ne, aseɛ wosole, nakoso né AWURADE ɔnne aseɛwosolɛ ne anu.

2 Ahemvo 2:11

Begu so bedi ngɔmɔ bɛkɔ ne, mvum nu, see teaseɛnam bie bɔ see mbɔngɔ bɛtwe ɔ ɔɔtetele bɛ munyɔ bɛ nu. Na mvrama bɔ ɔpɛ ye nwo bie fale Elia hɔle nyameɛso.

2 Aberɛso Dwirɛ 5:13

Totorobɛndohulɛfoɛ ne edweintolɛfoɛ nemɔ, b’adwuma ole kyɛ bɛkɔbɔ nu bɛkɔye AWURADE ayɛ bɛkɔla ye ase ɔ. Na sɛ bɛkenga edwein ne a, bɛfa totorobɛndo ne firikyiwa ne edweintolɛ nningyein ahoroɔ besuro so bɛye AWURADE ayɛ kyɛ, “Ɔte paa, na ye ɔdɔ bɔ onni ngasi ne, ɔwɔ berɛ daa.” Sɔ mmerɛ ne, munungum yili AWURADE awuro berɛ tɛkyɛ.

YOB NWOMAA NE 38:1

Afei AWURADE dwudwole fili mvrama bɔ ɔpɛ ye nwo ne anu obuale Yob kyɛ,

Edwein 50:3

Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Ɛksadɔso 9:24

Asukɔtwea nyɔboɛ ne agralaa bɔ ɔ́tete see yerɛmyerɛm lili afra. Na kyɛbɔ ye suronyi si te ne, ofite kyɛ Misraim yɛle maen ɔ, ye sɛso ɔwwale Misraim aseɛ ne amukoraa so le.

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Yesaya 21:1

Mboanoa ɛserɛ nwo nyekyire. Ngwaen dɔ mvrama bɔ ɔpɛ ye nwo ne, kyɛbɔ osi tu ba ne, sɔ ala yeɛ otu fi ɛserɛ so dɔ ba ɔ, ofi aseɛ bɔ so yɛ suro ɔ so.

Yeremia 23:19

Nea! AWURADE mvrama bɔ ɔpɛ ye nwo ne otu! Ɛyaa piri afite awa, mvrama bɔ ɔpɛ ye nwo bɔ otu serɛserɛ ɔ; na okoofĩ bɔnefoɛ bɛ ti so serɛserɛ.

Yeremia 25:32

Asafo AWURADE nwa nyoo: Tie, musue piri ne ɔkɔtrɛ kofi maen so koodwu maen so, na mvrama piri bɔ ɔpɛ ye nwo ne okotu kofi aseɛ ne noa dɔ mɔ paa!

Yeremia 25:9

yiti ɛ́mɔtie, ngɔsoma maa bɛkɔɔfa sorɔ dɔ mmusua amukoraa ne me somvoɛ Babilɔn hene Nebukadenesa bɛkɔwa, AWURADE noa dwirɛ ɛne, na ngɔfa bɛ ngɔwa maa bɛkɔho bekotia maen he, ɔne so ama, ɔne maen hemɔ amukoraa bɔ bapɛ ye nwo bayia ɔ. Ngohũhũ bɛ pasaa, ná mamaa bayɛ anwodwiri nikye, maen bɔ mmenia sobi bɛ noa gua bɛ so ɔ, ɔne kurofoen afebɔɔ.

Yeremia 4:6

Ɛ́mɔfa frangaa bɛ́pena berɛ ma ye nye hyire Sion. Ɛ́mɔnwati bɛɛbɔ ɛmɔ nwo adwaa, nnɛma ɛmɔgyina berɛ, ofikyɛ mebaafa musue ne amaneɛ kandinga paa mefi sorɔ dɔ meba.

Yeremia 6:1

Ao Benyaminfoɛ, ɛ́mɔnwati béfi Yerusalem bɛɛbɔ ɛmɔ nwo adwaa! Ɛ́mɔhu totorobɛndo ne wɔ Tekoa, na ɛ́mɔma nwosina frangaa otu hɔ anwuro wɔ Bete Hakerem, ofikyɛ musue ne amaneɛ piri bie waye ye ti wafi sorɔ dɔ.

Hesekiel 1:27

Na nekaa bɔ osoma ye sisia ne, ye anwuro, nwuni nikyee bie te kyɛ kɔɔbere bɔ ogye ɔ, kyɛ see bɔ ogye bra yia ɔ. Yeɛ bɔ osoma ye sisia ne, ye aseɛnwo wora, nwuni nikyee bie bɔ ɔte kyɛ see ɔ, na né wata wabra wayia ye nwo.

Hesekiel 13:11

kã kyire bɛ bɔ bɛfa ewure bɛkã ye nwo ne kyɛ: Fasue ne kodwiri kogua. Esue piri kɔtɔ, asukɔtwea kungumaboɔ kɔtɔ kogua, yeɛ mvrama piri kotu.

Hesekiel 13:13

Yiti AWURADE Nyameɛ nwa nyoo: M’ahone kohu maa ngɔma mvrama piri kotu; yeɛ ngɔfɛ yaa ngɔma esue piri kɔtɔ, na m’ahone kohu maa asukɔtwea kungumaboɔ mbiri mbiri kɔsɛkye ye.

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Hesekiel 8:2

Nneane, na nwuni sona sue bie bɔ ye sue ne te kyɛ see ɔ. Ofi ye nekaa bɔ osoma ye yaase ne bɔ ɔkwaadwu ase ne, ɔte see; yeɛ ofi ye yaase bɔ ɔkɔ ye anwuro ne koso, osoma nikyee bɔ wata ɔ, kyɛ kɔɔbere bɔ wasɔ gonn ɔ.

Sakaria 6:6

Teaseɛnam bɔ mbɔngɔ bire bɛsosɔ ye ne, befi berɛ bɛkɔ sorɔ dɔ maen ne anu; yeɛ fufue nemɔ koso befi berɛ bedi bɛ si, yeɛ bɛ bɔ bɛ nwo te kyerekyerɛɛ ne koso bɛkɔ ngwaen dɔ maen ne anu.”

Hebrifoɛ 12:29

ofikyɛ yɛ Nyameɛ ne te see bɔ ɔyera nikye ɔ.

Nyekyire 1:15

ye gya nwo te kyɛ ayaa bɔ bahwi ye nwo nyemenenyemene ɔ, kyɛ bɔ bafa see bapɔ ye nwo ɔ, na ye komvi te kyɛ asue pee bɔ bɛsẽ wuruwuru ɔ.