Hesekiel 1:3 - AHYERƐLƐ KRONGRON

³ AWURADE lale ye dwirɛ ali hyirele ɔsɔfo Hesekiel bɔ ye baba ole Busi ne wɔ Kaldeafoɛ aseɛ so wɔ asue Kebare noa; na berɛ yeɛ AWURADE tumi wale ye so ɔ.

Hesekiel 1:3 Iomraidhean Croise

1 Ahemvo 18:46

Nakoso né AWURADE tumi gyi Elia si. Elia bɔle ye abɔsoɛ tuli amirika lili Ahabo teaseɛnam ne anyunu alaa oodwuli Yesreel.

2 Ahemvo 3:15

Nakoso ɛ́mɔpena edweintolɛniɛ bɛ́ma me.” Na edweintolɛniɛ ne gu so ɔto dwein ne, AWURADE tumi wale Elisa so.

Edwein 137:1

Babilɔn asue mɔ noa, berɛ yeɛ yɛtenane ase yɛsuni ɔ, mmerɛ bɔ yɛkayele Sion ɔ.

Yeremia 1:2

Ye yeɛ AWURADE lale ye dwirɛ ali hyirele ye, wɔ Yosia bɔ ye baba ole Yuda hene Amon ne, ye ahennie afoɛ bɔ ɔtɔ so buru ne nza ne anu ɔ.

Yeremia 1:4

Na ɔwale kyɛ, AWURADE lale ye dwirɛ ali hyirele me kyɛ,

Yeremia 29:15

“Ɔnate kyɛ ɛmɔahã kyɛ, ‘AWURADE asiesie ngɔmhyɛlɛfoɛ wama yɛ wɔ Babilɔn’ ne ati,

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Hesekiel 10:15

Afei kɛrubim nemɔ pagyapagyale bɛ nwo so. Ɛhemɔ yeɛ nwuni bɛ wɔ asue Kebare noa ne.

Hesekiel 12:13

Ngɔtrɛtrɛ m’asawu nu ngogua ye so, na me ngaen kɔhye ye, na ngɔfa ye ngɔhɔ Babilɔn bɔ ɔwɔ Kaldeafoɛ b’aseɛ so ɔ. Nakoso ongonwu ye, na dɔ yeɛ okowu ɔ.

Hesekiel 3:14

Sunzum ne mane me so fale me hɔle, na ngɔle ye yealɛlilɛ nu, ɔne sunzum nu anyeborolɛ so, na né AWURADE tumi ne wɔ me so paa.

Hesekiel 3:15

Yeɛ bɛ bɔ bahye bɛ nnure bahɔ bɔ bɛwɔ Tel Abibo, bɔ bɛtete asue Kebare noa ne, mmale bɛ berɛ. Ndenane nekaa bɔ bɛte ne ɛlɛsoo, na me nwo dwirili me.

Hesekiel 3:22

AWURADE tumi ne wale me so wɔ berɛ, na osele me kyɛ, “Dwɔso, si nu kɔ bɔnza ne anu dɔ, na dɔ yeɛ me ne wɔ yɛkodwudwo ɔ.”

Hesekiel 3:23

Yiti ndwɔsole nzili nu ngɔle bɔnza ne anu, na yieee, né AWURADE animnyam ne gyi berɛ, bɔ ɔte kyɛ animnyam bɔ nwuni ye wɔ asue Kebare noa ne ala ɔ; na mvale me nyunu mmutuli ase.

Hesekiel 33:22

Na AWURADE tumi wale me so nɔsoa ne koraka yeɛ biaa bɔ wanwati ne ɔbaawa ɔ. Na anzana biaa ne ɔbaawa me berɛ ngyerɛmɔ nen, né AWURADE ate me noa ne, yiti ɔtele me noa ne, na mandɔ mumu ko.

Hesekiel 37:1

AWURADE tumi wale me so, ɔnate AWURADE Sunzum so ɔfale me fitele, na ɔfale me oogyinane bɔnza bie bɔ mmowue ayi nu to ɔ ye afia.

Hesekiel 40:1

Bɛhyele yɛ nnure bɛhɔle ne, ye afoɛ aburanyɔ ne nnu ne anu, afoɛ n’ahyɛaseɛ bosome ne anu eleburu ne aso, bɛbɔle kuro ne ɔ, né ye afoɛ buru ne nna ɛne, sɔ kyẽa ne ala yeɛ AWURADE tumi wale me so ɔ, na ɔfale me wale berɛ.

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Hesekiel 8:1

Afoɛ bɔ ɔtɔ so nzia ne, bosome bɔ ɔtɔ so nzia ne anu, ye elennu ne aso, né nde m’awuro bɔ Yuda mbanyi bɛtete me nyunu ɔ, na AWURADE Nyameɛ tumi wale me so wɔ berɛ.

Daniel 10:4

Na bosome bɔ oli moa ne, ye eleburanyɔ ɛlɛnna ne aso, né ngyi asue piri Tigrise noa.

Hosea 1:1

Yuda ahemvo Yusia, Yotam, Ahase ne Hesekia, yeɛ Yoase awa Yisrael hene Yeroboam, b’ahennie aberɛ so ne, AWURADE dwirɛ bɔ ɔlale ye ali hyirele Beeri awa Hosea ne, ye ɛhe.

Yoel 1:1

AWURADE dwirɛ bɔ ɔlale ye ali hyirele Petuel awa Yowel ne, ye ɛhe.

1 Timoteo 4:1

Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.