Hesekiel 1:27 - AHYERƐLƐ KRONGRON

²⁷ Na nekaa bɔ osoma ye sisia ne, ye anwuro, nwuni nikyee bie te kyɛ kɔɔbere bɔ ogye ɔ, kyɛ see bɔ ogye bra yia ɔ. Yeɛ bɔ osoma ye sisia ne, ye aseɛnwo wora, nwuni nikyee bie bɔ ɔte kyɛ see ɔ, na né wata wabra wayia ye nwo.

Hesekiel 1:27 Iomraidhean Croise

1 Aberɛso Dwirɛ 16:27

Anidie ne animnyam apɛ ye nwo ayia, tumi ne anigye wɔ ye asɔneyɛɛ sua nu.

Edwein 50:3

Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Edwein 97:2

Munungum ne awosii kabii bapɛ ye nwo bayia; tenenee ne ndɛenbualɛ turoloo, bɛte ye ahennie bia nyinasoɛ.

Ɛksadɔso 24:17

Na Yisraelfoɛ nwuni AWURADE animnyam ne kyɛ see bɔ ogye wuronyiwuronyi wɔ bokaa ne ti afia.

Hesekiel 1:4

Ndole me nye nneane, na yieee, mvrama piri bie tu fili sorɔ dɔ, munungum pirikua bie bɔ kanea hyireinn apɛ ye nwo ayia ɔ, bɔ ogye see ɔ, bɔ see n’afia ne ɔte kyɛ kɔɔbere bɔ ogye monyerɛnmonyerɛn ɔ.

Hesekiel 8:2

Nneane, na nwuni sona sue bie bɔ ye sue ne te kyɛ see ɔ. Ofi ye nekaa bɔ osoma ye yaase ne bɔ ɔkwaadwu ase ne, ɔte see; yeɛ ofi ye yaase bɔ ɔkɔ ye anwuro ne koso, osoma nikyee bɔ wata ɔ, kyɛ kɔɔbere bɔ wasɔ gonn ɔ.

Habakuku 3:4

Ye nwo hyireinn ne te kyɛ agralaa; né mmɛen nyɔ fi ye sa nu, ná nu yeɛ né ye tumi ne ɔfea ɔ.

Deuteronomi 4:24

Ofikyɛ AWURADE wɔ Nyameɛ ne, ɔte see bɔ ɔyera motoo ɔ, Nyameɛ bɔ ɔtwe nungunɛ ɔ.

2 Tɛsalonika 1:8

na ɔkɔtɔ bɛ bɔ bɛnze Nyameɛ, ɔne bɛ bɔ bayɛ y’Awurade Yesu Kristo nzɛmba ne nwo asoserɛ nemɔ so wereɛ.

Hebrifoɛ 12:29

ofikyɛ yɛ Nyameɛ ne te see bɔ ɔyera nikye ɔ.