Hesekiel 1:26 - AHYERƐLƐ KRONGRON

²⁶ Nikyee tɛtrɛtɛɛ bɔ ɔwɔ bɛ ti so anwuro ne, né nikyee bie bɔ osoma ahennie bia bɔ bafa nyɔboɛ bɔ osoma safire bayɔ ɔ ɔwɔ ye ti so anwuro. Na nikyee bɔ osoma ahennie bia ne, né nikyee bie bɔ ye sue te kyɛ sona ɔ ɔwɔ so anwuro.

Hesekiel 1:26 Iomraidhean Croise

1 Ahemvo 22:19

Yeɛ Mikaya sele kyɛ, “Nzaade tie AWURADE noa dwirɛ: Nwuni kyɛ AWURADE te ye ahennie bia so, bɔ nyameɛso koɛhonɛfoɛ amukoraati begyigyi ye nwo berɛ wɔ ye bɛen ne famaa ɔ.

Edwein 45:6

“O Nyameɛ, w’ahennie bia wɔ berɛ afebɔɔ! W’ahennie hɔtɔ ne, ɔte pɛpɛɛpɛyɛlɛ hɔtɔ.

Ɛksadɔso 24:10

Na benwuni Yisrael Nyameɛ ne. Né nikyee bie te kyɛ safire nyɔbotɛnderɛ wɔ ye gya bo, bɔ ye nye te kyɛ ewienu ala ɔ.

Yesaya 54:11

“O wɔ bɔ edi yealɛ, bɔ mvrama atu afĩ wɔ, bɔ ebiala ngyekye wɔ wora ɔ, tie, ngɔfa nyɔboɛ nyemenenyemene yeɛ ngosisi wɔ sua mɔ ɔ, na ngɔfa nyɔboɛ bɔ oli safire ngɔto wɔ fapem ne.

Yesaya 6:1

Afoɛ bɔ Nana Yusia wuli ne anu, nwuni AWURADE kyɛ ɔte ahennie bia bɔ so ma paa ɔ so. Né ye ataadeɛ ne noa wayi asɔneyɛɛ sua ne anu tɛkyɛ.

Hesekiel 1:22

Né nikyee bie bɔ ɔte kyɛ nikyee bɔ batrɛtrɛ nu ɔ ɔwɔ abɔdeɛ ateasefoɛ nemɔ bɛ ti so bɔ ɔta kyɛ nyɔboɛ hyɛnhyɛnn, bɔ nu atrɛtrɛ wakata bɛ ti so ɔ.

Hesekiel 1:5

Yeɛ abɔdeɛ ateasefoɛ bɛ sɛso nna befili see ne anu bɛwale. Sɔaa yeɛ né bɛ sue te ɔ: Né bɛ sue te kyɛ sona,

Hesekiel 10:1

Afei nneane, na nwuni nikyee bie bɔ osoma ahennie bia, bɔ osoma kyɛ bafa safire nyɔboɛ bayɔ ɔ, kyɛ ɔwɔ nikyee tɛtrɛtɛɛ bɔ ɔwɔ kɛrubim nemɔ anwuro ne aso.

Hesekiel 43:6

Yeɛ ndele kyɛ ebie odwudwo kyire me fi awuro ne anu, wɔ mmerɛ bɔ né biaa ne ogyi me nwo berɛ ɔ.

Hesekiel 43:7

Na osele me kyɛ, “Sona awa, ɛwa yeɛ ɔte nekaa bɔ m’ahennie bia ogyi ɔ, ɔne nekaa bɔ mefa me gya mesiesie ɔ, bɔ ɔte nekaa bɔ ngɔtena wɔ Yisraelfoɛ nu afebɔɔ ɔ. Na Yisrael awuro ama, bɛ ne bɛ hene mɔ, bɛngɔfa b’adwamanbɔlɛ ne, ɔne bɛ hene mɔ bɛ fuin wɔ b’asɔneyɛɛ nemɔ aso bengogua me dumaa krongron ne anwo fiɛ ko.

Hesekiel 8:2

Nneane, na nwuni sona sue bie bɔ ye sue ne te kyɛ see ɔ. Ofi ye nekaa bɔ osoma ye yaase ne bɔ ɔkwaadwu ase ne, ɔte see; yeɛ ofi ye yaase bɔ ɔkɔ ye anwuro ne koso, osoma nikyee bɔ wata ɔ, kyɛ kɔɔbere bɔ wasɔ gonn ɔ.

Daniel 10:18

Na ebie bɔ ye sɛso te kyɛ kuro sona ɔ ɔfale ye sa hane me, na ɔmane me nwo yɛle me se.

Daniel 7:14

Na ye yeɛ bɛmane ye tumi, animnyam ne ahennie, amaa ɔnate so maen maen mukoraa, mmenia mukoraa ne edwudwolɛ amukoraa baso ye. Ye tumi ne, ɔte tumi bɔ olle ayieleɛ bɔ ɔngɔpɛ nu le ɔ, na ye ahennie ne, ɔte ahennie bɔ ɔngɔbɔ le ɔ.

Sakaria 6:13

Amba, ye yeɛ okosi AWURADE asɔneyɛɛ sua ne ɔ, okonya ahennie animnyam ne, ɔkɔtena ye ahennie bia so koli hene, okoli sɔfo wɔ ye ahennie bia ne aso, na asomdwee bɔ odi mu ɔ kɔwa bɛ munyɔ b’afia.”

Mateo 25:13

“Yiti ɛ́mɔwɛne, ɔnate kyɛ ɛmɔnze kyẽa ne anaa dɔnhwere ne [bɔ Sona Awa ne kɔwa ɔ.]”

Mateo 28:18

Yeɛ Yesu pingyele bɛ nwo berɛ sele bɛ kyɛ: “Bafa nyameɛso ne aseɛ so tumi amukoraati bawura me sa.

Hebrifoɛ 1:8

Nakoso Ɔwa ne de, bɔ ɔha fale ye nwo ɛhe: “O Nyameɛ, w’ahennie bia wɔ berɛ afebɔɔ! W’Ahennie hɔtɔ ne te teenenee hɔtɔ.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 8:1

Edwirɛ bɔ yɛkã ne, porɛ bɔ ogyi so paa ɛhe: ɔsɔfo panyi paa sɔaa yeɛ yɛle ye ɔ, na ɔte Tuminiɛ n’ahennie bia ne famaa so wɔ nyameɛso.

Yosua 5:13

Ɛlɛho bie, né Yosua wɔ nekaa bie bɔ opingye Yeriko. Ɔmane ye ti so, na mvum nu, onwuni biaa bie bɔ wahwe ngrandɛ watira ɔ kyɛ ogyi ye nyunu berɛ. Na Yosua hɔle ye nwo berɛ oobisale ye kyɛ, “Ɛboka yɛ so, anaa ɛboka yɛ pɔfoɛ nemɔ so?”

1 Petro 3:22

Ye yeɛ ɔhɔle nyameɛso ne, na ɔte Nyameɛ sa famaa so; na abɔfo mɔ ne anwoserɛ mɔ ne tumi mɔ babrɛ bɛ nwo ase bawura ye bo.

Nyekyire 1:13

na kanea bakaa nemɔ b’afia ne, nwuni ebie bɔ ɔte kyɛ Sona Awa ne, bɔ owura ataadeɛ tendenn, bɔ wafa sikaa kɔkorɛ abɔsoɛ wabɔ ye afia ɔ.

Nyekyire 14:14

Afei nneane, na yieee, munungum fufue bie, na ebie bɔ ɔte so ɔ ɔte kyɛ Sona Awa ne, bɔ sikaa kɔkorɛ abotire bɔ ye, ná otira dadeɛ koateɛ nnaennaen bi ɔ.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.

Nyekyire 5:13

Na abɔdeɛ biala bɔ ɔwɔ nyameɛso ne aseɛ so ne aseɛ bo ne ɛpo nu ne bɔ ɔwɔ bɛ nu amukoraa, ndele kyɛ bɛkã kyɛ, “Saleɛ ne anidie ne animnyam ne tumi ɔyɛ bɔ ɔte ahennie bia ne aso ne ɔne Boaen Ba ne deɛ afebɔɔ.”