Hesekiel 1:24 - AHYERƐLƐ KRONGRON

²⁴ Na bɛkɔ ne, ndele dede bɔ bɛ ndaa nemɔ yɔle ne, na né ɔte kyɛ asue mbiri bɔ bɛsẽ wuruwuru ɔ, kyɛ Tuminiɛ ne bɔ ɔbɔ nu kurudududu ɔ, kyɛ koɛhonɛfoɛ bɔ bɛbɔ ese ɔ. Na sɛ begyina a, né bahã bɛ ndaa ne ase.

Hesekiel 1:24 Iomraidhean Croise

2 Ahemvo 7:6

Ofikyɛ né AWURADE ama Siria koɛhonɛfoɛ nemɔ bate teaseɛnam mɔ, mbɔngɔ mɔ, ɔne koɛhonɛfoɛ lɔen kandinga nga wɔ bɛ so anu, bɔ ɔnate so maa besisele bɛ nwo kyɛ, “Yisrael hene waabɔ Hiti ahemvo ne Misraim ahemvo mɔ paa kyɛ bɛɛfa koɛ bɛtoa yɛ.”

YOB NWOMAA NE 37:2

Ɛ́mɔtie, ɛ́mɔtie ye komvi bɔ ɔbobɔ nu kurudududu ɔ, ɔne nu bobolɛ bɔ ofi ye noa nu ɔba ɔ.

Edwein 18:13

AWURADE bɔle nu kurudududu wɔ nyameɛso, na Anwuro Anwuro Nyameɛ ne dwudwole nen, asukɔtwea kungumaboɔ ne see gonn tete guale.

Edwein 68:33

Bɔ ɔnate ewienu anwuro anwuro, tetetete nyameɛso ne, ɛ́mɔto ye nwo dwein; ɛ́mɔtie, ye komvi piri ne, ɔbɔ nu kurudududu.

Hesekiel 10:5

Na dede bɔ kɛrubim nemɔ bɛ ndaa ne yɔle ne, né ɛte alaa kodwu bondua dɔ, bɔ ɔte kyɛ Tuminiɛ Nyameɛ ye komvi bɔ odwudwo ɔ.

Hesekiel 3:13

Na dede bɔ abɔdeɛ ateasefoɛ nemɔ bɛ ndaa bɔ otwitwi ye nwo ne ɔyɔ ne, ndele; yeɛ ndele bɛ nwo kango nemɔ bɛ dede ne, ɔne dede bɔ ɔma aseɛ woso ne.

Hesekiel 43:2

Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Daniel 10:6

Ye sonaluwaa ne, ɔte kyɛ nyɔboɛ bɔ bɛfrɛ ye bɛrile, ye nyunu te kyɛ agralaa, ye nye mmaa te kyɛ see bɔ ogye wuronyiwuronyi ɔ, ye sa ne ye gya nwo te kyɛ ayaa bɔ bahwi ye nwo ɔ, na odwudwo a ye komvi te kyɛ ɛlɔen komvi.

Nyekyire 1:15

ye gya nwo te kyɛ ayaa bɔ bahwi ye nwo nyemenenyemene ɔ, kyɛ bɔ bafa see bapɔ ye nwo ɔ, na ye komvi te kyɛ asue pee bɔ bɛsẽ wuruwuru ɔ.

Nyekyire 19:6

Na ndele komviɛ bie bɔ ɔte kyɛ ɛlɔen kandinga komvi, kyɛ asue pee bɔ bɛsẽ wuruwuru ne agralaa bɔ ɔbobɔ nu kurudududu ɔ, bɔ ɔkã kyɛ, “Haleluya! Ofikyɛ Awurade yɛ Nyameɛ Tuminiɛ ne, odi hene.