Hesekiel 1:22 - AHYERƐLƐ KRONGRON

²² Né nikyee bie bɔ ɔte kyɛ nikyee bɔ batrɛtrɛ nu ɔ ɔwɔ abɔdeɛ ateasefoɛ nemɔ bɛ ti so bɔ ɔta kyɛ nyɔboɛ hyɛnhyɛnn, bɔ nu atrɛtrɛ wakata bɛ ti so ɔ.

Hesekiel 1:22 Iomraidhean Croise

YOB NWOMAA NE 37:22

Animnyam bɔ ɔta kyɛ sikaa kɔkorɛ ne, sorɔ dɔ yeɛ ofi ba ɔ, na animnyam bɔ wapɛ Nyameɛ nwo wayia ne, ɔyɛ suro.

Ɛksadɔso 24:10

Na benwuni Yisrael Nyameɛ ne. Né nikyee bie te kyɛ safire nyɔbotɛnderɛ wɔ ye gya bo, bɔ ye nye te kyɛ ewienu ala ɔ.

Hesekiel 1:25

Na nikyee tɛtrɛtɛɛ bɔ ɔwɔ bɛ ti so anwuro ne, komviɛ bie fili nu wale; na begyinane, bɛhane bɛ ndaa ne beguale ase.

Hesekiel 1:26

Nikyee tɛtrɛtɛɛ bɔ ɔwɔ bɛ ti so anwuro ne, né nikyee bie bɔ osoma ahennie bia bɔ bafa nyɔboɛ bɔ osoma safire bayɔ ɔ ɔwɔ ye ti so anwuro. Na nikyee bɔ osoma ahennie bia ne, né nikyee bie bɔ ye sue te kyɛ sona ɔ ɔwɔ so anwuro.

Hesekiel 10:1

Afei nneane, na nwuni nikyee bie bɔ osoma ahennie bia, bɔ osoma kyɛ bafa safire nyɔboɛ bayɔ ɔ, kyɛ ɔwɔ nikyee tɛtrɛtɛɛ bɔ ɔwɔ kɛrubim nemɔ anwuro ne aso.

Hesekiel 10:20

Sɔ abɔdeɛ teasefoɛ nemɔ, bɛ yeɛ nwuni bɛ wɔ Yisrael Nyameɛ ye bo wɔ asue Kebare noa ne, na nwuni kyɛ bɛte kɛrubim.

Nyekyire 21:11

Né ole Nyameɛ animnyam, na ye hyireinn ne ɔte kyɛ nyɔboɛ bɔ ye nyɔboɛ yɛ se paa bɔ bɛfrɛ ye yasepa, bɔ ye nye te kaenn kyɛ neanu ɔ.

Nyekyire 4:3

Na bɔ ɔte so ne, ɛnea a, ɔte kyɛ nyɔboɛ bɔ oli yasepa ne kokwaboba, yeɛ nyangondoen bɔ ɛnea, ɔte kyɛ dɛngyɛmmoɛ ɔ wapɛ ahennie bia ne anwo wayia.

Nyekyire 4:6

Né nikyee bie bɔ ɔte kyɛ neanu po, bɔ ye nye te kaenn kyɛ neanu ɔ ɔwɔ ahennie bia ne anyunu berɛ. Yeɛ né abɔdeɛ ateasefoɛ nna bɔ anyeɛ tuatua bɛ nyunu ne bɛ si ɔ bɛwɔ ahennie bia ne anwo wɔ ye afia berɛ.