Hesekiel 1:16 - AHYERƐLƐ KRONGRON

¹⁶ Sɔaa yeɛ kango nemɔ bɛ sue ɔne kyɛbɔ besi bɛyɔle bɛ ɔ ɔte ɔ: bɛ nwo sue ne te kyɛ nyɔboɛ krisolite bɔ ɔte hyɛmhyɛm ɔ, na bɛ mmɛnna ne, bɛ sue te ko. Kango nemɔ bɛ sue, ɔne kyɛbɔ besi bɛyɔle bɛ ne, ɔte kyɛ kango bɔ owura kango nu ɔ.

Hesekiel 1:16 Iomraidhean Croise

1 Ahemvo 7:33

Agyirɛ nemɔ, bayɔ bɛ kyɛ teaseɛnam agyirɛ. Bɛ tɔkorɔ nemɔ, bɛ noa kaa nemɔ, mbaleɛ bɔ ɔbeabea nu nemɔ, ɔne b’afia brɛmoɛ kurukuru ne, ohurole kɔɔbere yeɛ ɔfa yɔle ɔ.

YOB NWOMAA NE 9:10

Ye bɔ ɔyɔ nningyein mbiri mbiri bɔ ɔbo sona ndeaseɛ so ɔ, anwanwadeɛ bɔ ɛka a ennwu ye noa ɔ.

Edwein 36:6

Wɔ tenenee kɔ anwuro anwuro te kyɛ Nyameɛ mmokaa, na wɔ ndɛenbualɛ turoloo ne, ye kuronn te kyɛ ɛpo buma. Ao AWURADE, ɛpepɛ de kuro mmenia ne ngaka.

Edwein 40:5

Ao AWURADE me Nyameɛ, w’anwanwadeɛ bɔ ayɔ ne, ɔne adwene bɔ ele ye ma yɛ ne, bɛsone paa; ebiala ngɔhora ngɔfa ye nwo ngɔtoto wɔ nwo. Sɛ mekã kyɛ meka ná mebɔ ye nwo dawure a, ɔsone bɔ mengɔhora ye ka ɔ.

Ɛksadɔso 39:13

folii bɔ ɔtɔ so nna ne te nyɔboɛ bɔ bɛfrɛ ye bɛrile, onike ne yasepa; na bɛfale sikaa kɔkorɛ bɛpɛle ye nwo hangra.

Edwein Nu Dwein 5:14

Ye sa te kyɛ sikaa kɔkorɛ pɔmaa, bɔ mbembenanneɛ tuatua nu ɔ. Ye ko te kyɛ ɛsoen gye bɔ bafa safire nyɔboɛ badwura ye nwo ɔ.

Daniel 10:6

Ye sonaluwaa ne, ɔte kyɛ nyɔboɛ bɔ bɛfrɛ ye bɛrile, ye nyunu te kyɛ agralaa, ye nye mmaa te kyɛ see bɔ ogye wuronyiwuronyi ɔ, ye sa ne ye gya nwo te kyɛ ayaa bɔ bahwi ye nwo ɔ, na odwudwo a ye komvi te kyɛ ɛlɔen komvi.

Daniel 7:9

Na ngu so bɔ menea ne, nwuni kyɛ bafa ahennie bia mɔ baasiesie berɛ, na Bɔ Ɔwɔ Berɛ Fi Tetetete ne ɔɔtenane ase, ye tena ne te fufue kyɛ nwera, yeɛ ye ti nwiaa te horaenn kyɛ gyese; ye bia ne te see bɔ ogye wuronyiwuronyi ɔ, na ye bia kɔba nemɔ, bɛte see bɔ ɔsɔ ɔ.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?

Ɛfesofoɛ 3:10

kyɛbɔ ɔkɔyɛ bɔ afei ɔnate asɔre ne aso, Nyameɛ nworɛ ne kɔla ye nwo ali wɔ atee ahoroɔ so kohyire ahennie ne tumi ahoroɔ bɔ bɛwɔ anwuro dɔ ɔ.