Hesekiel 1:15 - AHYERƐLƐ KRONGRON

¹⁵ Na ngu so menea abɔdeɛ ateasefoɛ nemɔ nen, nwuni kango ko wɔ aseɛ so, bɔ ye nyunu nna ɔ, wɔ abɔdeɛ ateasefoɛ nemɔ nwo berɛ.

Hesekiel 1:15 Iomraidhean Croise

1 Ahemvo 7:30

Né nyinasoɛ biala le kɔɔbere agyirɛ nna ne kɔɔbere tɔkorɔ bɔ owurawura nu ɔ. Ye ndweasoɛ nna ne, né bele nyinasoɛ bɔ bɛfa ayaa besie so, bɔ bali abotire adwii bagua bɛ nu biala ngyɛnu ɔ.

Hesekiel 1:6

nakoso né bɛ nu biala ye nyunu te nna, yeɛ né ebiala ye ndaa koso te nna.

Hesekiel 10:2

Na osele biaa bɔ ɔhera nwera ne kyɛ, “Kango mɔ bɔ bɛwɔ kɛrubim nemɔ abo ne, kɔworo b’afia; fura see gonn bɔ ɔwɔ kɛrubim nemɔ b’afia ne, ná to pete kuro ne aso.” Na ɔworole nu bɔ me nye tua ɔ.

Hesekiel 10:9

Nneane, na nwuni kyɛ kango nna bɛwɔ kɛrubim nemɔ nwo berɛ, ko biala wɔ kɛrubo ko nwo, na né kango nemɔ bɛta hyɛmhyɛm kyɛ nyɔbosanyene.

Hesekiel 3:13

Na dede bɔ abɔdeɛ ateasefoɛ nemɔ bɛ ndaa bɔ otwitwi ye nwo ne ɔyɔ ne, ndele; yeɛ ndele bɛ nwo kango nemɔ bɛ dede ne, ɔne dede bɔ ɔma aseɛ woso ne.

Daniel 7:9

Na ngu so bɔ menea ne, nwuni kyɛ bafa ahennie bia mɔ baasiesie berɛ, na Bɔ Ɔwɔ Berɛ Fi Tetetete ne ɔɔtenane ase, ye tena ne te fufue kyɛ nwera, yeɛ ye ti nwiaa te horaenn kyɛ gyese; ye bia ne te see bɔ ogye wuronyiwuronyi ɔ, na ye bia kɔba nemɔ, bɛte see bɔ ɔsɔ ɔ.

Nyekyire 4:7

Abɔdeɛ teasefoɛ bɔ oli moa ne te kyɛ gyata, bɔ ɔtɔ so nyɔ ne te kyɛ nandwie ba, bɔ ɔtɔ so nza ne nyunu soma kuro sona, yeɛ bɔ ɔtɔ so nna ne te kyɛ kɔleɛ bɔ otu ɔ.