Hesekiel 1:10 - AHYERƐLƐ KRONGRON

¹⁰ Sɔaa yeɛ bɛ nyunu ne osoma ɔ: Bɛ mmɛnna ne, ebiala le sona nyunu; ebiala le gyata nyunu wɔ ye famaa so; bɛ mmɛnna ne, ebiala le nandwie nyunu wɔ ye bɛen so, na ebiala le kɔleɛ nyunu [wɔ ye si].

Hesekiel 1:10 Iomraidhean Croise

1 Aberɛso Dwirɛ 12:8

Gade abusua kure nu, koɛhonɛfoɛ ahoneserɛfoɛ bɔ babe wɔ koɛhonɛ nu ne, bɛɛbokale Dawide so wɔ anwoserɛ afealeɛ bɔ ɔwɔ ɛserɛ so ne anu. Né bɛkora bɛfa akokyɛm ne pealɛɛ bɛko paa. Bɛ nye yɛ se kyɛ gyata, yeɛ bɛ nwo koso yɛ nyera kyɛ bokaa so ɛwanzane.

YOB NWOMAA NE 39:27

Wɔ yeɛ ɛkã kyire kɔleɛ maa otu kɔ anwuro, ná ɔnwo ye saen wɔ anwuro anwuro ɔ?

Anyandera 14:4

Nekaa bɔ nandwie nyii nne berɛ ne, aleɛ nne berɛ, na nandwie nyii anwoserɛ yeɛ ɔmaa yɛnya fieso aleɛ pee ɔ.

Yesaya 40:31

nakoso bɛ bɔ bɛnwondɛ AWURADE ne de, bekonya anwoserɛ foforɛ; bɛkɔfa ndaa bekotu kyɛ kɔleɛ, bekotu amirika, na bɛngɔfɛ, bɛkɔnate, na bɛ nwo ngɔyɛ bɛ bɛtɛɛ.

Yesaya 46:8

“Odi kyɛ ɛmɔkaye ɛhe ná ɛmɔdwene ye nwo, ɛmɔ mmeraatolɛfoɛ, odi kyɛ ɛmɔkaye!

Hesekiel 1:6

nakoso né bɛ nu biala ye nyunu te nna, yeɛ né ebiala ye ndaa koso te nna.

Hesekiel 10:14

Né ko biala ye nyunu te nna: bɔ oli moa ne te kɛrubo nyunu, bɔ ɔtɔ so nyɔ ne te sona nyunu, bɔ ɔtɔ so nza ne te gyata nyunu, yeɛ bɔ ɔtɔ so nna ne te kɔleɛ nyunu.

Hesekiel 41:19

Anyunuɛ ko bɔ ɔte sona nyunu ne, ye nye kyire ayee ne bue dɔ; yeɛ ko bɔ ɔte gyata nyunu ne koso, ye nye kyire ayee ne bue faen. Né bali sɔ adwii ne bagua sua ne anwo amukoraa babra bayia.

Daniel 7:4

Né bɔ oli moa ne te kyɛ gyata, na né ole kɔleɛ ndaa. Na ngu so bɔ menea ne, betutuli ye ndaa nemɔ, bɛmane ye so befili aseɛnwo, bɛmaa ogyinane agyirɛ nyɔ so kyɛ sona, na bɛmane ye sona adwene.

Numeri 2:10

“Ruben yeɛ odi kyɛ ɔkyekye ye asikyeleɛ deɛ kure kure wɔ ngwaen dɔ ɔ. Sedɛre awa Elisure yeɛ odi kyɛ otua Ruben boso ama nemɔ bɛ noa ɔ,

Numeri 2:18

“Efraim yeɛ odi kyɛ ɔkyekye ye asikyeleɛ deɛ kure kure wɔ eyia atɔleɛ ɔ. Amihude awa Elisama yeɛ odi kyɛ otua Efraim boso ama nemɔ bɛ noa ɔ,

Numeri 2:25

“Dan yeɛ odi kyɛ ɔkyekye ye asikyeleɛ deɛ kure kure wɔ sorɔ dɔ ɔ. Amisadae awa Ahiesa yeɛ odi kyɛ otua Dan boso ama nemɔ bɛ noa ɔ,

Numeri 2:3

Yuda bɛ koɛhonɛfoɛ kure ne yeɛ odi kyɛ bɛkyekye asikyeleɛ kure kure wɔ eyia afiteleɛ ɔ. Aminadabo awa Nason yeɛ odi kyɛ otua Yuda boso ama nemɔ bɛ noa ɔ.

Luka 15:10

Na mekã mekyire ɛmɔ kyɛ, sɔ ala yeɛ sɛ bɔnefoɛ ko sakyera ye adwene a, ye nwo anigye ba Nyameɛ abɔfo mɔ bɛ nyunu ɔ.”

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

Deuteronomi 28:49

AWURADE kɔma maen bie bɔ ɔwɔ dedeede, bɔ ofi aseɛ noa dɔ ɔ, ɔkɔɔto kɔhye wɔ kyɛ kɔleɛ. Ɔkɔyɛ maen bɔ ɛnde ye dwudwolɛ ɔ,

Nyekyire 4:7

Abɔdeɛ teasefoɛ bɔ oli moa ne te kyɛ gyata, bɔ ɔtɔ so nyɔ ne te kyɛ nandwie ba, bɔ ɔtɔ so nza ne nyunu soma kuro sona, yeɛ bɔ ɔtɔ so nna ne te kyɛ kɔleɛ bɔ otu ɔ.

Nyekyire 5:5

Yeɛ mbanyi nemɔ nu ko sele me kyɛ, “Nea, nnɛsũ, na Yuda abusua kure nu Gyata ne, Dawide Ndii ne, wali ngonim bɔ okobukye nwomaa ne anu, ná ɔkɔtete ye nzɔanoɛ nzoo nemɔ anu ɔ.”

Maenbulɛfoɛ 14:18

Yiti ye ɛlɛsoo ne aso, kuro berɛ mmienzua sele Samson koraka yeɛ eyia kwaatɔ ɔ kyɛ, “Nzikyɛ yeɛ ɔte menemene tra woɛ ɔ? Nzikyɛ yeɛ ye nwo yɛ se tra gyata ɔ?” Na Samson buale bɛ kyɛ, Sɛ ɛmɔamva me bɔbɔ me ye so a, ahaa ɛmɔande anyandera ne abo.”