Hesekiel 1:1 - AHYERƐLƐ KRONGRON

¹ Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Hesekiel 1:1 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Gyenesise 46:2

Na Nyameɛ dwudwo hyirele Yisrael kɔngɔen ne wɔ nyekyire nu. Ɔfrɛle ye: “Yakob, Yakob,” na osurole kyɛ, “Me ɛhe.”

Edwein 137:1

Babilɔn asue mɔ noa, berɛ yeɛ yɛtenane ase yɛsuni ɔ, mmerɛ bɔ yɛkayele Sion ɔ.

Ɛksadɔso 24:10

Na benwuni Yisrael Nyameɛ ne. Né nikyee bie te kyɛ safire nyɔbotɛnderɛ wɔ ye gya bo, bɔ ye nye te kyɛ ewienu ala ɔ.

Yesaya 1:1

Nyekyire he yeɛ Amoso awa Yesaya onwuni ye fale Yuda ne Yerusalem nwo wɔ Yuda ahemvo Yusia, Yotam, Ahase ne Hesekia b’aberɛ so ɔ.

Yesaya 6:1

Afoɛ bɔ Nana Yusia wuli ne anu, nwuni AWURADE kyɛ ɔte ahennie bia bɔ so ma paa ɔ so. Né ye ataadeɛ ne noa wayi asɔneyɛɛ sua ne anu tɛkyɛ.

Yeremia 29:15

“Ɔnate kyɛ ɛmɔahã kyɛ, ‘AWURADE asiesie ngɔmhyɛlɛfoɛ wama yɛ wɔ Babilɔn’ ne ati,

Hesekiel 1:3

AWURADE lale ye dwirɛ ali hyirele ɔsɔfo Hesekiel bɔ ye baba ole Busi ne wɔ Kaldeafoɛ aseɛ so wɔ asue Kebare noa; na berɛ yeɛ AWURADE tumi wale ye so ɔ.

Hesekiel 10:1

Afei nneane, na nwuni nikyee bie bɔ osoma ahennie bia, bɔ osoma kyɛ bafa safire nyɔboɛ bayɔ ɔ, kyɛ ɔwɔ nikyee tɛtrɛtɛɛ bɔ ɔwɔ kɛrubim nemɔ anwuro ne aso.

Hesekiel 10:10

Na bɛ mmɛnna ne, né bɛ sue te pɛ, bɔ ɔte kyɛbɔ kango ko wura kango ko anu ɔ.

Hesekiel 10:15

Afei kɛrubim nemɔ pagyapagyale bɛ nwo so. Ɛhemɔ yeɛ nwuni bɛ wɔ asue Kebare noa ne.

Hesekiel 10:20

Sɔ abɔdeɛ teasefoɛ nemɔ, bɛ yeɛ nwuni bɛ wɔ Yisrael Nyameɛ ye bo wɔ asue Kebare noa ne, na nwuni kyɛ bɛte kɛrubim.

Hesekiel 10:22

Na bɛ nyunu sue ne, bɛte kyɛ nyunuɛ mɔ bɔ nwuni bɛ asue Kebare noa ne pɛpɛɛpɛ. Bɛ nu biala hɔle ye nyunu tee.

Hesekiel 11:24

Yeɛ Sunzum ne mane me so, na ɔnate Nyameɛ Sunzum so, wɔ nyekyire nu, ɔfale me hɔle mmenia bɔ bahye bɛ nnure bahɔ Kaldea nemɔ berɛ. Na afei nyekyire bɔ nwuni ye ne, ofili me so hɔle anwuro.

Hesekiel 3:15

Yeɛ bɛ bɔ bahye bɛ nnure bahɔ bɔ bɛwɔ Tel Abibo, bɔ bɛtete asue Kebare noa ne, mmale bɛ berɛ. Ndenane nekaa bɔ bɛte ne ɛlɛsoo, na me nwo dwirili me.

Hesekiel 3:23

Yiti ndwɔsole nzili nu ngɔle bɔnza ne anu, na yieee, né AWURADE animnyam ne gyi berɛ, bɔ ɔte kyɛ animnyam bɔ nwuni ye wɔ asue Kebare noa ne ala ɔ; na mvale me nyunu mmutuli ase.

Hesekiel 40:2

Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Hesekiel 43:3

Na nyekyire bɔ nwuni ne, osoma nyekyire bɔ nwuni ye wɔ mmerɛ bɔ mmale mmanzɛkyele kuro ne nen, na nyekyire nemɔ soma nyekyire bɔ nwuni ye asue Kebare noa ne; na mvale me nyunu mmutuli berɛ.

Hesekiel 8:3

Ɔtengyɛle nikyee bie bɔ ye sue te asaa ɔ, ɔfa sɔle me ti nwiaa nu, na Sunzum ne mane me so hɔle anwuro ne ase b’afia, na ɔfale me wale Yerusalem wɔ nyekyire bɔ ofi Nyameɛ berɛ ɔ nu. Ɔfale me wale asɔneyɛɛ sua ne akunu dɔ anoa piri bɔ ye nye kyire sorɔ dɔ ne anyunu berɛ, nekaa bɔ nungunɛhwenɛ amoen bɔ ɔtwetwe nungunɛ ba ne ogyi ne.

Hosea 12:10

Mafa ngɔmhyɛlɛfoɛ so madwudwo, mama nyekyire asone, na mafa ngɔmhyɛlɛfoɛ nemɔ so mabubu anyandera.

Yoel 2:28

Na ɛhe asi ne, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mma mmrasua kɔhyehyɛ ngɔm; ɛmɔ mbanyi mɔ kɔhyehye laleɛ, na ɛmɔ mmerandeɛ konwu nyekyire;

Numeri 12:6

Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Numeri 4:3

Ɛ́mɔha ebiala bɔ wali ofi afoɛ aburasa bɔ ɔkwaadwu aburannu, bɔ waso kyɛ ɔyɔ ɛtena sua atenaleɛ ne anu adwuma ɔ.

Mateo 17:9

Na befi bokaa ne aso bɛtorotoro bɛba nen, Yesu hyɛle bɛ kyɛ, “Nnɛma ɛmɔbɔ bɔ ɛmɔanwu ye ne aso bekyire ebiala kɔpem kyɛ Sona Awa ne kotingye kofi awufoɛ nu ɔ.”

Mateo 3:16

Mmerɛ bɔ ɔbɔle Yesu asu yiele nen, Yesu fili nzue ne anu fitele pɛ, yieee, anwuro bukyele (mane ye), na onwuni Nyameɛ Sunzum ne kyɛ abubure odwu ba ye so,

Marko 1:10

Na mmerɛ bɔ Yesu fili nzue ne anu fitele pɛ, onwuni kyɛ anwuro abukye, ná Sunzum ne odwu kyɛ abubure ba ye so ɔ.

Luka 3:21

Na ɔwale kyɛ, ɔbɔle mmenia ne amukoraa asu nen, ɔbɔle Yesu koso asu, na ɔ́bɔ mbaeɛ nen, anwuro bukyele,

Luka 3:23

Yesu hyɛle ye adwuma ne abo nen, né wali afoɛ kɔyɛ aburasa. Ye baba (kyɛbɔ né mmenia bede bedi ne) ye ole Yosef bɔ ɔse ole

Yohane 1:51

Na Yesu sele ye kyɛ, “Nahorɛ nu paa, mekã mekyire ɛmɔ kyɛ, ɛmɔkonwu kyɛ nyameɛso abukye, ná Nyameɛ abɔfo mɔ bɛ́fo na bédwu Sona Awa ne so ɔ.”

Asomafoɛ 10:11

Na onwuni kyɛ anwuro abukye, na nikyee bie bɔ ɔte kyɛ nwera pirikua, bɔ basosɔ ye noa nna ne anu odwu ba ase ɔ.

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 7:56

Na osele bɛ kyɛ, “Ɛmɔnea, menwu kyɛ anwuro abukye, na Sona Awa ne gyi Nyameɛ sa famaa so.”

2 Korintofoɛ 12:1

Ye nwo nhia kyɛ ngɔhoahoa me nwo ɔ, nakoso ngɔhã Awurade nyekyire, ɔne bɔ waye wahyire me nwo dwirɛ.

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”