Hebrifoɛ 8:8 - AHYERƐLƐ KRONGRON

⁸ Nyameɛ nwuni mvomsoɛ wɔ ye mmenia nwo, yiti ɔhane kyɛ, “Tie, mmerɛ bie kɔwa, bɔ me ne Yisrael awuro ama ne Yuda awuro ama yɛkɔhyehyɛ apam foforɛ ɔ, Awurade noa dwirɛ ɛne;

Hebrifoɛ 8:8 Iomraidhean Croise

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Yeremia 23:7

“Yiti tie, mmerɛ bie ɔ́ba, bɔ bɛngɔhã ye ko kyɛ, ‘AWURADE bɔ ɔyele Yisraelfoɛ fili Misraim aseɛ so wale ne, kyɛ ɔte ase ye,’

Yeremia 30:3

Na tie, AWURADE nwa nyoo: Mmerɛ bie ɔ́ba bɔ ngosa ngɔfa me maen Yisrael ne Yuda ngofi nnurehyelɛ nu ngɔwa ɔ, AWURADE noa dwirɛ ɛne, na aseɛ bɔ mva mane bɛ nana mɔ ne, ngosa ngɔfa bɛ ngɔwa so maa bɛkɔfa bɛkɔyɛ bɛ deɛ.”

Yeremia 31:27

“Tie, mmerɛ bie ɔ́ba bɔ Yisrael awuro ama ne Yuda awuro ama mɔ, ngɔfa mmenia bosofoɛ ne ngaka bosofoɛ yeɛ ngolua ɔ, AWURADE noa dwirɛ ɛne.

Yeremia 31:38

“Tie, mmerɛ bie ɔ́ba, bɔ kuro ne, ofi Hananel abandenden bɔ ɔkwaadwu ndweasoɛ pambim ne, bekosa bɛkɔkyekye bɛkɔma AWURADE ɔ, AWURADE noa dwirɛ ɛne.

Yeremia 32:40

Me ne bɛ yɛkɔyɛ apam afebɔɔ, na mengɔyakyi kyɛ ngɔyɛ bɛ paa ɔ; na mmom ngɔfa me nwo suronyi ngowura b’ahone nu, amaa bangakyi bɛ si bamma me.

Hesekiel 37:26

Asa koso, me ne bɛ yɛkɔyɛ asomdwee apam, ɔkɔyɛ me ne bɛ daa apam; ngɔmaa bekotindim, ngɔmaa bɛkɔta pee, na ngɔfa me nekaa krongron ne ngosie bɛ nu afebɔɔ.

Mateo 26:28

ofikyɛ ɛhe yeɛ ɔte me mogya bɔ ogyi berɛ ma apam bɔ mmenia pee ti béhwie bégua bɛ́ma bɔnefakyɛ ɔ.

Marko 14:24

Na osele bɛ kyɛ, “Ɛhe te me mogya bɔ ɔte apam foforɛ mogya bɔ mmenia pee ti béhwie bégua ɔ.

Luka 17:22

Na osele ye asuafoɛ nemɔ kyɛ, “Mmerɛ bie kɔwa bɔ Sona Awa ne, ɛmɔkohuro kyɛ ɛmɔkonwu ye ngyẽa nemɔ anu ko ɔ, nakoso ɛmɔngonwu ye.

Luka 22:20

Sɔ ala yeɛ bedidili beyiele ne, ɔfale kulie, na ɔhane kyɛ, “Kulie he bɔ ɛmɔ ti béhwie bégua ye, ɔte apam foforɛ wɔ me mogya nu.

Luka 5:38

Na mmom odi kyɛ bɛfa nzaa monɛ begua nwomaa ngotoku monɛ nu.

1 Korintofoɛ 11:25

Sɔ ala yeɛ bedidi beyiele nen, ɔfale kulie ne, na ɔhane kyɛ, “Kulie he te apam foforɛ me mogya nu; mmerɛ biala bɔ ɛmɔkɔno ne, ɛ́mɔyɔ he bɛ́fa bɛ́kaye me.”

2 Korintofoɛ 3:6

Ye yeɛ wamaa yafata kyɛ yɛyɛ apam foforɛ ne nwo asomvoɛ ɔ, nna mmeraa bɔ bahyerɛ ɔ nu, na mmom Sunzum nu, ofikyɛ bɔ bahyerɛ ne ma ewue, nakoso Sunzum ne de ɔma ngoa.

Deuteronomi 29:14

Apam he bɔ ndaen foa so ye, ɛmɔ bɔ ɛnɛ kyẽa ye ɛmɔ ne yɛ gyi AWURADE yɛ Nyameɛ nyunu wa ye, nna me ne ɛmɔ ngome yeɛ yɛyɛ ɔ,

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

Hebrifoɛ 7:22

Na ɛhe ma Yesu di apam bɔ odi mu tra so ɔ nu agyinamuɛ.

Hebrifoɛ 8:13

Na sɛ Nyameɛ kã kyɛ “Apam foforɛ” a, né obu bɔ oli moa ne kyɛ wayɛ daa; yeɛ nikyee biala bɔ ye mmerɛ ogu so ɔpɛ nu ná ɔyɛ daa nen, ɔngyɛ né watu wamini.

Hebrifoɛ 8:6

Nakoso kekesaala ye de, Kristo sa ahã sɔfodwuma bɔ odi mu bɔkɔɔ tra bɛ deɛ ne, ofikyɛ apam bɔ odi mu, na afei ogyi bɔhyɛ bɔ odi mu so yeɛ ɔte nu ndamgyinaniɛ ɔ.

Hebrifoɛ 9:15

Ye sɔ ne ati, Yesu te apam foforɛ ne anu ndamgyinaniɛ. Ɔnate kyɛ, ɔfale ye wue bɔ owuli ne yele adasa fili bɛ bɔne bɔ bɛyɔle ye wɔ apam bɔ oli moa ne anu; amaa bɛ bɔ Nyameɛ afrɛ bɛ ne banya agyapadeɛ afebɔɔ bɔhyɛ ne.