Hebrifoɛ 8:5 - AHYERƐLƐ KRONGRON

⁵ Na bɛ dwumadie ne, ɔte nyameɛso deɛ ne nwo nhwɛsoɛ, ɔne wawoɛ; ofikyɛ anzana Nyameɛ baama Mose si ɛtena sua nen, osele ye kyɛ, “Nea kyɛ ɛkɔyɔ nikyee biala maa ye sɛso kɔyɛ kyɛ bɔ mva ngyirele wɔ wɔ bokaa ne aso nen pɛpɛɛpɛ.”

Hebrifoɛ 8:5 Iomraidhean Croise

1 Aberɛso Dwirɛ 28:12

Kyɛbɔ odi kyɛ besi ɛhemɔ amukoraa ne, Dawide fale ye nwo ngrataa mane Solomon: AWURADE awuro aluo berɛ, pumbu amukoraa bɔ bapɛ aluo berɛ nwo bayia ne, nekaa bɔ bɛfa Nyameɛ awuro nningyein besie ne, ɔne nekaa bɔ bɛfa nningyein bɔ batu basie berɛ bama Nyameɛ besie ne.

1 Aberɛso Dwirɛ 28:19

Na Dawide sele Solomon kyɛ, “Krataa bɔ okyire kyɛbɔ besi sua ne amukoraa, bahyerɛ, na AWURADE yeɛ ɔfa mane me ɔ.”

Ɛksadɔso 25:40

Nea kyɛ ɛkɔyɔ ye sɛso kyɛbɔ mafa mahyire wɔ wɔ bokaa ye aso ne.

Ɛksadɔso 25:9

Nyianu sua ne, kyɛbɔ mebaahyire wɔ ne, sɔ ala yeɛ ɔsɛ kyɛ ɛmɔyɔ ye sɛso ne nu nningyein amukoraa pɛpɛɛpɛ ɔ.

Ɛksadɔso 26:30

Kyɛbɔ masusu nyianu sua ne mahyire wɔ wɔ bokaa ye aso ne, sɔ ala yeɛ si ye ɔ.

Ɛksadɔso 27:8

Fa ndaboa yɔ afɔleɛ bokyea ne, ná ma bɔen la ye kunu. Na kyɛbɔ mafa mahyire wɔ wɔ bokaa ne aso nen, sɔ ala yeɛ yɔ ye ɔ.

Numeri 8:4

Sɔa yeɛ bɛyɔle kanea bakaa ne ɔ: bɛborole sikaa kɔkorɛ yeɛ bɛfa bɛyɔle ɔ. Ofi ye nyinasoɛ so kodwu ye nyerɛen ne aso ne, ɔte sikaa kɔkorɛ bɔ baboro ɔ. Kyɛbɔ AWURADE fa hyirele Mose ne sɛso te ne, sɔ ala yeɛ ɔyɔle kanea bakaa ne ɔ.

Mateo 2:12

Né babɔ bɛ kɔkɔ wɔ laleɛ nu kyɛ nnɛmaa besa bɛkɔ Herode dɔ ko, yiti bɛfale atee foforɛ so besa bɛhɔle bɛ maen nu.

Asomafoɛ 7:44

“Né yɛ nana mɔ le ɛtena sua wɔ ɛserɛ ne aso bɔ okyire kyɛ Nyameɛ ne bɛ bɛwɔ berɛ ɔ. Na kyɛbɔ Nyameɛ hyɛle Mose kyɛ ɔyɔ ɛtena sua nen, kyɛbɔ osi nwuni ye ne ala yeɛ ɔyɔle ye ɔ.

Kolosefoɛ 2:17

Ɛhemɔ te nningyein bɔ ɔba nemɔ wawoɛ, nakoso ye paapaa ne ole Kristo.

Hebrifoɛ 10:1

Mmeraa ne de, ole nningyein paa bɔ bɛbaawa ne wawoɛ, na nna bɛ bɔbɔ deinn ɔ. Yiti ɔngora mma bɛ bɔ bɛsɔne Nyameɛ ne, bɛmva afoɛnoa afoɛnoa afɔleɛbɔlɛ ne aso benni mu.

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 13:10

Yɛle afɔleɛ bokyea bɔ bɛ bɔ bedi dwumaa wɔ ɛtena sua ne anu ne, belle ye nwo ate kyɛ bedi so nikyee biala ɔ.

Hebrifoɛ 9:9

Na ɛhe te mvandoho ma ɛnɛ mmerɛ ye, bɔ mmenia fa ayɛyɛdeɛ ne afɔleɛ bɛma, nakoso ɔngora mma sona bɔ ɔsɔne Nyameɛ ne tiboa mmua ye be.

Yosua 22:28

Na yɛsusuli kyɛ, sɛ kyẽa bie bɛka sɔ dwirɛ ne bekyire yɛ anaa yɛ bosofoɛ a, yɛkɔha kyɛ, ‘AWURADE afɔleɛ bokyea ne, ɛ́mɔnea ye sɛso bɔ yɛ nana mɔ sili ɔ; bɔ banzi kyɛ bɛbɔ naen yeralɛ afɔleɛ anaa afɔleɛ wɔ so ɔ, na mmom kyɛ ɔkɔyɛ yɛ ne ɛmɔ afia adanzeɛ ɔ.’

Nyekyire 15:5

Na ɛhemɔ asi ne, nneane, na nwuni kyɛ babukye adanzeɛ ɛtena sua asɔneyɛɛ sua ne wɔ nyameɛso.