Hebrifoɛ 8:1 - AHYERƐLƐ KRONGRON

¹ Edwirɛ bɔ yɛkã ne, porɛ bɔ ogyi so paa ɛhe: ɔsɔfo panyi paa sɔaa yeɛ yɛle ye ɔ, na ɔte Tuminiɛ n’ahennie bia ne famaa so wɔ nyameɛso.

Hebrifoɛ 8:1 Iomraidhean Croise

1 Aberɛso Dwirɛ 29:11

Ao AWURADE, ɛte piri, na tumi, animnyam, ngonimlilɛ ne ahennie nu animnyam te wɔ deɛ, ofikyɛ anwuro ne aseɛ so nningyein amukoraa bɛte wɔ deɛ. Ao AWURADE, ahennie ne te wɔ deɛ, na wɔ tumi te piri tra ebiala.

YOB NWOMAA NE 37:22

Animnyam bɔ ɔta kyɛ sikaa kɔkorɛ ne, sorɔ dɔ yeɛ ofi ba ɔ, na animnyam bɔ wapɛ Nyameɛ nwo wayia ne, ɔyɛ suro.

Edwein 104:1

Ao me kra, ye AWURADE ayɛ. Ao AWURADE me Nyameɛ, ɛte piri paa. Afa animnyam ne ahennie nu animnyam ahera.

Edwein 110:1

AWURADE sele me mene kyɛ, “Tena me sa famaa so kɔpem kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.”

Edwein 145:12

kyɛ bɛkɔma adasa mmaa bekonwu wɔ nnwumaa mbiri mbiri nemɔ, ɔne w’ahennie animnyam hyireinn ne.

Edwein 21:5

Wɔ ngoalelɛ ti, ye animnyam te piri; na afa anidie ne ahennie alo ye.

Yesaya 24:14

Bɛ de, bɛkɔma bɛ komvi so bɛkɔto anigye dwein, bɛkɔtea nu bekofi ɛpo so bɛkɔye AWURADE animnyam ayɛ.

Mika 5:4

Na ɔkɔfa AWURADE anwoserɛ kogyina berɛ kɔma ye mmoaen kure aleɛ, wɔ AWURADE ye Nyameɛ animnyam ahennie dumaa nu. Bɛ bo kotimu, ofikyɛ afei ɔkɔyɛ titire koodwu aseɛ so nekaa biala.

Marko 16:19

Na afei, Awurade Yesu dwudwo hyirele bɛ yiele nen, Nyameɛ fale ye hɔle nyameɛso, na ɔɔtenane Nyameɛ sa famaa so.

Ɛfesofoɛ 6:20

bɔ ye nwo bɔfoɛ bɔ nde ti yeɛ bagua me ngɔnzɔngɔnzɔ ye; amaa mahora masi m’ahone mahã, kyɛbɔ ɔsɛ kyɛ mekã ɔ.

Kolosefoɛ 3:1

Yiti sɛ ɛmɔ ne Kristo banya batingye de a, ɛ́mɔpena nningyein bɔ ɔwɔ anwuro ne si atee, nekaa bɔ Kristo te Nyameɛ sa famaa so ne.

Hebrifoɛ 1:13

Na abɔfo mɔ nu beni yeɛ Nyameɛ ahã ahyire ye le kyɛ, “Tena me sa famaa so kodwu kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ?”

Hebrifoɛ 1:3

Ye yeɛ ɔte Nyameɛ animnyam hyireinn ne, ɔne ye sue kaenn, na ole ye tumi dwirɛ ne yeɛ otira nningyein mukoraa nu ɔ. Na ɔtele yɛ nwo fili yɛ bɔne nwo yiele nen, ɔɔtenane Tuminiɛ Nyameɛ sa famaa so wɔ nyameɛso.

Hebrifoɛ 10:12

Nakoso Yesu de, ɔbɔle bɔne nwo afɔleɛ komapɛ twe bɔ odi mu afebɔɔ yiele nen, ɔtenane Nyameɛ sa famaa so,

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 3:1

Yiti aliɛmaa mɔ anwoteefoɛ bɔ Nyameɛ afrɛ ɛmɔ ɔ, ɛ́mɔnea Somafoɛ Yesu bɔ ɔte yɛ dwirɛ bɔ yɛkã ne anwo ɔsɔfo panyi paa ne kyɛ,

Hebrifoɛ 4:14

Ɛmɔma yɛsɔ yɛ gyidie nu serɛ, ofikyɛ yɛle ɔsɔfo panyi paa, Nyameɛ Awa Yesu bɔ wafa ewienu wahɔ nyameɛso ɔ.

Nyekyire 3:21

Na bɔ odi ngonim ne, ngɔmaa ɔne me kɔtena m’ahennie bia so, kyɛbɔ me koso mali ngonim ná me ne me Baba yatena ye ahennie bia so ne.