Hebrifoɛ 7:3 - AHYERƐLƐ KRONGRON

³ Olle niɛ, olle seɛ, olle abusua biala, ye ngyẽa olle ahyɛaseɛ, yeɛ ye ngoa koso olle ayieleɛ. Ɔte kyɛ Nyameɛ Awa ne, na ɔte sɔfo afebɔɔ.

Hebrifoɛ 7:3 Iomraidhean Croise

Ɛksadɔso 6:18

Kohate mma mɔ ɛhe: Amram, Yisare, Hebron ne Yusiɛl. Kohate afoɛ bɔ olili te ɛyaa ko ne aburasa ne nza.

Numeri 1:18

na bosome bɔ ɔtɔ so nyɔ ne, ye kyẽa bɔ oli moa ne, bɛmane maen ne amukoraa bɛbɔle dwaa. Bɛhyerɛhyerɛle bɛ dumaa kyɛbɔ bɛ mmusua mmusua ɔne bɛ nana mɔ sasofoɛ te ɔ, na mmienzua bɔ bali ofi afoɛ aburanyɔ bɔ ɔkɔ ne, bɛhyerɛle bɛ dumaa ngoko ngoko,

Mateo 4:3

Na bɔ oso mmenia nea ne wale ye berɛ oosele ye kyɛ, “Sɛ wɔ ole Nyameɛ Awa ne a, hyɛ nyɔboɛ hemɔ ma paanoo.”

Hebrifoɛ 4:14

Ɛmɔma yɛsɔ yɛ gyidie nu serɛ, ofikyɛ yɛle ɔsɔfo panyi paa, Nyameɛ Awa Yesu bɔ wafa ewienu wahɔ nyameɛso ɔ.

Hebrifoɛ 7:1

Sɔ Mɛlkisɛdɛke ne, ɔte Salem hene, na osa te Anwuro Anwuro Nyameɛ ne ye sɔfo. Mmerɛ bɔ Abraham fi koɛ bɔ oohuhuni ɛhene biemɔ na osa ba nen, Mɛlkisɛdɛke ooyiale ye, na oyirale ye;

Hebrifoɛ 7:17

Ofikyɛ odi ye nwo adanzeɛ kyɛ, “Ɛte sɔfo afebɔɔ, kyɛ Mɛlkisɛdɛke deɛ ne ala.”

Hebrifoɛ 7:2

na Abraham buli ye nningyein mukoraa nu buru tuli ko mane ye. Sɔ Mɛlkisɛdɛke he dumaa ne bo kyire “Tenenee hene,” yeɛ ɔnate kyɛ ɔte Salem hene ne ati, ye bo sa kyire “asomdwee hene.”

Hebrifoɛ 7:6

Na biaa bɔ ye abusua ɔtte bɛ deɛ ne bie ne, olele buru nu ngyɛmuɛ ko fili Abraham berɛ, na osa yirale bɔ né bɔhyɛ ne te ye deɛ ne.