Hebrifoɛ 5:4 - AHYERƐLƐ KRONGRON

⁴ Ebiala ngora mva sɔ dibea ne ndo ye nwo so, na mmom sana Nyameɛ afrɛ ye kyɛbɔ ɔfrɛle Aarɔn nen.

Hebrifoɛ 5:4 Iomraidhean Croise

Ɛksadɔso 28:1

“Afei, ye eliɛma Aarɔn ne ye mma mmienzua nemɔ sie ahameɛ fi Yisraelfoɛ nu ma bɛbra wɔ berɛ, ná beeli sɔfo bɛso me. Mekyire Aarɔn ne ye mma mmienzua Nadabo ne Abihu, yeɛ Eleasa ne Yitama.

Numeri 16:40

Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Numeri 16:5

Na osele Kora ne ye lɔen ne amukoraa kyɛ, “Ɛhema ngyerɛmɔ, AWURADE kɔmaa yɛkonwu sona horɛ bɔ ɔte AWURADE deɛ ɔ, bɔ ɔte krongron ɔ, ɔne bɔ ɔkɔpene so maa okopingye ye ɔ. Sona bɔ AWURADE kɔnea nu kɔye ye ne, ɔkɔmaa okopingye ye.

2 Aberɛso Dwirɛ 26:18

Bɛhã besili Nana Yusia nyunu kyɛ, “Nana, nna wɔ yeɛ odi kyɛ ɛyera ɛyɛɛ ma AWURADE ɔ, na mmom Aarɔn boso ama asɔfo nemɔ bɔ bɛ yeɛ batu bɛ basie berɛ kyɛ bɛbɔ afɔleɛ ne, bɛ yeɛ odi kyɛ bɛyɔ sɔ ɔ. Fi nekaa krongron berɛ fite, ofikyɛ ayɔ bɔne, na ɛhe ngɔma engonya animnyam wɔ AWURADE Nyameɛ nyunu.”

1 Aberɛso Dwirɛ 23:13

Amram mma mmienzua ole Aarɔn ne Mose. Nyameɛ tuli Aarɔn siele berɛ kyɛ ɔɔte nningyein krongron paa nemɔ anwo, ná ye sɔ ti, ɔne ye boso ama bɛyera ɛyɛɛ wɔ AWURADE nyunu afebɔɔ, bɛsɔne ye, ná beyira mmenia wɔ AWURADE dumaa nu afebɔɔ.

Yohane 3:27

Na Yohane buale kyɛ, “Sona biala ngɔhora ngonya nikyee biala, sana bɛfa befi nyameɛso bɛma ye.

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Numeri 18:7

Nakoso ɛne wɔ mma mɔ bɔ bɛboka wɔ so de, ɛ́mɔye ɛmɔ kunu bɛ́yɔ ɛmɔ asɔfo adwuma wɔ nikyee biala bɔ ɔfa afɔleɛ bokyea ne anwo, ɔne mbɛmuɛ tena ne asi dɔ nwo ɔ. Mafa asɔfo adwuma ne mahyɛ ɛmɔ. Ebiala bɔ nna Lewiniɛ ahɔ ɔ bɔ ɔkɔwa adwuma ne anwo ne de, odi kyɛ beku ye.”

Numeri 16:10

Wama wɔ ne eliɛma mɔ Lewifoɛ amukoraa ate ama ɛmɔawa ye nyunu; nakoso afei de ɛmɔpere asɔfo adwuma ne bɛboka so!

Numeri 16:7

Ɛhema ɛ́mɔfa see begua bɛ nu, na ɛ́mɔfa ɛyɛɛ bégua so wɔ AWURADE nyunu. Na sona bɔ AWURADE kɔnea nu kɔye ye ne, ye yeɛ ɔte krongronniɛ ne ɔ. Ɛmɔ Lewifoɛ, ɛmɔduo boɛ!”

Lewitikɔso 8:2

“Fa Aarɔn ne ye mma mmienzua nemɔ, ndaadeɛ ne, ɛpopalɛ ngoo ne, bɔne nwo afɔleɛ nandwie nyii ne, mmoaen nyii nyɔ ne, kɛndɛen bɔ paanoo kabrɛdi gua nu ne;

Numeri 3:3

Aarɔn mma mmienzua mɔ bɔ bapopa bɛ ngoo bɔ Aarɔn hyɛle bɛ sɔfo ne, bɛ dumaa ɛne.

Ɛsra 7:5

bɔ ye baba ole Abisua, bɔ ye baba ole Finehase, bɔ ye baba ole Eleasa, bɔ ye baba ole ɔsɔfo panyi Aarɔn ne,