Hebrifoɛ 5:3 - AHYERƐLƐ KRONGRON

³ Na ɔnate sɔ ne ati, nna mmenia bɛ bɔnefakyɛ afɔleɛ ngome yeɛ ɔbɔ ɔ; na mmom odi kyɛ ɔbɔ ye bɔbɔ ye deɛ koso.

Hebrifoɛ 5:3 Iomraidhean Croise

Lewitikɔso 16:15

“Odi kyɛ oku maen bɔne nwo afɔleɛ abɔngye ne, ná ɔ́fa ye mogya ne ɔba mbɛmuɛ ɛtena ne asi. Kyɛbɔ ɔfale nandwie nyii mogya ne yɔle ne, sɔ ala yeɛ odi kyɛ ɔfa abɔngye mogya ne ɔyɔ ɔ; ɔsɛ kyɛ ɔfa mogya ne pete mbata bia ne aso ne ye nyunu.

Lewitikɔso 16:6

“Odi kyɛ Aarɔn fa nandwie nyii ne bɔ bɔne nwo afɔleɛ ma ye nwo, ná ɔpata ma ye bɔbɔ ye nwo, ɔne ye awuro ama.

Lewitikɔso 9:7

Yeɛ Mose sele Aarɔn kyɛ, “Twe pingye afɔleɛ bokyea ne, ná bɔ bɔne nwo afɔleɛ ɔne naen yeralɛ afɔleɛ ma wɔ nwo, ná yɛ mbata ma wɔ bɔbɔ wɔ nwo ne wɔ mmenia ne; ná fa mmenia nemɔ afɔleɛ nningyein ne bra baapata ma bɛ, kyɛbɔ AWURADE ahyɛ ne.”

1 Korintofoɛ 15:3

Ofikyɛ, edwirɛ bɔ ye nwo hia paa yeɛ nyane ɔ, ná me koso mva mmrɛle ɛmɔ kyɛ, yɛ bɔne ti yeɛ Kristo wuli ɔ, kyɛbɔ Ahyerɛlɛ ne kã ne.

Hebrifoɛ 10:12

Nakoso Yesu de, ɔbɔle bɔne nwo afɔleɛ komapɛ twe bɔ odi mu afebɔɔ yiele nen, ɔtenane Nyameɛ sa famaa so,

Hebrifoɛ 7:27

Ye de, ɔtte kyɛ asɔfo mbanyi paa hene mɔ, onhia kyɛ ɛlɛho biala odi moa bɔ ye bɔbɔ ye bɔne nwo afɔleɛ koraka na wabɔ maen deɛ, na mmom ɔfale ye nwo bɔle afɔleɛ pɛnko.

Hebrifoɛ 9:7

Nakoso bɔ ɔtɔ so nyɔ ne anu de, ɔsɔfo panyi paa ne ngome yeɛ afoɛnoa biala ɔkɔ berɛ komapɛ twe ɔ; na ɔfa kaka mogya kɔbɔ ye bɔbɔ, ɔne maen ne amu bɛ bɔne nwo afɔleɛ.