Hebrifoɛ 5:2 - AHYERƐLƐ KRONGRON

² Na ɔnate kyɛ ye bɔbɔ ɔtɔ sii wɔ nningyein pee nu ne ati, ɔkora nwu bɛ bɔ bɛnze na bɛyɔ mvomsoɛ ne anwumvoin.

Hebrifoɛ 5:2 Iomraidhean Croise

Ɛksadɔso 32:8

Atee bɔ ngyirele bɛ ne, bakwati ye ndɛndɛ so. Bahuro nikyee bafa bayɔ nandwie ba, bakoto ye, yeɛ babɔ afɔleɛ bama ye, na baha kyɛ, O Yisrael, wɔ nyameɛ mɔ bɔ bɛyele wɔ befili Misraim aseɛ so bɛwale ne ɛhe!”

Yesaya 29:24

Bɛ bɔ bali sunzum nu makyebu ne, bekonya ndeaseɛ, na bɛ bɔ bɛpenepene bɛ komvi ne, bekosua ngyerɛkyerɛ.”

Yesaya 30:11

ɛ́mɔmakye béfi atimbire ne aso, ɛ́mɔfi atee ne aso, nnɛmɔmaa yɛte Yisrael Krongronniɛ ne nwo dwirɛ ko.”

Luka 22:32

Nakoso mabɔ mbaeɛ mama wɔ, kyɛbɔ wɔ gyidie ngɔtɔ ase ɔ, amaa sɛ esa gyina wɔ gya so a, ahyɛ eliɛma mɔ nguraen.”

2 Korintofoɛ 11:30

Na sɛ odi kyɛ mehoahoa me nwo a, nningyein bɔ okyire kyɛ meyɛ mmerɛ yeɛ ngɔfa ngɔhoahoa me nwo ɔ.

2 Korintofoɛ 12:5

Sɔ sona ne yeɛ ngɔfa ye ngɔhoahoa me nwo ɔ, nakoso me bɔbɔ me nwo de mengɔhoahoa; sana me mmerɛyɛlɛ nwo yeɛ ngɔhoahoa me nwo ɔ.

Galatiafoɛ 4:13

Ɛmɔse kyɛ né me nwo mva me ti yeɛ ɔmaa nnili moa ngane nzɛmba ne ngyirele ɛmɔ ɔ.

Ɛfesofoɛ 4:18

Bɛ de, awosii akata bɛ ndeaseɛ so, na ɔnate ndeaseɛ bɔ belle bie, ná bayɛ asoserɛ ne ati, ngoa bɔ Nyameɛ fa ma ne wabɔ bɛ.

1 Timoteo 1:13

Ɔwɔ nu kyɛ daa ne de, ngekane musue dwirɛ ndiale ye, ndanene ye nye, nyɛle ye so patapaa; nakoso onwuni me anwumvoin, ofikyɛ né menze bɔ meyɔ ɔ, na nyɔle ye wɔ elelɛ bɔ né menne menni ne anu.

Hebrifoɛ 12:13

Na ɛ́mɔsiesie atimbire bɔ ɔtengyɛ ɔ bɛ́ma ɛmɔ gya, amaa ɔnate so agyirɛ bɔ ɔtte mayee ne wando wamvo ye nwo, ná mmom wanya ayaresa.

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 2:18

Na ɔnate kyɛ ye bɔbɔ besole ye bɛneane ná onwuni amaneɛ ne ati, ɔkora boka bɛ bɔ bɛwɔ nzɔhwɛ nu ɔ.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.

Hebrifoɛ 7:28

Mmeraa ne de, ɔyɛ mmenia bɔ mvomsoɛ wɔ bɛ nwo asɔfo mbanyi paa, nakoso Nyameɛ noa dwirɛ bɔ ndaen la so, bɔ mmeraa ne asi yeɛ ɔwale ne de, ɔyɛ Baa bɔ odi mu bɔkɔɔ ne ɔsɔfo panyi paa afebɔɔ.

Hebrifoɛ 9:7

Nakoso bɔ ɔtɔ so nyɔ ne anu de, ɔsɔfo panyi paa ne ngome yeɛ afoɛnoa biala ɔkɔ berɛ komapɛ twe ɔ; na ɔfa kaka mogya kɔbɔ ye bɔbɔ, ɔne maen ne amu bɛ bɔne nwo afɔleɛ.

Yakobo 5:19

Nniɛma mɔ, sɛ ɛmɔ nu bie di nahorɛ ne nwo makyebu, ná ebie sa fa ye ba a,

1 Petro 2:25

Ofikyɛ, ahaa né ɛmɔte kyɛ mmoaen bɔ bamini ɔ, nakoso kekesaala ye de, ɛmɔasa bawa ɛmɔ kra so Neafoɛ ne Wɛmvoɛ ne berɛ.

Maenbulɛfoɛ 2:17

Nakoso maenbulɛfoɛ nemɔ po, Yisraelfoɛ andie bɛ; ofikyɛ Yisraelfoɛ beelili nyameɛ foforɛ biemɔ si bɛkotole bɛ. Bɛ nana mɔ bɔ belili AWURADE mmeraa dwirɛ so ne, Nyameɛ dwirɛ bɔ belili so ne, wangyɛ yeɛ Yisraelfoɛ lili ye nwo makyebu ɔ. Bɛ de, banni so.