Hebrifoɛ 5:1 - AHYERƐLƐ KRONGRON

¹ Bɛye ɔsɔfo panyi paa biala befi mmenia nu maa ogyina bɛ gya nu wɔ Nyameɛ nyunu, na ɔfa ayɛyɛdeɛ ne afɔleɛ srɛ bɔnefakyɛ.

Hebrifoɛ 5:1 Iomraidhean Croise

Lewitikɔso 8:2

“Fa Aarɔn ne ye mma mmienzua nemɔ, ndaadeɛ ne, ɛpopalɛ ngoo ne, bɔne nwo afɔleɛ nandwie nyii ne, mmoaen nyii nyɔ ne, kɛndɛen bɔ paanoo kabrɛdi gua nu ne;

Lewitikɔso 9:7

Yeɛ Mose sele Aarɔn kyɛ, “Twe pingye afɔleɛ bokyea ne, ná bɔ bɔne nwo afɔleɛ ɔne naen yeralɛ afɔleɛ ma wɔ nwo, ná yɛ mbata ma wɔ bɔbɔ wɔ nwo ne wɔ mmenia ne; ná fa mmenia nemɔ afɔleɛ nningyein ne bra baapata ma bɛ, kyɛbɔ AWURADE ahyɛ ne.”

Romanfoɛ 15:17

Ɔnate kyɛ mafa me nwo mabɔ Kristo Yesu nwo ti, mefa m’adwuma bɔ meyɔ mema Nyameɛ ne mehoahoa me nwo.

1 Korintofoɛ 15:3

Ofikyɛ, edwirɛ bɔ ye nwo hia paa yeɛ nyane ɔ, ná me koso mva mmrɛle ɛmɔ kyɛ, yɛ bɔne ti yeɛ Kristo wuli ɔ, kyɛbɔ Ahyerɛlɛ ne kã ne.

Hebrifoɛ 10:11

Ɔsɔfo biala gyina ndende daa biala yɔ ye sɔfodwuma ne, na afɔleɛ ko ne ala bɔ ɔbɔ ye daa daa ne ngora ngyikyi bɔne.

Hebrifoɛ 10:12

Nakoso Yesu de, ɔbɔle bɔne nwo afɔleɛ komapɛ twe bɔ odi mu afebɔɔ yiele nen, ɔtenane Nyameɛ sa famaa so,

Hebrifoɛ 11:4

Ɔnate gyidie so yeɛ Abel bɔle afɔleɛ paa bɔ ɔtra Kein deɛ ne, ná ɔsɔle Nyameɛ nye ɔ. Ɔnate ye gyidie so Nyameɛ buli ye kyɛ ɔtengyɛ, ofikyɛ Nyameɛ lili y’ayɛyɛdeɛ ne nwo adanzeɛ. Na ɔwɔ nu kyɛ Abel awu de, nakoso ɔnate ye gyidie so ɔtɛ dwudwo.

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 7:27

Ye de, ɔtte kyɛ asɔfo mbanyi paa hene mɔ, onhia kyɛ ɛlɛho biala odi moa bɔ ye bɔbɔ ye bɔne nwo afɔleɛ koraka na wabɔ maen deɛ, na mmom ɔfale ye nwo bɔle afɔleɛ pɛnko.

Hebrifoɛ 8:3

Bɛye ɔsɔfo panyi paa biala kyɛ ɔfa ayɛyɛdeɛ ne afɔlebɔdeɛ ma Nyameɛ; na ye sɔ ne ati, ohia kyɛ ɔsɔfo panyi paa he koso nya nikyee fa bɔ afɔleɛ.

Hebrifoɛ 8:4

Na sɛ ɔwɔ aseɛ ye aso a, ahaa ɔngɔyɛ sɔfo po, ofikyɛ asɔfo mɔ wɔ berɛ bɔ begyina mmeraa ne aso bɛfa ayɛyɛdeɛ bɛma ɔ.

Hebrifoɛ 9:9

Na ɛhe te mvandoho ma ɛnɛ mmerɛ ye, bɔ mmenia fa ayɛyɛdeɛ ne afɔleɛ bɛma, nakoso ɔngora mma sona bɔ ɔsɔne Nyameɛ ne tiboa mmua ye be.