Hebrifoɛ 4:7 - AHYERƐLƐ KRONGRON

⁷ Yiti Nyameɛ asa ahyɛ kyẽa foforɛ ato berɛ bɔ bɛfrɛ ye “Ɛnɛ” ɔ. Na afoɛ pee asi ne, ɔfale Dawide so hane edwirɛ bɔ bali moa bahã ne kyɛ, “Ɛnɛ, sɛ ɛmɔte Nyameɛ dwudwolɛ a, nnɛma ɛmɔyɛ asoserɛ.”

Hebrifoɛ 4:7 Iomraidhean Croise

1 Ahemvo 6:1

Yisraelfoɛ fili Misraim aseɛ so bɛwale ne, ye afoɛ bɔ ɔtɔ so ɛyaa nna ne aburawɔtwɛ ne anu, né Solomon anya afoɛ nna wɔ Yisrael bia ne aso. Na bosome Siwe bɔ yeɛ ɔte bosome bɔ ɔtɔ so nyɔ ne anu, Solomon hyɛle ye bo sili AWURADE awuro ne.

Edwein 95:7

Ofikyɛ ɔte yɛ Nyameɛ, na yɛte ye mmenia bɔ ɔma bɛ aleɛ ɔ, ɔne ye sa nu mmoaen. Ao, sɛ ahaa ɛnɛ ɛmɔkotie ye noa dwirɛ a!

Mateo 22:43

Yeɛ Yesu bisale bɛ kyɛ, “Na afei ɔwale ye sɛ bɔ Dawide nate Sunzum Krongron so frɛ ye me Mene ɔ, kyɛ,

Marko 12:36

Ofikyɛ Dawide bɔbɔ nate Sunzum Krongron so hane kyɛ, ‘Awurade sele me Mene kyɛ: Tena me sa famaa so, kodwu kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.’

Luka 20:42

Ɔnate kyɛ Dawide bɔbɔ kã ye wɔ Edwein Nwomaa ne anu kyɛ, ‘Awurade sele me Mene kyɛ, Tena me sa famaa so,

Asomafoɛ 2:29

“Aliɛmaa mɔ, odi kyɛ mepakye nu mekã yɛ nana Dawide nwo dwirɛ mekyire ɛmɔ, kyɛ owuli, na besiele ye; na ye asieleɛ wɔ yɛ wa kekesaala ye.

Asomafoɛ 2:31

Onwuni bɔ kyẽa bie okosi ɔ, yiti ɔhane Kristo wutingyelɛ ne nwo dwirɛ kyɛ, ‘Wanyakyi ye wɔ ɛborɔ; na ye nwonaen amborɔ kumaa nu.’

Asomafoɛ 28:25

Bɛ ne bɛ nwo anyɛ adwene; na anzana bɛbaafi berɛ bɛkɔ ne, Pɔɔlo ha hyirele bɛ kyɛ “Edwirɛ bɔ Sunzum Krongron ne nate ngɔmhyɛlɛniɛ Yesaya so ha hyirele ɛmɔ nana mɔ ne te nahorɛ turoloo!

Hebrifoɛ 3:15

Kyɛbɔ bɛkã kyɛ, “Ɛnɛ, sɛ ɛmɔte Nyameɛ dwudwolɛ a, nnɛma ɛmɔyɛ asoserɛ, kyɛbɔ bɛyɛle ye so lɔen ne.”