Hebrifoɛ 4:4 - AHYERƐLƐ KRONGRON

⁴ Ɔnate kyɛ wahã kyẽa bɔ ɔtɔ so nzoo ne nwo dwirɛ wɔ nekaa bie kyɛ, “Na kyẽa bɔ ɔtɔ so nzoo nen, Nyameɛ lele ye nwome wɔ ye nnwumaa mukoraa nu.”

Hebrifoɛ 4:4 Iomraidhean Croise

Ɛksadɔso 20:11

Ofikyɛ elesia yeɛ AWURADE fa bɔle anwuro ne aseɛ, ɛpo ne bɛ nu nningyein amukoraati ɔ, nakoso olele ye nwome kyẽa bɔ ɔtɔ so nzoo ne. Yiti AWURADE yirale afofikyẽa ne, na ɔyɛle ye krongron.

Ɛksadɔso 31:17

Ɔte sɛngyerɛnneɛ afebɔɔ wɔ me ne Yisraelfoɛ y’afia, kyɛ elesia yeɛ AWURADE fa bɔle anwuro ne aseɛ ɔ, nakoso kyẽa bɔ ɔtɔ so nzoo ne de, wanyɔ adwuma, na olele ye nwome.”

Deuteronomi 5:14

Nakoso kyẽa bɔ ɔtɔ so nzoo ne de, ɔte afofikyẽa ma AWURADE wɔ Nyameɛ. Nnɛyɔ adwuma biala sɔ kyẽa ne: wɔ oo, ɛwa bienzua oo, ɛwa brasua oo, w’akoaa oo, w’afaneɛ oo, wɔ nandwie oo, w’afunum oo, wɔ nyɛmmoa mɔ nu biala oo, anaa ɛwɔfoɛ bɔ ɔte wɔ kuro ɔ, amaa ɔnate so w’akoaa ne w’afaneɛ bale bɛ nwome kyɛ wɔ ala.

Hebrifoɛ 2:6

Na mmom bahã ye nekaa bie kyɛ, “Dasaniɛ te nzu koraa bɔ ɛdwene ye nwo ɔ? Anaakyɛ sona awa te nzu, bɔ wɔ nye ku ye nwo ɔ?

Hebrifoɛ 4:10

ofikyɛ ebiala bɔ wawura Nyameɛ nwomelelɛ ne anu nen, ye koso wale ye nwome wɔ ye nnwumaa nwo, kyɛbɔ Nyameɛ lele ye nwome wɔ ye deɛ nwo ne.