Hebrifoɛ 4:3 - AHYERƐLƐ KRONGRON

³ Na yɛ bɔ yale yali ne yeɛ yɛwura sɔ nwomelelɛ ne anu ɔ, kyɛbɔ ɔhane kyɛ, “Yiti nne ɛyaa ndale ndaen kyɛ, ‘Bengowura me nwomelelɛ ne anu bie!’ ” Oyiele ye nnwumaa yɔle fi ewiase ahyɛaseɛ ne.

Hebrifoɛ 4:3 Iomraidhean Croise

Gyenesise 1:31

Nyameɛ nwuni kyɛ nningyein bɔ wayɔ ne amukoraa te paa paa. Aleɛ sane, na aleɛ hyene: kyẽa bɔ ɔtɔ so nzia ɛne.

Edwein 95:11

Yiti mvɛle yaa ndale ndaen kyɛ, “Bengowura me nwomelelɛ ne anu bie.”

Ɛksadɔso 20:11

Ofikyɛ elesia yeɛ AWURADE fa bɔle anwuro ne aseɛ, ɛpo ne bɛ nu nningyein amukoraati ɔ, nakoso olele ye nwome kyẽa bɔ ɔtɔ so nzoo ne. Yiti AWURADE yirale afofikyẽa ne, na ɔyɛle ye krongron.

Yesaya 28:12

Maen he yeɛ osele ye kyɛ, “Ɛhe te nwomelelɛ, Ɛ́mɔma bɛ bɔ bafɛ ne bele bɛ nwome; ɛwa te nekaa bɔ ɔte asomdwee ɔ.” Nakoso bandie ye dwirɛ ne.

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Hesekiel 20:38

Na mmenia bɔ bayɛ lɔen, ɔne bɛ bɔ bɛto me mmeraa ne, ngɔpa nu ngɔye bɛ ngofi ɛmɔ nu. Ngɔɔye bɛ ngofi aseɛ bɔ bɛtete so ne aso de, nakoso bɛ gya baa ngotia Yisrael aseɛ so. Na afei ɛmɔkonwu kyɛ me ole AWURADE.

Mateo 13:35

Na ɛhe mane bɔ ngɔmhyɛlɛniɛ ne hane ne wale nu kyɛ, “Anyandera nu yeɛ ngodwudwo ɔ, na edwirɛ bɔ wafea fi mmerɛ bɔ Ɛdangama bɔle wiase ɔ, ngɔhã.”

Mateo 25:34

Na afei Ɛhene ne kose bɛ bɔ bɛwɔ ye famaa so ne kyɛ, ‘Ɛmɔ bɔ me Baba ayira ɛmɔ ɔ, ɛmɔbra bɛɛfa ahennie bɔ basiesie bama ɛmɔ fi ewiase ahyɛaseɛ ne bɛyɛ ɛmɔ deɛ.

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Hebrifoɛ 3:11

Yiti nne ɛyaa ndale ndaen kyɛ, ‘Bengowura me nwomelelɛ ne anu bie le!’ ”

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

Hebrifoɛ 9:26

Na sɛ ɔtte sɔ de a, ahaa ɔsɛ kyɛ Kristo taa nwu amaneɛ fite kyɛ Ɛdangama bɔle aleɛ ɔ. Nakoso waye ye nwo ali komapɛ wɔ mmerɛ bɔ ewiase kɔ ye ayieleɛ ye, na wafa ye bɔbɔ ye nwo wabɔ afɔleɛ wakyikyi bɔne.

1 Petro 1:20

Ye yeɛ bɛyele ye besiele berɛ koraka yeɛ bɛbaabɔ wiase ɔ, nakoso ɔnate ɛmɔ ti yeɛ bala ye ali bahyire wɔ mmerɛ bɔ oli nziɛ ye anu ɔ.