Hebrifoɛ 4:12 - AHYERƐLƐ KRONGRON

¹² Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.

Hebrifoɛ 4:12 Iomraidhean Croise

Edwein 110:2

Wɔ tumi hɔtɔ ne, AWURADE kɔtengyɛ kofi Sion. Di hene wɔ wɔ pɔfoɛ mɔ b’afia.

Edwein 119:130

Wɔ dwirɛ nu ngyirekyiremuɛ ma kanea; ɔma sona bɔ ye adwene te kãa ɔ nya nimdeɛ.

Edwein 139:2

Ɛse m’asetenalɛ ne me dwɔsolɛ mmerɛ; na enwu me ti anu adwene fi dedeede.

Edwein 149:6

Odi kyɛ bɛfa bɛ noa bɛbɔ Nyameɛ nzabranoa, ná bétira sɛpɔ wɔ bɛ sa nu,

Edwein 45:3

Ao Tuminiɛ, fa wɔ ngrandɛ wura bɔha nu si wɔ taku so, wɔ w’animnyam ne w’ahennie nu animnyam ne anu.

Anyandera 5:4

nakoso ɔkwaayie ye bo ne, ɔyɛ wee te kyɛ awɔwee, na ɔyɛ nna te kyɛ sɛpɔ.

Nworɛ Dwirɛhanɛniɛ 12:11

Nworɛniɛ ye noa dwirɛ ɔte kyɛ nandwiehanɛniɛ ye pɔmaa noa buralɛ; yeɛ ye anyandera bɔ waboaboa ye noa ne koso, ɔte kyɛ mberɛgoo bɔ mmoaenneafoɛ komapɛ wafa wabɔ berɛ pindinn ɔ.

Yesaya 11:4

na mmom tenenee yeɛ ɔkɔfa kobua anwumvoinfoɛ ndɛen ɔ, na pɛpɛɛpɛyɛlɛ yeɛ ɔkɔfa koli anwobrɛaseɛfoɛ bɛ dwirɛ kɔma bɛ ɔ. Ye noa nu dwirɛ yeɛ ɔkɔfa kɔyɛ mbire kofi aseɛ ɔ, na ɔkɔfa ye noa nu nwomeɛ kohũhũ bɔnefoɛ.

Yesaya 49:2

Ɔmane me noa dwirɛ yɛle kyɛ ngrandɛ nnaennaen, ɔfale me feale ye sa bo fɔnwoo nu, ɔfale me yɛle agyaen anoa tworɔntworɔn, na ɔfale me siele ye ndokue nu.

Yesaya 55:11

sɔ ala yeɛ me dwirɛ bɔ ofi me noa kɔwa ne ɔte ɔ. Ongosa ngɔwa me berɛ mbaen, na mmom sana wayɔ bɔ mekuro kyɛ meyɔ ɔ, ɔne kyɛ okoyie botaeɛ bɔ yiti yeɛ nzomane ye ɔ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Yeremia 23:29

Me dwirɛ ne, aso ɔtte kyɛ see? AWURADE noa dwirɛ ɛne. Anaa ɔtte kyɛ bɔsobaka bɔ obubu nyɔbotaen nu ɔ?

Luka 8:11

Afei, anyandera ne bo ɛhe: Mmakaammaa ne ole Nyameɛ dwirɛ ne.

Yohane 12:48

Sona bɔ ɔpo me ná onne me dwirɛ ndo nu ne, ole bɔ obua ye ndɛen ɔ; na me noa dwirɛ ne ala yeɛ okobua ye ndɛen wɔ ayieleɛ kyẽa ne ɔ.

Yohane 6:51

Me ole ngoa paanoo bɔ ofi nyameɛso wale ase ne; na sɛ ebie di paanoo he bie a, ɔkɔtena ase daa; na paanoo bɔ ngɔfa ngɔma wiase ngoa ne, ye ole me nwonaen.”

Asomafoɛ 2:37

Na bɛtele sɔ dwirɛ ne nen, opusuli bɛ paa, na bebisale Petro ne asomafoɛ ngaa nemɔ kyɛ, “Aliɛmaa mɔ, nzu yeɛ yɛ́yɔ ɔ?”

Asomafoɛ 4:31

Beyiele mbaeɛ ne bɔ nen, nekaa bɔ beyiale ne wosole. Sunzum Krongron yili bɛ tɛkyɛ, na bɛfale ahoneserɛ bɛbɔle Nyameɛ dwirɛ ne dawure.

Asomafoɛ 5:33

Na bɛtele sɔ dwirɛ nen, b’ahone huli, na bɛbɔle porɛ kyɛ bekohũ asomafoɛ nemɔ.

Asomafoɛ 7:38

Mmerɛ bɔ Yisrael ɛlɔen ne yiale ɛserɛ so nen, né Mose boka bɛ so; ɔne yɛ nana mɔ yeɛ né bɛwɔ berɛ ɔ, afei koso né ɔne abɔfo bɔ odwudwo hyirele ye wɔ Sinai Bokaa ne aso ne wɔ berɛ, na olele Nyameɛ ngoa dwirɛ ne mane yɛ.

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

1 Korintofoɛ 1:24

Na bɛ bɔ bafrɛ bɛ ne de, Yudafoɛ oo, Helafoɛ oo, Kristo te Nyameɛ tumi ne ye nworɛ ma bɛ.

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.

2 Korintofoɛ 4:2

Na yagyi nyanzoen bra bɔ bɛbɔ ye mvealeɛ nu ne yagua; yɛmmɔ nnakannaka bra, yeɛ yɛngã Nyameɛ dwirɛ ne yɛngyea ye; na mmom yɛfa nahorɛ ne bɔ yɛye ye ali ne aso maa mmenia de yɛ to nu wɔ Nyameɛ nyunu.

Ɛfesofoɛ 5:13

Na nikyee biala bɔ kanea kɔpa ye nwo tena nen, ɔda ali pefee, ofikyɛ nikyee biala bɔ bɛda ye ali ne, ɔte kanea.

Ɛfesofoɛ 5:26

kyɛbɔ ɔkɔfa nzue ebialɛ nu kɔte ye nwo wɔ edwirɛ ne anu kɔyɛ ye krongron ɔ,

Ɛfesofoɛ 6:17

Ɛ́mɔfa ngoalelɛ buralɛ kyerɛ, ɔne Sunzum ngrandɛ ne, bɔ ye ole Nyameɛ dwirɛ ne.

1 Tɛsalonikafoɛ 2:13

Na ɛhe koso ati yeɛ yɛda Nyameɛ ase daa ɔ, ofikyɛ mmerɛ bɔ yɛfale Nyameɛ dwirɛ ne yɛbrɛle ɛmɔ nen, ɛmɔsɔle nu kyɛ nna kuro sona dwirɛ ɔ, na mmom kyɛ ɔte Nyameɛ dwirɛ amba; na ɛhe yeɛ ɛmɔ bɔ ɛmɔte agyidifoɛ ne, ɔyɔ adwuma wɔ ɛmɔ nu ɔ.

1 Tɛsalonikafoɛ 5:23

Na asomdwee Nyameɛ ne, yɛsrɛ kyɛ ye bɔbɔ ɔte ɛmɔ nwo bɔkɔɔ, ná ɔnea ɛmɔ sunzum ne ɛmɔ kra ne ɛmɔ nipadua so, bɔ ngekalewa biala ngɔwa ye nwo kɔpem kyɛ y’Awurade Yesu Kristo kɔwa ɔ.

Hebrifoɛ 13:7

Ɛ́mɔkaye ɛmɔ mbanyi mɔ bɔ bɛhane Nyameɛ dwirɛ ne behyirele ɛmɔ ne. Ɛ́mɔnea bɛ brabɔlɛ ayieleɛ ná ɛmɔsua bɛ gyidie.

Hebrifoɛ 6:5

ná benwuni Nyameɛ dwirɛ ne nwo mvasoɛ, ɔne ewiase foforɛ bɔ ɔbaawa ne anu tumi ne,

Yakobo 1:18

Ɔnate ye bɔbɔ ye pɛ so yeɛ ɔfale nahorɛ dwirɛ ne wole yɛ ɔ, kyɛ yɛyɛ ye abɔdeɛ ne anu nikyee bɔ oli moa ɔ.

1 Petro 1:23

Banwo ɛmɔ bamvi nikyee bɔ ɔporɔ ɔ nu, na mmom befili bɔ ɔmborɔ ɔ nu, bɔ bɛnate Nyameɛ dwirɛ bɔ ngoa wɔ nu ná otimu berɛ daa ne aso yeɛ bawo ɛmɔ foforɛ ɔ.

Nyekyire 1:16

Né otira nzramaa nzoo wɔ ye sa famaa nu, na sɛpɔ nnaennaen fili ye noa nu fitele, na ye nyunu te kyɛ eyia bɔ ɔbɔ gyireingyirein ɔ.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.

Nyekyire 19:21

Na bɛ ngaa ne de, bɔ ɔte pɔngɔ ne aso ne ngrandɛ noa yeɛ bɛtotɔle ɔ, ngrandɛ bɔ ofi ye noa nu ba ne; na nnomaa mukoraa belili bɛ naen mane bɛ ko yili.

Nyekyire 2:16

Yiti sakyera w’adwene! Na sɛ anyɔ sɔ a, ngɔwa wɔ so ndɛndɛ, na ngɔfa me noa nu ngrandɛ ne me ne bɛ yɛkɔho.

Nyekyire 2:23

Ngohũhũ ye mma mɔ, na asɔre nemɔ amukoraa bekonwu kyɛ me yeɛ mepɛnzɛpɛnzɛ sona ti anu ne ahone nu dwirɛ nu ɔ; na ngɔma ɛmɔ nu biala akatuaa kyɛbɔ ye nnwumaa te ɔ.

Nyekyire 20:4

Afei nwuni ahennie bia mɔ, na bɛmane bɛ bɔ bɛtete so nemɔ tumi kyɛ bebua ndɛen. Na bɛ bɔ ɔnate Kristo adanzeɛ ne Nyameɛ dwirɛ ne ati bɛpepɛle bɛ ti ne, nwuni bɛ kra mɔ. Bɛ de, banzɔne kaka ne anaa ye honi ne, yeɛ banne ye nzorɛhyɛlɛ ne wɔ bɛ nwoma so, anaa bɛ sa nwo. Benyane ngoa bieku, na bɛne Kristo belili hene afoɛ apee ko.

Maenbulɛfoɛ 3:16

Ehude yɔle sɛpɔ bɔ ye tendenn te agyirɛ ko ɔ. Ɔkyekyele sɛpɔ ne batale ye sɔ famaa anwo, na owurale ye ataadeɛ guale so.