Hebrifoɛ 4:1 - AHYERƐLƐ KRONGRON

¹ Yiti kyɛbɔ bɔhyɛ bɔ ɔfa ye nwomelelɛ nu hɔlɛ nwo tɛwɔ berɛ ye de, ɛ́mɔma yɛnea yé ná wamma ye kyɛ ɛmɔ nu biala sa anga ye.

Hebrifoɛ 4:1 Iomraidhean Croise

Anyandera 14:16

Nworɛniɛ suro, na ɔtwe ye nwo fi bɔne nwo, nakoso kwaseaa de, ɔyɛ dwirɛ a ɔndwene ye nwo.

Anyandera 28:14

Sona bɔ mmerɛ biala osuro Nyameɛ ne, onya saleɛ, nakoso bɔ ye so yɛ se ne de, musue kɔto ye.

Yeremia 32:40

Me ne bɛ yɛkɔyɛ apam afebɔɔ, na mengɔyakyi kyɛ ngɔyɛ bɛ paa ɔ; na mmom ngɔfa me nwo suronyi ngowura b’ahone nu, amaa bangakyi bɛ si bamma me.

Numeri 14:34

Ngyẽa eleburanna yeɛ ɛmɔfa bɛɛtetɛle aseɛ ne ɔ. Na kyɛbɔ ngyẽa ne somaa te ne, ɛmɔ amumuyɛɛ kɔbɔ ɛmɔ ti so afoɛ aburanna, bɔ kyẽa ko biala gyi berɛ ma afoɛ ko ɔ; na ɛmɔkonwu kyɛbɔ me yaafɛlɛ si te ɔ.

Mateo 24:48

Nakoso sɛ akoaa bɔnefoɛ ne de, ɔkã ye wɔ ye ti anu kyɛ, ‘Me mene kɔhyɛ koraka ná wawa,’

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Romanfoɛ 11:20

Ɔte amba, bebubuli bɛ beguale, ofikyɛ né benne benni, nakoso wɔ de, wɔ gyidie ti yeɛ ɔmaa ɛtɛ mata bakaa ne nwo ɔ. Yiti nnɛhoahoa wɔ nwo, na mmom suro.

Romanfoɛ 3:23

Ofikyɛ mmenia mukoraa bayɔ bɔne, na Nyameɛ animnyam abɔ bɛ.

1 Korintofoɛ 10:12

Yiti ma ebiala bɔ ɔdwene kyɛ ogyi berɛ ne ɔ́nea yé ná wamvi ase.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Galatiafoɛ 5:4

Ɛmɔ bɔ ɛmɔpena kyɛ bɛfa mmeraa ne aso bebua ɛmɔ be nen, ɛmɔ ne Kristo afia atete, na Nyameɛ adom abɔ ɛmɔ.

2 Timoteo 2:13

sɛ yɛnni nahorɛ a, ye de, odi nahorɛ daa, ofikyɛ ɔngora mbɛ ngondombo.”

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 13:7

Ɛ́mɔkaye ɛmɔ mbanyi mɔ bɔ bɛhane Nyameɛ dwirɛ ne behyirele ɛmɔ ne. Ɛ́mɔnea bɛ brabɔlɛ ayieleɛ ná ɛmɔsua bɛ gyidie.

Hebrifoɛ 3:11

Yiti nne ɛyaa ndale ndaen kyɛ, ‘Bengowura me nwomelelɛ ne anu bie le!’ ”

Hebrifoɛ 4:11

Yiti ɛ́mɔma yɛbɔ mmɔden yɛwura sɔ nwomelelɛ ne anu, amaa ɔnate so ebiala wanyɔ sɔ asoserɛ ne wamvi ase.

Hebrifoɛ 4:9

Nzaade afofikyẽalilɛ wɔ berɛ ma Nyameɛ mmenia;

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.