Hebrifoɛ 3:9 - AHYERƐLƐ KRONGRON

⁹ Berɛ yeɛ ɛmɔ nana mɔ gyegyele me besole me bɛneane, na benwuni me nnwumaa afoɛ aburanna ɔ.

Hebrifoɛ 3:9 Iomraidhean Croise

Edwein 95:9

mmerɛ bɔ ɛmɔ nana mɔ sole me bɛneane, ná bɛgyegyele me ne, ɔwɔ nu kyɛ né banwu me nnwumaa de.

Ɛksadɔso 19:4

Ɛmɔ bɔbɔ ɛmɔanwu bɔ mva nyɔle Misraimfoɛ ɔ, ɔne kyɛbɔ nnodole ɛmɔ wɔ kɔleɛ ndaa so, ná mvale ɛmɔ mmale me berɛ ɔ.

Ɛksadɔso 20:22

Na AWURADE sele Mose kyɛ, “Edwirɛ he yeɛ ka kyire Yisraelfoɛ ɔ: ‘Ɛmɔ bɔbɔ ɛmɔanwu ye kyɛ me ne ɛmɔ yadwudwo fi nyameɛso.

Amose 2:10

Afei koso, nyele ɛmɔ mvili Misraim aseɛ so, na nnili ɛmɔ nyunu mvale ɛmɔ mvale ɛserɛ so afoɛ aburanna, kyɛ ɛmɔɔfa Amoriniɛ n’aseɛ ne bɛyɛ ɛmɔ deɛ.

Numeri 14:33

Na ɛmɔ mma mɔ de, bɛkɔyɛ mmoaenneafoɛ wɔ ɛserɛ so afoɛ aburanna. Na ɔnate kyɛ ɛmɔanne me banni ne ati, bekonwu amaneɛ toonn kɔpem kyɛ ɛmɔ nu sona bɔ ɔpɛ ye bo kowu kɔla ɛserɛ so ɔ.

Luka 7:22

Yeɛ Yesu buale ɛbɔfoɛ nemɔ kyɛ, “Ɛmɔhɔ bɛɛhã bɔ ɛmɔanwu ye, ɔne bɔ ɛmɔate ɔ behyire Yohane, kyɛ anyesiniwaafoɛ benwu nikye, mmubuafoɛ bɛnate, kwatafoɛ nwo fi, asotiniwaafoɛ bɛte dwudwolɛ, awufoɛ betingye, na nzɛmba ne, bɛkã bekyire ehiafoɛ.

Asomafoɛ 13:8

Nakoso ngonyaayelɛniɛ Elima (sɔ yeɛ ye dumaa ne bo kyire ɔ) sili bɛ ate, na ɔbɔle mmɔden kyɛ ɔkɔhwe amrado ne kofi gyidie ne nwo.

Asomafoɛ 7:36

Mose yeɛ ɔyele Yisraelfoɛ fili Misraim ɔ, na ɔyɔle nzɛngyerɛnneɛ ne anwanwadeɛ wɔ Misraim aseɛ so, Ɛpo Kɔkorɛ ne aso ne ɛserɛ so afoɛ aburanna.

Deuteronomi 11:7

Ofikyɛ ɛmɔ bɔbɔ bɛ nye nwuni nningyein mbiri mbiri bɔ AWURADE yɔle ɔ.

Deuteronomi 29:2

Mose mane Yisraelfoɛ amukoraati beyiale, na osele bɛ kyɛ, “Nikyee biala bɔ AWURADE fa yɔle Faro, ye mbanyi mukoraati, ɔne ye aseɛ amukoraati wɔ Misraim aseɛ so ne, ɛmɔ nye tua;

Deuteronomi 4:3

Ɛmɔ bɔbɔ bɛ nye tua bɔ AWURADE yɔle ye wɔ Baal Peɔ ɔ, ofikyɛ ɛmɔ nu mmenia bɔ belili Baal bɔ ɔwɔ Peɔ si ne, AWURADE ɛmɔ Nyameɛ huhuni bɛ fili ɛmɔ nu.

Deuteronomi 4:9

“Nakoso ɛ́mɔnea yé, ɛ́mɔnea ɛmɔ nwo yé, ná ɛmɔ wora amvi nningyein bɔ ɛmɔ nye anwu ye ne, yeɛ nnɛmɔma ofi ɛmɔ ti anu le wɔ mmerɛ biala bɔ ɛmɔte ngoa nu ɔ. Ɛ́mɔfa béhyirehyire ɛmɔ mma ne ɛmɔ nnomaa;

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.

Deuteronomi 8:4

Afoɛ aburanna ye anu, wɔ tena bɔ ɛhera ɔ wandete, yeɛ wɔ gya bo koso wannwunwu.

Yosua 23:3

Ɛmɔ bɔbɔ bɛ nye tua nikyee biala bɔ ɔnate ɛmɔ ti AWURADE ɛmɔ Nyameɛ wafa wayɔ sɔ maen hemɔ amukoraa ɔ, ofikyɛ AWURADE ɛmɔ Nyameɛ ne, ye yeɛ ɔho mane ɛmɔ ɔ.

Yosua 24:7

Yisraelfoɛ sũ frɛle AWURADE, na ɔfale awosii kabii tole ɛmɔ ne Misraimfoɛ b’afia. Ɔmane ɛpo oobu fale bɛ so katale bɛ so; na ɛmɔ nye nwuni nikyee bɔ mva nyɔle Misraim ɔ. Na ɛhe asi ne, ɛmɔtenane ɛserɛ so bɛhyɛle.

Yosua 5:6

Afoɛ aburanna yeɛ Yisraelfoɛ tuli atee fale ɛserɛ ne aso ɔ, kɔpem kyɛ maen ne amukoraa ne bɛ koɛhonɛfoɛ amukoraa bɔ befi Misraim bɛwale ne bewuwuli ɔ, ofikyɛ bandie AWURADE dwirɛ. Na AWURADE tale ndaen hyirele bɛ kyɛ, ɔngɔma bengonwu aseɛ bɔ ɔtale ndaen hyirele bɛ nana mɔ kyɛ ɔkɔfa kɔma yɛ ne, aseɛ bɔ nyɔfonesue ne woɛ tengyɛ wɔ so ne.