Hebrifoɛ 3:8 - AHYERƐLƐ KRONGRON

⁸ nnɛma ɛmɔyɛ asoserɛ, kyɛbɔ bɛyɛle ye so lɔen, wɔ mmerɛ bɔ besole ye bɛneane wɔ ɛserɛ so ne.

Hebrifoɛ 3:8 Iomraidhean Croise

2 Ahemvo 17:14

Nakoso bandie, na mmom bɛyɛle asoserɛ kyɛbɔ bɛ nana mɔ bɔ banne AWURADE bɛ Nyameɛ banni ne, bɛyɛle ne ala.

2 Aberɛso Dwirɛ 30:8

Nnɛma ɛmɔyɛ asoserɛ kyɛbɔ ɛmɔ nana mɔ yɛle ne, na mmom ɛ́mɔbrɛ ɛmɔ nwo ase bɛ́ma AWURADE. Ɛmɔbra AWURADE ɛmɔ Nyameɛ nekaa krongron bɔ wate ye nwo afebɔɔ ne anu, ná ɛ́mɔso ye, amaa ɔnate so wayakyi ye yaa piri bɔ wafɛ ye wɔ ɛmɔ so ne.

2 Aberɛso Dwirɛ 36:13

Nana Nebukadenesa bɔ né wama Sedekia wata Nyameɛ ndaen kyɛ ɔngɔyɛ ye nwo lɔen ne, Sedekia yɛle ye nwo lɔen. Sedekia yɛle asoserɛ, ná obubuli mmakaa tuale ye so kyɛ ɔngɔso AWURADE Yisrael Nyameɛ ne.

Nehemia 9:16

“Nakoso bɛ ne yɛ nana mɔ bɛyɛle anwomasoɛ ne asoserɛ, na banni wɔ mmeraa dwirɛ ne aso.

YOB NWOMAA NE 9:4

Ye nworɛ ne ye tumi te totohyia, nwa yeɛ wadwɔso watia ye bɔ wafa ye nwo wali tɔtorɔtɔɔ ɔ?

Edwein 106:14

Na mmom benyane akɔnnɔ tɛɛ wɔ ɛserɛ ne aso, na besole Nyameɛ bɛneane wɔ aseɛ pralaa ne aso.

Edwein 78:18

Besole Nyameɛ bɛneane wɔ b’ahone nu, ofikyɛ bebisale aleɛ bɔ bɛ komvi wɔ so ɔ kitii.

Edwein 78:56

Nakoso besole Anwuro Anwuro Nyameɛ ne bɛneane, bɛyɛle ye nwo lɔen. Banni ye noa dwirɛ so,

Edwein 95:8

Nnɛma ɛmɔyɛ asoserɛ, kyɛbɔ ɛmɔyɛle wɔ Meriba ne, kyɛbɔ ɛmɔyɛle ye sɔ kyẽa ne wɔ Masa wɔ ɛserɛ ne aso ne,

Ɛksadɔso 17:7

Ɔfrɛle berɛ Masa ne Meriba, ɔnate kyɛ Yisraelfoɛ bɔle somoɛ, na besole AWURADE bɛneane. Bɛhane kyɛ, “Aso AWURADE wɔ yɛ nu wa, anaakyɛ ɔnne yɛ nu wa?”

Ɛksadɔso 8:15

Faro nwuni kyɛ bɛ nwo atɔ bɛ kãa, yiti obubuli mmakaa tuale ye so, na wandɛ bɛ so, kyɛbɔ AWURADE hane ne ala.

Anyandera 28:14

Sona bɔ mmerɛ biala osuro Nyameɛ ne, onya saleɛ, nakoso bɔ ye so yɛ se ne de, musue kɔto ye.

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Yeremia 7:26

nakoso bandie me dwirɛ, yeɛ bandɛ me so, na mmom bɛsoale bɛ kɔme so kyeinn. Bɛyɔle bɔ ɔtte mayee bɛtrale bɛ nana mɔ.

Daniel 5:20

Nakoso mmerɛ bɔ ahandaen wurale ye nu, ná anwomasoɛ maa ɔyɛle dwɛɛ nen, betuli ye befili ye bia so, na belele ye animnyam ne befili ye sa nu.

Numeri 14:11

Na AWURADE sele Mose kyɛ, “Mmenia hemɔ kobu me animtia maa okoodwu kyinzu? Nzɛngyerɛnneɛ amukoraa bɔ mayɔ mama bɛ ye asi ye, kyinzu yeɛ bekole me bekoli ɔ?

Mateo 13:15

Ofikyɛ maen he b’adwene ala; bɛ so anu ayɛ se, yeɛ bamuamua bɛ nye. Wamma ye sɔ a, bɛ nye konwu nikye, bɛ so kɔte dwirɛ, bɛkɔfa b’adwene bɛkɔte ye bo, ná basa bawa me berɛ maa masa bɛ anwonyerɛ.’

Asomafoɛ 19:9

Nakoso ebiemɔ yɛle asoserɛ, banne dwirɛ ne banni, na bɛhane musue dwirɛ betiale Atee ne wɔ mmenia wora ne nyunu. Yiti ɔyakyili bɛ berɛ, ɔfale agyidifoɛ ne bokale ye nwo so; na daa biala ɔyɛle ngyerɛkyerɛ wɔ ebie bɔ bɛfrɛ ye Tirano sukuu sua nu.

Asomafoɛ 7:36

Mose yeɛ ɔyele Yisraelfoɛ fili Misraim ɔ, na ɔyɔle nzɛngyerɛnneɛ ne anwanwadeɛ wɔ Misraim aseɛ so, Ɛpo Kɔkorɛ ne aso ne ɛserɛ so afoɛ aburanna.

1 Korintofoɛ 10:9

Nnɛmɔma yɛso Kristo yɛnea kyɛbɔ bɛ nu biemɔ yɔle ná ewoo kekale bɛ maa bewuwuli ne.

Deuteronomi 6:16

“Nnɛma ɛmɔso AWURADE ɛmɔ Nyameɛ ne bɛnea, kyɛbɔ ɛmɔsole ye bɛneane wɔ Masa ne.

1 Samuel 6:6

Nzu ati yeɛ ɛmɔyɛ asoserɛ kyɛbɔ Misraimfoɛ ne Faro yɛle asoserɛ ne? Oguale Misraimfoɛ nyunu ase yiele nen, aso bamma Yisraelfoɛ ate ma bangɔ?