Hebrifoɛ 3:7 - AHYERƐLƐ KRONGRON

⁷ Yiti kyɛbɔ Sunzum Krongron kã hɔ ɛhe: “Ɛnɛ, sɛ ɛmɔte Nyameɛ dwudwolɛ a,

Hebrifoɛ 3:7 Iomraidhean Croise

2 Samuel 23:2

AWURADE Sunzum fa me so dwudwo, ye noa dwirɛ wɔ me temverema so.

Edwein 81:11

“Nakoso me maen bandie me dwirɛ, Yisrael wammrɛ ye nwo ase wamma me.

Edwein 81:13

Ao, sɛ ahaa me maen kotie me dwirɛ a, sɛ ahaa Yisrael kɔnate m’atee so a!

Anyandera 27:1

Nnɛfa ɛhema hoahoa wɔ nwo, ofikyɛ ɛnze alehyeleɛ nu dwirɛ.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Yesaya 55:6

“Ɛ́mɔpena AWURADE si atee, mmerɛ bɔ ɛmɔpena ye a ɛmɔkonwu ye ɔ, ɛ́mɔfa ɛmɔ dwirɛ bɛ́to ye nyunu, mmerɛ bɔ opingye ɛmɔ ɔ.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 22:43

Yeɛ Yesu bisale bɛ kyɛ, “Na afei ɔwale ye sɛ bɔ Dawide nate Sunzum Krongron so frɛ ye me Mene ɔ, kyɛ,

Marko 12:36

Ofikyɛ Dawide bɔbɔ nate Sunzum Krongron so hane kyɛ, ‘Awurade sele me Mene kyɛ: Tena me sa famaa so, kodwu kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.’

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 10:27

Me mmoaen nemɔ bɛte me komvi, mese bɛ, na bedi me si.

Yohane 10:3

Ye yeɛ anoa wɛmvoɛ ne obukye ye ɔ; mmoaen nemɔ bɛte ye komvi, na ɔfa ye bɔbɔ ye mmoaen bɛ dumaa yeɛ ɔfa frɛ bɛ maa befite ɔ.

Yohane 5:25

Nahorɛ nu paa, mekã mekyire ɛmɔ kyɛ, mmerɛ ne ɔ́ba, na wawa dada, bɔ awufoɛ bɛkɔte Nyameɛ Awa ne komvi, na bɛ bɔ bɛte ne, bekonya ngoa.

Asomafoɛ 1:16

“Aliɛmaa mɔ, odi kyɛ ahyerɛlɛ bɔ Sunzum Krongron ne fale Dawide so hane ne ba nu wɔ Yudase nwo. Sɔ Yudase ne yeɛ olili bɛ bɔ bɛhyele Yesu ne nyunu ɔ.

Asomafoɛ 28:25

Bɛ ne bɛ nwo anyɛ adwene; na anzana bɛbaafi berɛ bɛkɔ ne, Pɔɔlo ha hyirele bɛ kyɛ “Edwirɛ bɔ Sunzum Krongron ne nate ngɔmhyɛlɛniɛ Yesaya so ha hyirele ɛmɔ nana mɔ ne te nahorɛ turoloo!

Asomafoɛ 8:29

Na Sunzum ne sele Filipo kyɛ, “Kɔ teaseɛnam ne anwo berɛ!”

Hebrifoɛ 10:15

Na Sunzum Krongron ne koso di adanzeɛ kyire yɛ, ofikyɛ olili moa hane kyɛ,

Hebrifoɛ 3:13

Na mmom ɛmɔtutu bɛ nwo foɛ kyẽa biala bɔ bɛfrɛ ye “Ɛnɛ” ne, na bɔne annakalaka ɛmɔ nu biala amma wanyɛ asoserɛ.

Hebrifoɛ 3:15

Kyɛbɔ bɛkã kyɛ, “Ɛnɛ, sɛ ɛmɔte Nyameɛ dwudwolɛ a, nnɛma ɛmɔyɛ asoserɛ, kyɛbɔ bɛyɛle ye so lɔen ne.”

Hebrifoɛ 4:7

Yiti Nyameɛ asa ahyɛ kyẽa foforɛ ato berɛ bɔ bɛfrɛ ye “Ɛnɛ” ɔ. Na afoɛ pee asi ne, ɔfale Dawide so hane edwirɛ bɔ bali moa bahã ne kyɛ, “Ɛnɛ, sɛ ɛmɔte Nyameɛ dwudwolɛ a, nnɛma ɛmɔyɛ asoserɛ.”

Hebrifoɛ 9:8

Na Sunzum Krongron kyire nu pefee kyɛ, mmerɛ bɔ né ɛtena sua ne tɛwɔ berɛ ne de, né bennya bebbukyele atee bɔ bɛfa so bɛkɔ krongron nu krongron ne anu ɔ.

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.

Nyekyire 3:20

Tie! Ngyi anoa ne asi mebɔ nu; na sɛ ebie te me komvi ná okobukye anoa ne a, ngowura nu ngɔwa ye berɛ, ná me ne ye yaadidi, ná ɔne me koso adidi.