Hebrifoɛ 3:6 - AHYERƐLƐ KRONGRON

⁶ Nakoso Kristo de, odi Nyameɛ awuro so kyɛ Baa. Yiti yɛ ole ye awuro ne, nakoso sana yɛsɔ yɛ gyidie ne yɛ anwohoahoa bɔ ɔwɔ yɛ anyelasoɛ nu yé kodwu ayieleɛ.

Hebrifoɛ 3:6 Iomraidhean Croise

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Hesekiel 46:10

Sɛ bɛkwaawura nu a, odi kyɛ ɛhene ne ɔne bɛ bɛkɔ; yeɛ sɛ befite koso a, ɔne bɛ yeɛ bekofite ɔ.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Romanfoɛ 11:22

Yiti ɔsɛ kyɛ enwu Nyameɛ ye anwumvoinnwunɛ ne ɔne ye anyeborolɛ ne. Ɔma ye nye boro bɛ bɔ bali makyebu ne aso; na wɔ de, Nyameɛ da ye paayɛlɛ ali kyire wɔ, nakoso sana ɛtena ye paayɛlɛ ne anu, na wamma ye sɔ de a, ɔkɔpɛ wɔ kɔto.

Romanfoɛ 12:12

Ɛ́mɔnya anigye wɔ anyelasoɛ nu, ɛ́mɔnya aboterɛ wɔ amaneɛnwunɛ nu, ná ɛmɔhɔ so bɛbɔ mbaeɛ daa.

Romanfoɛ 15:13

Na mesrɛ kyɛ, anyelasoɛ Nyameɛ ne ɔfa gyidie nu anigye ne asomdwee amukoraa owura ɛmɔ nu tɛkyɛ, amaa ɔnate Sunzum Krongron tumi so ɛmɔanya anyelasoɛ mmorosoɛ.

Romanfoɛ 5:2

Ɔnate ye so yeɛ yafa gyidie so yanya adom he bɔ yɛgyi so ye; na yɛhoahoa yɛ nwo Nyameɛ animnyam nwo anyelasoɛ nu.

1 Korintofoɛ 3:16

Aso ɛmɔnze kyɛ ɛmɔte Nyameɛ asɔneyɛɛ sua na Nyameɛ Sunzum te ɛmɔ nu ɔ?

1 Korintofoɛ 6:19

Anaa ɛmɔnze kyɛ ɛmɔ nipadua ne te Sunzum Krongron bɔ Nyameɛ afa ama ɛmɔ, bɔ ɔwɔ ɛmɔ nu n’asɔneyɛɛ sua ɔ, na ɛmɔ bɔbɔ ɛmɔlle bɛ nwo ɔ?

2 Korintofoɛ 6:16

Nzikyɛ ngitahoɛ yeɛ ɔwɔ Nyameɛ asɔneyɛɛ sua ne mmosoen b’afia ɔ? Ofikyɛ yɛte Nyameɛ teasefoɛ n’asɔneyɛɛ sua, na Nyameɛ waha ne, “Me ne bɛ kɔtena, na me ne bɛ yanate, Ngɔyɛ bɛ Nyameɛ, na bɛ wora bayɛ me maen.”

Galatiafoɛ 6:10

Yiti mmerɛ bɔ atee wɔ berɛ ma yɛ ye de, ɛ́mɔma yɛyɔ mmenia amukoraa paa, nganga bɛ bɔ bɛwɔ agyidifoɛ abusua fekue ne anu ne.

Galatiafoɛ 6:9

Yiti nnɛmɔma yɛfɛ paayɛlɛ nwo; ofikyɛ sɛ yamba aba a, yɛkonya ye nwo saleɛ wɔ mmerɛ bɔ ɔsɛ ɔ nu.

Ɛfesofoɛ 3:12

Na gyidie bɔ yanya ye wɔ Kristo nu ne ati, yɛkora yɛsi y’ahone yɛkɔ Nyameɛ nyunu wɔ anyelasoɛ nu.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

1 Tɛsalonikafoɛ 5:16

Ɛ́mɔli ahurusi daa;

2 Tɛsalonika 2:16

Na afei, Y’Awurade Yesu Kristo bɔbɔ ne yɛ Baba Nyameɛ, bɔ okuro yɛ dwirɛ, ná walo yɛ wama yɛ daa asomdwee ne anyelasoɛ paa ne,

1 Timoteo 3:15

amaa sɛ ɔba kyɛ mekyɛ ná mmmale a, anwu kyɛbɔ ɔsɛ kyɛ ɛbɔ wɔ bra wɔ Nyameɛ awuro, bɔ ɔte Nyameɛ teasefoɛ n’asɔre, nahorɛ nyinasoɛ ne fapem ne anu.

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

Hebrifoɛ 10:19

Yiti aliɛmaa mɔ, ɔnate kyɛ yanya nguraenhyɛlɛ kyɛ ɔnate Yesu mogya ne ati yɛkora yɛkɔ nekaa krongron ne anu berɛ;

Hebrifoɛ 10:21

ná asa koso yɛle ɔsɔfo panyi paa bɔ ɔnea Nyameɛ awuro ne aso ɔ ne ati,

Hebrifoɛ 10:23

Ɛ́mɔma yɛsɔ anyelasoɛ dwirɛ bɔ yɛgyi so ne anu serɛ, ofikyɛ bɔ ɔhyɛle bɔ ne, odi nahorɛ.

Hebrifoɛ 10:35

Yiti nnɛmɔma ɛmɔ abasanu bu, ofikyɛ ye nwo akatuaa piri bie wɔ berɛ.

Hebrifoɛ 11:1

Gyidie te nikyee bɔ y’anyelasoɛ si pi wɔ nu, ɔne kyɛ yɛkole nikyee bɔ anyeɛ nnwu ye yɛkɔto nu ɔ.

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

Hebrifoɛ 4:11

Yiti ɛ́mɔma yɛbɔ mmɔden yɛwura sɔ nwomelelɛ ne anu, amaa ɔnate so ebiala wanyɔ sɔ asoserɛ ne wamvi ase.

Hebrifoɛ 4:14

Ɛmɔma yɛsɔ yɛ gyidie nu serɛ, ofikyɛ yɛle ɔsɔfo panyi paa, Nyameɛ Awa Yesu bɔ wafa ewienu wahɔ nyameɛso ɔ.

Hebrifoɛ 4:16

Yiti ɛ́mɔma yɛsi y’ahone yɛbra adom ahennie bia ne nyunu, amaa ɔnate so wanwu yɛ anwumvoin, ná yanya adom bɔ ɔkɔboka yɛ ɔ wɔ mmerɛ bɔ ɔsɛ ɔ nu.

Hebrifoɛ 6:11

Na yɛpena kyɛ ɛmɔ nu biala kɔ so bɔ mmɔden sɔ ala kɔ ayieleɛ, amaa ɛmɔ sa ahã bɔ ɛmɔ nye la so ne.

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

Hebrifoɛ 7:19

ofikyɛ mmeraa ne amma nikyee biala anni mu. Nakoso atee foforɛ so de, anyelasoɛ bɔ ɔte paa tra daa deɛ ne wɔ berɛ, bɔ yɛfa so yɛpingye Nyameɛ ɔ.

1 Petro 1:8

Ye yeɛ ɛmɔnnwuni ye, nakoso ɛmɔkuro ye dwirɛ; ɔwɔ nu kyɛ kekesaala ye de ɛmɔnnwu ye, nakoso ɛmɔde ye bedi, na ɛmɔanya anigye bɔ olle kabea bɔ animnyam wɔ nu ɔ,

1 Petro 2:5

na ɛmɔ koso, ɛmɔte kyɛ ngoa nyɔboɛ mɔ, na ɛ́mɔma bɛ́fa ɛmɔ bési sunzum nu sua ma ɛmɔyɛ asɔfokure krongron, amaa ɛmɔafa Yesu Kristo so babɔ sunzum nu afɔleɛ bɔ ɔsɔ Nyameɛ nye ɔ.

1 Petro 4:17

Ofikyɛ mmerɛ ne adwu kyɛ ndɛenbualɛ hyɛ ye bo wɔ Nyameɛ awuro ɔ. Na sɛ bɛfa yɛ bɛhyɛ ye bo a, nzaade bɛ bɔ bɛyɛ Nyameɛ nzɛmba ne nwo asoserɛ ne de, okoyie bɛ sɛ?

Nyekyire 2:18

“Kyerɛ kɔma Tiatira asɔre ne anu abɔfo ne kyɛ, ‘Nyameɛ Awa ne, bɔ ye nye mmaa te kyɛ see bɔ ogye, bɔ ye gya nwo te kyɛ ayaa bɔ bahwi ye nwo nyemenenyemene ne, ye noa dwirɛ ɛhe:

Nyekyire 2:25

Yiti bɔ ɛmɔanya ye ne, ɛ́mɔsɔ nu yé kɔpem kyɛ ngɔwa ɔ.

Nyekyire 2:26

Na bɔ odi ngonim, ɔne bɔ ɔsɔ me nnwumaa nu kodwu ayieleɛ ne, ngɔma ye maen maen mɔ so tumi;

Nyekyire 3:11

Méba ndɛndɛ, yiti sɔ bɔ anya ye ne anu yé, ná ebiala anne w’abotire ne.