Hebrifoɛ 3:10 - AHYERƐLƐ KRONGRON

¹⁰ Yiti mvɛle sɔ aworɛ ndoatoasoɛ ne so yaa, na ngane kyɛ, ‘Daa biala bedi bɛ bɔbɔ bɛ ti piri, na bɛnze atee bɔ mefa so meyɔ me nningyein ɔ.’

Hebrifoɛ 3:10 Iomraidhean Croise

Gyenesise 6:6

Na AWURADE nuni ye nwo kyɛ wayɔ sona wato aseɛ ye aso ɔ, na ɔyɛle ye yea soma.

Edwein 147:20

Wanyɔ sɔ wamma maen foforɛ, bɛnze ye nhyehyɛleɛ. Ɛ́mɔye AWURADE ayɛ!

Edwein 67:2

amaa ɔnate so banwu w’atee wɔ aseɛ ye aso, ná banwu wɔ ngoalelɛ tumi ne wɔ maen maen amukoraa nu.

Edwein 78:40

Amba, bɛyɛle ye nwo lɔen wɔ ɛserɛ so mmerɛ pee, na bɛmane ye wora bɔle wɔ ɛserɛ so!

Edwein 78:8

Ɛhe kɔmaa bɛngɔyɛ kyɛ bɛ nana mɔ, bɔ né bɛte aworɛ ndoatoasoɛ asoserɛfoɛ bɔ bayɛ lɔen ɔ, aworɛ ndoatoasoɛ bɔ bamva bɛ nwo bando Nyameɛ so, bɔ bɛ sunzum wanni nahorɛ wamma Nyameɛ ɔ.

Edwein 95:10

Afoɛ aburanna yeɛ sɔ aworɛ ndoatoasoɛ ne bɛ nwo yɛle me ahi ɔ, na ngane kyɛ, “Bɛte maen bɔ b’adwene ali makyebu, bɔ bɛnze m’atee ɔ.”

Yesaya 28:7

Sɔ mmenia hemɔ koso, bɛfa nzaa bebia, na nzaa serɛ maa bɛnate fofalifofali: Asɔfo mɔ ne ngɔmhyɛlɛfoɛ bɛfa nzaa serɛ bebia, nzaa ama b’adwene ayɛ nwunyaenn, nzaa serɛ maa bɛnate fofalifofali, bɛyɛ mvomsoɛ wɔ nyekyire nu, na bɛ ndɛenbualɛ ɔtte mayee.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Hosea 4:12

Me maen kɔ bɛ mmakaa berɛ abisa, na bɛ pɔmaa yeɛ ɔye bɛ musue ɔ, ofikyɛ gyanderabɔlɛ sunzum amaa bali makyebu, na bafi bɛ Nyameɛ nwo baabɔ gyandera.

Mateo 20:24

Na asuafoɛ buru ne tele edwirɛ he nen, bɛfɛle aliɛmaa nyɔ nemɔ so yaa.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Yohane 8:45

Na ɔnate kyɛ mekã nahorɛ ne ati, ɛmɔnne me benni.

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

Romanfoɛ 3:7

Na sɛ me ngondombo ma Nyameɛ nahorɛ da di petee maa onya animnyam a, né nzu ati yeɛ bebua me ndɛen kyɛ nde bɔnefoɛ ɔ?

Ɛfesofoɛ 4:30

Nyameɛ Sunzum Krongron bɔ bafa bahyɛ ɛmɔ nzorɛ bama ngoalelɛ kyẽa ne, nnɛma ɛmɔbɔ ye wora.

Hebrifoɛ 3:12

Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.