Hebrifoɛ 3:1 - AHYERƐLƐ KRONGRON

¹ Yiti aliɛmaa mɔ anwoteefoɛ bɔ Nyameɛ afrɛ ɛmɔ ɔ, ɛ́mɔnea Somafoɛ Yesu bɔ ɔte yɛ dwirɛ bɔ yɛkã ne anwo ɔsɔfo panyi paa ne kyɛ,

Hebrifoɛ 3:1 Iomraidhean Croise

Edwein 110:4

AWURADE ata ndaen, na ɔngɔsesã ye adwene: “Ɛte sɔfo afebɔɔ, kyɛ Mɛlkisɛdɛke deɛ ne ala.”

Yesaya 1:3

Nandwie se ye mene, yeɛ afunum se nekaa bɔ ye mene ma ye aleɛ ɔ, nakoso Yisrael de, ɔnze, me maen ne ɔnde ye bo.”

Yesaya 41:20

amaa ɔnate so mmenia anwu ye bate ye bo, ná badwene ye nwo banya ye nwo ndeaseɛ, kyɛ AWURADE tumi yeɛ wayɔ ɛhe ɔ, kyɛ Yisrael Krongronniɛ ne yeɛ ɔbɔle ye ɔ.

Yesaya 5:12

Bɛ yeɛ bɛfa sangoo, adengum, akasaa, awɛen ne nzaa bɛkɔ bɛ poentolɛ bo ɔ, nakoso bɛmva nningyein bɔ AWURADE yɔ ɔ bɛnyɔ huu ɔ, yeɛ ye sa noa adwuma koso bennwu ye.

Hesekiel 12:3

Yiti wɔ, sona wa, bɔ wɔ nningyein borɛ kyɛ sona bɔ bahye ye nnure ɔ, tu fi berɛ kɔ eyia bɔ bɛ nye tua ɔ; yɛ kyɛ sona bɔ bahye wɔ nnure ɔ, ná tu fi nekaa bɔ ɛte ne kɔ nekaa foforɛ bɔ bɛ nye tua ɔ. Bɛte abusua bɔ bayɛ lɔen ɔ, nakoso ebiaa bɛkɔte ye bo.

Hesekiel 18:28

Na ɔnate kyɛ wadwene ye nwo, ná wahwe ye nwo wafi ye mmeraatolɛ amukoraa bɔ wato nwo ne ati, nahorɛ nu, okonya ngoa, na ongowu.

Hagae 1:5

Yiti Asafo AWURADE nwa nyoo: Bɔ ɔ́toto ɛmɔ ye, ɛmɔ bɔbɔ deinn ɛ́mɔfa bɛhɔ adwenedwene nu!

Hagae 2:15

Na ofi ɛnɛ bɔ ɔkɔ ɔ, mesrɛ ɛmɔ, odi kyɛ ɛmɔdwenedwene bɔ okosi ɔ nwo. Na mmerɛ bɔ ɛmɔnnya bɛttole nyɔboɛ ko bessiele nyɔboɛ ko aso wɔ AWURADE asɔneyɛɛ sua ne anu ne,

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Yohane 20:21

Yeɛ Yesu hã hyirele bɛ bieku kyɛ, “Asomdwee hã ɛmɔ oo! Kyɛbɔ Baba ne asoma me ne, sɔ ala yeɛ me koso mesoma ɛmɔ ɔ.”

Yohane 20:27

Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Romanfoɛ 11:17

Babubu olive bakaa bɔ bahyɛ da balua ne mmaen ne bie bagua, na bafa ɛmɔ, Amaenmaensofoɛ bɔ ɛmɔte kyɛ olive bakaa bɔ ogyi ye buro ne basi bɛ gya nu, amaa ɛmɔ koso ɛmɔanya kyɛfa wɔ bakaa ne ndii ne ye nzue nu.

Romanfoɛ 15:27

Ɔyɛle bɛ fɛ kyɛ bɛkɔyɔ sɔ ɔ; nahorɛ nu, ɔte b’asɛdeɛ kyɛ bɛboka bɛ ɔ. Ofikyɛ sɛ Amaenmaensofoɛ banya Yudafoɛ sunzum nu saleɛ ne bie de a, nzaade ɔsɛ kyɛ bɛ koso bɛfa b’anwoɔnaen nu saleɛ ne bie bɛboka bɛ.

Romanfoɛ 15:8

Na mekã mekyire ɛmɔ kyɛ, Kristo yɛle somvoɛ mane bienzuapɛlɛfoɛ nemɔ fa hyirele Nyameɛ nahorɛlilɛ, kyɛ ɔma bɔhyɛ bɔ bɛhyɛle yɛ nana mɔ ne otindim,

Romanfoɛ 9:24

Ofikyɛ wamvrɛ yɛ wamvi Yudafoɛ ngome nu, na mmom ɔfrɛle yɛ fili Amaenmaensofoɛ koso nu bie.

1 Korintofoɛ 1:2

Yɛfa yɛbrɛ Nyameɛ asɔre bɔ ɔwɔ Korinto, bɛ bɔ ɔnate Yesu Kristo ti bafrɛ bɛ maa baayɛ krongron; mekyire ɛmɔ bɔ bafrɛ ɛmɔ ne bɛ bɔ bɛwɔ nekaa biala maa ɛmɔayɛ anwoteefoɛ, na ɛmɔ ne yɛ bɔ nu bɔ Yesu Kristo dumaa kyɛ y’Awurade ɔ.

1 Korintofoɛ 10:17

Paanoo ne te komapɛ, na ɔwɔ nu kyɛ yɛsone de, nakoso yɛte nipadua komapɛ, ofikyɛ paanoo komapɛ ne ala yeɛ yɛ mukoraa yɛdi ɔ.

1 Korintofoɛ 9:23

Nzɛmba ne ati yeɛ meyɔ ɛhe amukoraa ɔ, amaa me koso manya nu saleɛ ne bie.

2 Korintofoɛ 1:7

Yiti y’anyelasoɛ bɔ yele yɛma ɛmɔ ne gyi berɛ pindinn, ofikyɛ yɛse kyɛ, kyɛbɔ ɛmɔ ne yɛ nwu amaneɛ ye ne, sɔ ala yeɛ ɛmɔ ne yɛ konya aworakyekyerɛ ɔ.

2 Korintofoɛ 9:13

Sɔ mmokalɛ he di ɛmɔ nwo adanzeɛ, na ɔkɔmaa bɛkɔhyɛ Nyameɛ animnyam wɔ ɛmɔ sotie wɔ Kristo nzɛmba ne nwo, ɔne mmokalɛ bɔ ɛmɔfa boka bɛ ne mmenia mukoraa nwo,

Ɛfesofoɛ 3:6

Na ɛhe ma Amaenmaensofoɛ koso bele kyɛfa wɔ nu, bɛwɔ nipadua komapɛ ne ala nu bie, na bɛnate nzɛmba ne aso banya kyɛfa wɔ ye bɔhyɛ ne anu wɔ Kristo Yesu nu.

Ɛfesofoɛ 4:1

Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,

Ɛfesofoɛ 4:4

Ofikyɛ nipadua komapɛ ne Sunzum komapɛ yeɛ ɔwɔ berɛ ɔ, kyɛbɔ bafrɛ ɛmɔ koso wɔ anyelasoɛ komapɛ nu wɔ ɛmɔ frɛlɛ ne anu ne;

Filipifoɛ 3:14

Mepere mekɔ me nyunu kyɛ ngodwu botaeɛ ne anwo ngonya ngonimlilɛ abasobɔdeɛ ne, bɔ ɔte anwuro frɛlɛ bɔ Nyameɛ nate Yesu Kristo so wafrɛ me ne.

Kolosefoɛ 1:12

ná yafa asennaa yama Baba ne bɔ wamaa yafata kyɛ yɛnya kyɛfa wɔ anwoteefoɛ bɔ bɛwɔ kanea nu b’agyapadeɛ ne bie ɔ.

Kolosefoɛ 1:22

Nakoso kekesaala ye de, ɔnate Kristo wue ne aso wahwe ɛmɔ wabata ye nwonaen nipadua, amaa ɔnate so wafa ɛmɔ wawa ye nyunu kyɛ mmenia bɔ bɛte krongron, bɔ ngekalewa nne bɛ nwo ná benni fɔ ɔ.

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

1 Tɛsalonikafoɛ 2:12

kyɛ ɛmɔbɔ bra bɔ ɔsɔ Nyameɛ bɔ wafrɛ ɛmɔ kyɛ ɛmɔɔnya kyɛfa wɔ ye Ahennie ne ye animnyam nu ne nye.

1 Tɛsalonikafoɛ 5:27

Méfa ahyɛdeɛ mema ɛmɔ wɔ Awurade nu kyɛ, ɛ́mɔkenga krataa he behyire agyidifoɛ nemɔ amukoraati.

2 Tɛsalonika 1:11

Yiti daa yɛbɔ mbaeɛ yɛma ɛmɔ, kyɛ yɛ Nyameɛ obu ɛmɔ kyɛ ɛmɔfata ye frɛlɛ ne, ná ɔfa ye tumi so ma ɛmɔhora bɛyɔ paa biala bɔ ɛmɔpena kyɛ ɛmɔyɔ ɔ, ná ɔma ɛmɔ gyidie adwuma li mu;

2 Tɛsalonika 2:14

Ɔnate yɛ nzɛmba ne aso yeɛ wafrɛ ɛmɔ kyɛ ɛmɔɔnya kyɛfa wɔ y’Awurade Yesu Kristo animnyam nu ɔ.

1 Timoteo 6:12

Ko gyidie koɛ paa ne; sɔ daa ngoa bɔ bɛfrɛle wɔ bɛwale nu, bɔ ɛpakyele nu hane ye yé wɔ adanzefoɛ pee bɛ nyunu ne anu.

1 Timoteo 6:2

Bɛ bɔ bɛ mene mɔ te agyidifoɛ nen, nnɛmaa bɛfa ye kyɛ bɛte aliɛmaa ti bebu meneɛ nemɔ animtia; na mmom ɔsɛ kyɛ bɛyere bɛ nwo bɛso bɛ yé; ofikyɛ bɛ bɔ benya bɛ solɛ ne nwo mvasoɛ ne, bɛte agyidifoɛ ne adɔfo. Sɔ nningyein hemɔ yeɛ kyirekyire, ná tu ye nwo foɛ ɔ.

2 Timoteo 1:9

Ye yeɛ oolele yɛ ná ɔfale ɛfrɛlɛ krongron frɛle yɛ ɔ, nna kyɛ yɛ nnwumaa ti ɔ; na mmom kyɛbɔ ye bɔbɔ ye nhyehyɛleɛ ne adom bɔ wafa walo yɛ wɔ Kristo Yesu nu fi tetetete ne ɔte ne.

2 Timoteo 2:7

Dwene bɔ mekã ne anwo, ofikyɛ Awurade kɔma wɔ nikyee biala nu ndeaseɛ.

Hebrifoɛ 10:19

Yiti aliɛmaa mɔ, ɔnate kyɛ yanya nguraenhyɛlɛ kyɛ ɔnate Yesu mogya ne ati yɛkora yɛkɔ nekaa krongron ne anu berɛ;

Hebrifoɛ 10:21

ná asa koso yɛle ɔsɔfo panyi paa bɔ ɔnea Nyameɛ awuro ne aso ɔ ne ati,

Hebrifoɛ 10:23

Ɛ́mɔma yɛsɔ anyelasoɛ dwirɛ bɔ yɛgyi so ne anu serɛ, ofikyɛ bɔ ɔhyɛle bɔ ne, odi nahorɛ.

Hebrifoɛ 13:22

Aliɛmaa mɔ, mesrɛ ɛmɔ kyɛ ɛmɔnya aboterɛ betie me foɛtulɛ he, ofikyɛ me krataa bɔ mahyerɛ ɛmɔ ye ɔnware biala.

Hebrifoɛ 2:11

Na bɔ ɔte mmenia nwo fi bɛ bɔne nwo ne, ɔne mmenia bɔ ɔte bɛ nwo ne amukoraa bɛ Baba te ko; na ɔnate sɔ ne ati, ɔnyɛ ye nya kyɛ ɔkɔfrɛ bɛ oliɛma mɔ ɔ.

Hebrifoɛ 2:17

Ɛhe ati, né ohia kyɛ ɔyɛ kyɛ oliɛma nemɔ wɔ atee biala so, amaa wahora wayɛ sɔfo panyi paa bɔ odi nahorɛ, bɔ ɔse anwumvoin wɔ Nyameɛ dwumadie nu, ná wafa ye nwo wayɛ mbata wama adasa bɔne.

Hebrifoɛ 3:12

Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

Hebrifoɛ 6:20

Berɛ yeɛ Yesu ali moa ahɔ ama yɛ ɔ, na waayɛ ɔsɔfo panyi paa afebɔɔ kyɛ Mɛlkisɛdɛke deɛ ne ala.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

Hebrifoɛ 7:28

Mmeraa ne de, ɔyɛ mmenia bɔ mvomsoɛ wɔ bɛ nwo asɔfo mbanyi paa, nakoso Nyameɛ noa dwirɛ bɔ ndaen la so, bɔ mmeraa ne asi yeɛ ɔwale ne de, ɔyɛ Baa bɔ odi mu bɔkɔɔ ne ɔsɔfo panyi paa afebɔɔ.

Hebrifoɛ 9:11

Nakoso Kristo de, wawa kyɛ nningyein paa bɔ ɔbaawa ne nwo sɔfo panyi paa, na wafa ɛtena sua bɔ ɔte titire na odi mu tra so ɔ nu. Ɛhe de, nna kuro sona yeɛ osili ɔ, yeɛ ɔbboka ewiase abɔdeɛ so koso,

Hebrifoɛ 9:15

Ye sɔ ne ati, Yesu te apam foforɛ ne anu ndamgyinaniɛ. Ɔnate kyɛ, ɔfale ye wue bɔ owuli ne yele adasa fili bɛ bɔne bɔ bɛyɔle ye wɔ apam bɔ oli moa ne anu; amaa bɛ bɔ Nyameɛ afrɛ bɛ ne banya agyapadeɛ afebɔɔ bɔhyɛ ne.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

1 Petro 3:5

Na sɔ atee he aso yeɛ daa tete mmrasua krongron bɔ bɛfale bɛ wora bewurale Nyameɛ nu ne besiesiele bɛ nwo ɔ, na bɛbrɛle bɛ nwo ase bɛmane bɛ bɔbɔ bɛ hu mɔ,

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

1 Yohane 1:3

Bɔ yanwu ye ná yate ne yeɛ yɛ koso yɛbɔ ye dawure yɛkyire ɛmɔ ɔ, amaa ɛmɔ koso ɛmɔ ne yɛ atira abiɛngoɛ; na y’abiɛngoɛ he, yɛne Baba ne, ɔne Ɔwa Yesu Kristo yeɛ yatira ɔ.

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

Nyekyire 17:14

Bɛkɔfa koɛ bɛkɔteta Boaen Ba ne, na Boaen Ba ne koli bɛ so ngonim; ofikyɛ ɔte meneɛ mɔ nu Meneɛ ne ahemvo mɔ nu Hene; na bɛ bɔ bɛboka ye so ne, wafrɛ bɛ, waneanea nu waye bɛ, na bedi nahorɛ.”

Nyekyire 18:20

O, nyameɛso ne anwoteefoɛ ne asomafoɛ ne ngɔmhyɛlɛfoɛ, ɛ́mɔli ye nwo ahurusi, ofikyɛ Nyameɛ atɔ ye so wereɛ wama ɛmɔ!”