Hebrifoɛ 2:9 - AHYERƐLƐ KRONGRON

⁹ Nakoso yɛnwu Yesu kyɛ, (mmerɛ kãa bie anu) Nyameɛ maa ɔhɔle ase kãa trale abɔfo mɔ, amaa ɔnate Nyameɛ adom ti wawu wama adasa mukoraa. Na ɔnate ye wue bɔ owuli ne ati, Nyameɛ afa animnyam ne anidie wabɔ ye abotire.

Hebrifoɛ 2:9 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 6:28

“Na nzu ati yeɛ ɛmɔdwenedwene ndena nwo ɔ? Ɛ́mɔnea eburo sukooko, ɔne kyɛbɔ besi benyi ɔ. Bɛnyɔ adwuma, yeɛ bɛndo gyese.

Marko 9:1

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue, kɔpem kyɛ bekonwu Nyameɛ ahennie ne kyɛ ole tumi wawa ɔ.”

Luka 9:27

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue, kɔpem kyɛ bekonwu Nyameɛ ahennie ne koraka ɔ.”

Yohane 1:29

Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!

Yohane 10:17

“Na ye sɔ ati, Baba ne kuro me dwirɛ, ofikyɛ mefa me ngoa meto berɛ, amaa ɔnate so masa mafa ye bieku.

Yohane 12:32

Na me de, sɛ bɛma me so befi aseɛ ye aso a, ngɔhwe mmenia mukoraa ngɔwa me nwo.”

Yohane 3:16

Na kyɛbɔ Nyameɛ si hurole wiase dwirɛ nen, yiti yeɛ ɔmaa ɔfale Ɔwa komapɛ [bɔ ɔwole ye] ne mane ɔ, amaa ɔnate so ebiala bɔ okole ye koli ne wammini, na mmom wanya daa ngoa.

Yohane 8:51

Nahorɛ nu paa, mekã mekyire ɛmɔ kyɛ, sɛ ebie di me dwirɛ so a, ongowu le.”

Yohane 8:52

Yeɛ Yudafoɛ nemɔ sele ye kyɛ, “Afei yeɛ yanwu kyɛ ele sunzummɔne ɔ. Abraham wuli, yeɛ ngɔmhyɛlɛfoɛ nemɔ koso bewuwuli ɔ, nakoso wɔ de ɛnwa, ‘Sɛ ebie di me dwirɛ so a, ongowu le.’

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 3:13

Abraham ne Yisake ne Yakob Nyameɛ bɔ ɔte yɛ nana mɔ Nyameɛ ne, ɔhyɛle Ɔwa Yesu animnyam, nakoso ɛmɔyele ye bɛmane mbanyi mɔ, na ɛmɔgyinane Pilato nyunu bɛpole ye wɔ mmerɛ bɔ ahaa né wayɛ ye adwene kyɛ ɔyakyi ye ɔ.

Romanfoɛ 5:18

Yiti kyɛbɔ sona ko bɔne fale foɛbualɛ brɛle mmenia mukoraa nen, sɔ ala yeɛ sona ko tenenee fale bebualɛ ne ngoa brɛle mmenia mukoraa ɔ.

Romanfoɛ 5:8

Nakoso Nyameɛ hyirele kyɛbɔ osi kuro yɛ dwirɛ ɔ, ofikyɛ mmerɛ bɔ né yɛtɛ te bɔnefoɛ ne yeɛ Kristo wu mane yɛ ɔ.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

Romanfoɛ 8:32

Sɛ wamva ye bɔbɔ Ɔwa wammɔ atianuserɛ, na mmom yɛ mukoraa yɛ ti ɔyele ye mane a, ɔkɔyɛ sɛɛ bɔ ɔngɔfa nningyein mukoraa ngɔboka ye so ngɔma yɛ ɔ?

2 Korintofoɛ 5:15

Owu mane mmenia mukoraa, amaa bɛ bɔ bɛte ase ne bandena bamma bɛ nwo ko, na mmom batena bama bɔ bɛ ti owuli ná otingyele ne.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,

1 Timoteo 2:6

bɔ ɔfa yɛle mbata mane mmenia amukoraati, adanzeɛ bɔ ɔwale nu wɔ mmerɛ bɔ bahyɛ bato berɛ ne anu ne.

Hebrifoɛ 1:9

Ekuro tenenee, na ekyi amumuyɛɛ. Ɛhe ati Nyameɛ, wɔ Nyameɛ aye wɔ; wafa anika ngoo wapopa wɔ maa wabo wɔ mmango mɔ deɛ so.”

Hebrifoɛ 10:5

Yiti mmerɛ bɔ Kristo wale wiase nen, osele kyɛ, “Anguro afɔleɛ ne ayɛyɛdeɛ, na mmom asiesie nipadua ama me.

Hebrifoɛ 11:5

Ɔnate gyidie so yeɛ behwimini Henɔke bɛhɔle bɔ wanwu ɔ. Ebiala annwu ye, ofikyɛ Nyameɛ fale ye hɔle. Na anzana bɛbaafa ye bɛkɔ nyameɛso nen, né ye nwo adanzeɛ kyire kyɛ ɔsɔ Nyameɛ nye.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 2:7

Ɛmaa ɔhɔle ase bie trale abɔfo mɔ, ɛfale animnyam ne anidie bɔle ye abotire, [ɛfale wɔ sa noa adwuma wurale ye sa,]

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.

Hebrifoɛ 8:3

Bɛye ɔsɔfo panyi paa biala kyɛ ɔfa ayɛyɛdeɛ ne afɔlebɔdeɛ ma Nyameɛ; na ye sɔ ne ati, ohia kyɛ ɔsɔfo panyi paa he koso nya nikyee fa bɔ afɔleɛ.

1 Petro 1:21

Na ɔnate ye so yeɛ ɛmɔde Nyameɛ bɔ otingyele ye fili awufoɛ nu ná ɔhyɛle ye animnyam ne bedi ɔ, amaa ɔnate so ɛmɔanya gyidie ne anyelasoɛ wɔ Nyameɛ nu.

1 Yohane 2:2

Ɔte yɛ bɔne nwo mbata; nna yɛ ngome yɛ deɛ nwo; na mmom ɔte wiase amukoraa koso bɔne nwo mbata.

Nyekyire 19:12

Ye nye mmaa te kyɛ see bɔ ogye ɔ, na ahennie abotire pee bobɔ ye ti; na né ole dumaa bie bɔ bahyerɛ bɔ ebiala nze ɔ, sana ye bɔbɔ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,