Hebrifoɛ 2:10 - AHYERƐLƐ KRONGRON

¹⁰ Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

Hebrifoɛ 2:10 Iomraidhean Croise

Gyenesise 18:25

Wɔ de, ɛngɔyɔ sɔ nikyee ne le, kyɛ ɛkɔfa mmenia bɔ bɛtengyɛ ɛkɔfra amumuyɛɛfoɛ kɔsɛkye bɛ ɔ; bɔ ɔkɔmaa mmenia bɔ bɛtengyɛ ne b’ayieleɛ koyie bɛ kyɛ amumuyɛɛfoɛ ɔ. Ah! Ɛngɔhora sɔ yɔ! Yiti aseɛ ye aso amukoraa Ndɛenbualɛniɛ ne, ongobua ndɛen bɔ ɔtengyɛ hɔ ɔ?”

Anyandera 16:4

AWURADE le botaeɛ bɔ yiti yeɛ wayɔ nikyee biala ɔ, bɔnefoɛ mɔ po, amaneɛnwunɛ kyẽa ne la berɛ ma bɛ.

Yesaya 43:21

maen he, mabɔ ye mama me nwo, kyɛ bɛ́bɔ me nwo ayɛyelɛ dawure.

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Hosea 8:10

Amba, ɔwɔ nu kyɛ bɛbɔ abiɛngoɛ mɔ paa wɔ maen maen nemɔ nu de, nakoso ngɔboa bɛ noa; na ahemvo mmaa mmaa mɔ hene ne, ye nhyɛsoɛ ne ati, bekoli aworabɔlɛ kãa.

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

Numeri 7:15

nandwie nyii akrɔngrɔma ko, boaen nyii ko, yeɛ boaen nyii akrɔngrɔma ko bɔ wali afoɛ ko bɔ bɛfa bɛbɔ naen yeralɛ afɔleɛ ɔ;

Luka 13:32

Na osele bɛ kyɛ, “Ɛmɔɔhã behyire sɔ safuboa ne kyɛ, ‘Tie, métutu sunzummɔne mɔ ná mesa anwonyerɛ ɛnɛ ne ɛhema, na ye ɛlɛsa ne aso ngoyie m’adwuma.’

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Luka 24:26

Aso né onhia kyɛ Kristo ne onwu sɔ amaneɛ ne koraka ná wahɔ ye animnyam nu hɔ ɔ?”

Luka 24:46

Na osele bɛ kyɛ, “Bahyerɛ ye kyɛ, ‘Ɔsɛ kyɛ Kristo ne onwu amaneɛ, ná ye ɛlɛsa ne aso odwɔso fi awufoɛ nu,

Yohane 11:52

nna kyɛ maen ne ngome, na mmom kyɛ ɔkɔboaboa Nyameɛ mma bɔ bato bapete aseɛ mɔ so noa ɔkɔyɛ bɛ mmenia ko ɔ.

Yohane 19:30

Na Yesu lele nzaa kekarekekare ne nen, ɔhane kyɛ, “Mayie.” Na osili ye ti ase, na ɔhale nu.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Romanfoɛ 11:36

Ofikyɛ ye yeɛ ɔbɔle nikyee biala ɔ, na ye tumi yeɛ ɔma nikyee biala te ase ma ye ɔ. Animnyam hã Nyameɛ daa daa! Amen.

Romanfoɛ 9:23

Afei koso ɔyɛle kyɛ ɔkɔla ye animnyam mmorosoɛ ne ali kohyire bɛ bɔ wanwu bɛ anwumvoin ne, ofikyɛ wasiesie bɛ wasie berɛ dada kyɛ bɛfata ye animnyam ne.

1 Korintofoɛ 2:7

Na mmom mworɛ bɔ yɛbɔ ye nwo dawure ne te Nyameɛ mvealeɛ nu nworɛ, bɔ kyɛbɔ ɔkɔyɛ ná yanya animnyam ti, ɔhyehyɛ tole berɛ koraka yeɛ ɔbɔ wiase ɔ.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 4:17

Ofikyɛ kekesaala ye amaneɛ kãa bɔ yɛnwu ye ne, osiesie yɛ ma animnyam kandinga bɔ ɔwɔ berɛ afebɔɔ, bɔ ɔtra so ɔ.

2 Korintofoɛ 5:18

Nyameɛ yeɛ wayɔ ɛhe amukoraa ɔ. Ɔnate Yesu Kristo so wafa yɛ wabata ye nwo, na wafa ngabonu he nwo dwumadie wawura yɛ sa:

2 Korintofoɛ 6:18

Ngɔyɛ ɛmɔ Baba na ɛmɔ wora ɛmɔayɛ me mma mmienzua ne mmrasua. Bɔ Tuminiɛ Awurade kã hɔ ɛne.”

Galatiafoɛ 3:26

Ofikyɛ ɛmɔ amukoraa bɛnate gyidie so bɛte Nyameɛ mma wɔ Kristo Yesu nu.

Ɛfesofoɛ 2:7

kyɛ ewiase bɔ ɔ́ba ne anu ɔkɔla ye adom anwonya mmorosoɛ ne ali wɔ paayɛlɛ bɔ ɔyɛ yɛ Kristo Yesu nu ne anu.

Ɛfesofoɛ 3:10

kyɛbɔ ɔkɔyɛ bɔ afei ɔnate asɔre ne aso, Nyameɛ nworɛ ne kɔla ye nwo ali wɔ atee ahoroɔ so kohyire ahennie ne tumi ahoroɔ bɔ bɛwɔ anwuro dɔ ɔ.

Kolosefoɛ 3:4

Na kyẽa bɔ Kristo bɔ ɔte yɛ ngoa ne ɔkɔla ye nwo ali nen, yeɛ bɛkɔla ɛmɔ koso ne ye ali wɔ animnyam nu ɔ.

2 Timoteo 2:10

Yiti ɔnate mmenia bɔ baneanea nu baye bɛ ne ati, memia me nye menwu amaneɛ mukoraa, amaa ɔnate so bɛ koso banya ngoalelɛ bɔ ɔwɔ Kristo Yesu nu ne ɔne animnyam afebɔɔ ne.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 6:20

Berɛ yeɛ Yesu ali moa ahɔ ama yɛ ɔ, na waayɛ ɔsɔfo panyi paa afebɔɔ kyɛ Mɛlkisɛdɛke deɛ ne ala.

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

Hebrifoɛ 7:28

Mmeraa ne de, ɔyɛ mmenia bɔ mvomsoɛ wɔ bɛ nwo asɔfo mbanyi paa, nakoso Nyameɛ noa dwirɛ bɔ ndaen la so, bɔ mmeraa ne asi yeɛ ɔwale ne de, ɔyɛ Baa bɔ odi mu bɔkɔɔ ne ɔsɔfo panyi paa afebɔɔ.

1 Petro 1:12

Na bɛlale ye ali behyirele bɛ kyɛ, nna bɛ bɔbɔ bɛ nwo, na mmom yɛ yeɛ né bɛyɔ ɛsolɛ adwuma ne bɛma yɛ ɔ, wɔ edwirɛ mɔ bɔ kekesaala ye yɛbɔ ye dawure yɛkyire ɛmɔ ne anu, ɔne bɛ bɔ bɛnate Sunzum Krongron bɔ basoma ye fi nyameɛso so bɛɛhane nzɛmba ne behyirele ɛmɔ ne. Na sɔ dwirɛ nemɔ yeɛ abɔfo mɔ po bekuro kyɛ benwu nu ɔ.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.