Hebrifoɛ 13:3 - AHYERƐLƐ KRONGRON

³ Ɛ́mɔkaye kukunufoɛ, kyɛ ebiaa ɛmɔ ne bɛ yeɛ begua kuku nu ɔ; ɔne bɛ bɔ benwu amaneɛ, kyɛ ebiaa ɛmɔ ne bɛ yeɛ benwu amaneɛ ne ɔ.

Hebrifoɛ 13:3 Iomraidhean Croise

Gyenesise 40:23

Nakoso nzaasulɛfoɛ so panyi ne angaye Yosef, na mmom ye wora fili ye.

Mateo 25:36

me nwo lale so, na ɛmɔherale me tena; me nwo yɛle me yea, na ɛmɔɔneane me; ngɔnale kuku nu, na ɛmɔɔsrale me.’

Mateo 25:43

nyɛle ɛwɔfoɛ, nakoso ɛmɔanzikye me ɛmɔ awuro; me nwo lale so, nakoso ɛmɔangera me tena; me nwo yɛle me yea, yeɛ ngɔnale kuku nu, nakoso ɛmɔammannea me.’

Asomafoɛ 24:23

Afei osele asraafoɛ panyi bɔ Pɔɔlo wura ye sa ne kyɛ ɔfa ye sie, yeɛ nnɛmaa ɔyɔ ye nikyee biala; na sɛ ye nwo sona bie ba kyɛ ɔbaasra ye a, nnɛmaa besi ye ate.

Asomafoɛ 27:3

Aleɛ hyene ne, yɛɛgyinane Sidon. Yulio yɛle Pɔɔlo paa paa. Ɔmane ye ate maa ɔhɔle ye damvo mɔ berɛ oolele nningyein kãa bɔ okohia ɔ.

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

1 Korintofoɛ 12:26

Sɛ akwaa ko nwo kã a, ɔkã bɛ mukoraa. Yeɛ sɛ bɛhyɛ akwaa ko animnyam a, ɔyɛ ye ne akwaa ngaa ne amu fɛ.

Ɛfesofoɛ 4:1

Yiti afei me, Awurade kukununiɛ, mesrɛ ɛmɔ kyɛ ɛ́mɔbɔ bra bɔ ɔfata ɛfrɛlɛ bɔ bafa bafrɛ ɛmɔ ne,

Kolosefoɛ 4:18

Me Pɔɔlo, me bɔbɔ me sa noa ahyerɛlɛ he yeɛ mefa mebisa ɛmɔ bisabisa ɔ. Ɛ́mɔkaye kyɛ ndɛla kuku nu. Adom ɔyɛ ɛmɔ deɛ. Amen.

Hebrifoɛ 10:34

Ofikyɛ ɛmɔnwuni bɛ bɔ begua kuku nu anwumvoin, na mmerɛ bɔ bɛfene ɛmɔ nningyein bɛfale ne, ɛmɔle anigye bɛpenene so, ofikyɛ ɛmɔse kyɛ ɛmɔle nningyein paa bɔ ɔtra so wɔ nyameɛso afebɔɔ.

Hebrifoɛ 11:37

Bɛborole bɛ nyɔboɛ, bɛfale sralaa bedwudwale bɛ nu, yeɛ bɛtotɔle ngrandɛ noa; bewurale mmoaen nwomaa ne mbɔngye nwomaa behyinini, belili hiaa, bɛtanene bɛ nye, na benwuni amaneɛ.

1 Petro 3:8

Bɔ ɔpɛ ye bo ɔ, ɛmɔ amukoraa ɛ́mɔnya adwene ko, ɛ́mɔnwunwu ɛmɔ nwo anwumvoin, ɛmɔhurohuro ɛmɔ nwo dwirɛ kyɛ aliɛmaa mɔ, ɛ́mɔnya tema bɛ́ma ɛmɔ nwo, na ɛ́mɔdwene anwobrɛaseɛ adwene.