Hebrifoɛ 12:1 - AHYERƐLƐ KRONGRON

¹ Yɛ de, yɛle adanzefoɛ pembepembe bɔ bapɛ yɛ nwo bayia ɔ, yiti ɛ́mɔma yɛgyi nikyee biala bɔ osi yɛ ngɔsoɛ nwo ate, ɔne bɔne bɔ ɔngyɛ na wakyekye yɛ ne yɛgua, ná yɛ́mia yɛ nye yɛtu amirika bɔ ɔla yɛ nyunu ne.

Hebrifoɛ 12:1 Iomraidhean Croise

YOB NWOMAA NE 8:10

Aso bengohyirehyire wɔ ná baha bahyire wɔ, aso bɛngɔhã bɛ ti anu nworɛ dwirɛ bengohyire wɔ anaa?

Edwein 18:23

M’atee tengyɛ wɔ ye nyunu, na mate me nwo mafi bɔne nwo.

Yesaya 60:8

Nwa mɔ ole ɛhemɔ bɔ betu kyɛ munungum e, bɔ betu kyɛ mmubure bɔ bɛkwaawura bɛ saen nu e?

Hesekiel 38:16

na ɛkɔɔfa koɛ kɔtoa me maen Yisrael kyɛ munungum bɔ ɔkɔta aseɛ ne aso ɔ. Na mmerɛ bɔ oli nziɛ ne, ngɔfa wɔ ngɔwa maa ɛkɔɔfa koɛ kɔtoa me maen ne, bɔ ɔnate so maen maen bekonwu me ɔ, na ɛhe kosi wɔ mmerɛ bɔ ngɔfa wɔ, Gɔgo, wɔ so ngɔla me krongronyɛlɛ ali bɔ bɛ nye tua ɔ.

Hesekiel 38:9

Ɛkɔhɔ bɛ so kyɛ mvrama piri, ɛkɔyɛ kyɛ munungum kɔkata aseɛ ne aso, ɛne wɔ lɔen amukoraa ne maen maen pee bɔ bɛboka wɔ so ne.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Marko 10:50

Odwale ye tena guale nekaa bie, odwɔsole, na ɔwale Yesu berɛ.

Luka 12:15

Na osele bɛ kyɛ, “Ɛ́mɔnea ɛmɔ nwo yé wɔ anyeboroborolɛ nwo; ofikyɛ nna agyapadeɛ somaa bɔ sona wanya ye ɔ yeɛ otira ye ngoa nyamaa nu ɔ.”

Luka 16:28

ofikyɛ nniɛma mmienzua mɔ bɛte nnu, ná ɔɔbɔ bɛ kɔkɔ, ná bɛ koso bamma ɛwa amaneɛnwunɛ ne anu bie.’

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

Yohane 3:32

Odi bɔ wanwu ye ɔ ɔne bɔ wate ɔ nwo adanzeɛ, nakoso ebiala nne ye adanzeɛ ne ndo nu.

Yohane 4:39

Na Samariafoɛ pee bɔ befi kuro ne anu ne, belele ye belili, ɔnate braa n’adanzeɛ bɔ olili ye kyɛ, “Wahã bɔ mayɔ amukoraa wahyire me” ne ati.

Yohane 4:44

Na Yesu bɔbɔ lili adanzeɛ kyɛ, ngɔmhyɛlɛniɛ olle anidie wɔ ye bɔbɔ ye kuro.”

Romanfoɛ 12:12

Ɛ́mɔnya anigye wɔ anyelasoɛ nu, ɛ́mɔnya aboterɛ wɔ amaneɛnwunɛ nu, ná ɛmɔhɔ so bɛbɔ mbaeɛ daa.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Galatiafoɛ 2:2

Nyane nyekyire ti yeɛ ngɔle berɛ ɔ, na mvale nzɛmba bɔ mekã mekyire Amaenmaensofoɛ ne ndole bɛ nyunu; nakoso mbanyi nemɔ de, nga ngyirele bɛ wɔ ahameɛ, amaa adwuma bɔ meyɔ, ɔne bɔ mayɔ ye daa ne anyɛ mbaen.

Galatiafoɛ 5:7

Né ɛmɔtu amirika ne paa! Na afei nwa yeɛ osili ɛmɔ ate bɔ ɔmaa ɛmɔyɛ nahorɛ ne nwo asoserɛ ɔ?

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Filipifoɛ 1:30

ofikyɛ koɛ komapɛ bɔ ɛmɔnwuni kyɛ meko, ná afei ɛmɔkɔ so bɛte kyɛ nwɔ nu ne, ye ala yeɛ ɛmɔko ɔ.

Filipifoɛ 2:16

wɔ mmerɛ bɔ ɛmɔtira ngoa dwirɛ ne anu serɛserɛ ɔ; amaa wayɛ m’anwohoahoa wɔ Kristo kyẽa ne, kyɛ amirika bɔ nduli ne wanyɛ mbaen, yeɛ me fɛɛ adwumaa ne koso wanyɛ mbaen.

2 Timoteo 2:4

Sraaniɛ bɔ ogyi koɛ noa nen, ɔmva daadaa asetena nu dwirɛ mɔ ngyekye ye nwo, ofikyɛ okuro kyɛ ɔsɔ bɔ ɔfale ye adwuma ne nye.

2 Timoteo 4:7

Koɛ paa ne, maho; amirika ne, matu mayie; gyidie ne, masɔ nu.

Hebrifoɛ 6:15

Abraham nyane aboterɛ nwondɛle, na ye sa hane bɔhyɛ ne.

Yakobo 1:3

ofikyɛ ɛmɔse kyɛ ɛmɔ gyidie nwo nzɔhwɛ yeɛ ɔmaa ɛmɔfa animia begyina ɔ.

1 Petro 2:1

Yiti ɛ́mɔgyi bɔne yɔleɛ amukoraa, nnakannaka amukoraa, nyaatwomyɛlɛ, ɛpɔen ne nzekure amukoraa bégua.

1 Petro 4:2

na anwoɔnaen nu asetena mmerɛ bɔ waha ne, ɔndena ase mma sona akɔnnɔ ko, na mmom ɔtena ase ma Nyameɛ apɛdeɛ.

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.

2 Petro 1:6

ɛ́mɔfa anwohyɛsoɛ bɛ́foa nimdeɛ so; ɛ́mɔfa animia bɛ́foa anwohyɛsoɛ so; ɛ́mɔfa nyamesom paa bɛ́foa animia so;

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 13:10

Sɛ ebie kye nnure a, ye koso bɛkɔhye ye nnure; sɛ ebie fa ngrandɛ ku a, ye koso ɔsɛ kyɛ bɛfa ngrandɛ beku ye. Na ɛwa yeɛ anwoteefoɛ b’animia ne gyidie wɔ ɔ.

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.