Hebrifoɛ 11:3 - AHYERƐLƐ KRONGRON

³ Ɔnate gyidie so yɛnya ndeaseɛ kyɛ Nyameɛ noa dwirɛ yeɛ ɔfa bɔle aleɛ ɔ, yiti nningyein bɔ anyeɛ nwu bɛ ne, bammɔ bɛ bamvi nningyein bɔ anyeɛ nwu bɛ ɔ nu.

Hebrifoɛ 11:3 Iomraidhean Croise

Gyenesise 1:1

Ahyɛaseɛ ne, Nyameɛ bɔle anwuro ne aseɛ.

Edwein 33:6

AWURADE noa dwirɛ yeɛ ɔfa bɔle ewienu ɔ, na ye noa nu nwomeɛ yeɛ ɔfa bɔle nu nningyein ɔ.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Yesaya 40:26

Ɛ́mɔto ɛmɔ nye anwuro bɛ́nea, nwa yeɛ ɔbɔle sɔ nningyein nemɔ ɔ? Ye bɔ ɔye b’ɛlɔen ne fite ɔka bɛ ɔ, bɔ ɔfa bɛ mukoraa bɛ dumaa frɛ bɛ ɔ; na ɔnate ye anwoserɛ piri ne ye tumi totohyia ne ati, bɛ nu biala mmini.

Yeremia 10:11

Yiti ɛmɔhã behyire bɛ kyɛ, nyameɛ mɔ bɔ nna bɛ yeɛ bɛbɔle anwuro ne aseɛ ne, bɛ boso kotu komini kofi aseɛ ye aso ne ewienu abo.

Yeremia 10:16

Ye bɔ ɔte Yakob kyɛfa ne, ye de ɔtte kyɛ bɛ, ofikyɛ ye yeɛ ɔbɔle nningyein amukoraa ɔ; Yisrael te maen bɔ ɔte ye agyapadeɛ ɔ, na ye dumaa ole Asafo AWURADE.

Yohane 1:3

Ɔnate ye so yeɛ bɛyɔle nningyein amukoraa ɔ, na bangwati ye banyɔ nikyee biala bɔ bɛyɔle ɔ.

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 17:24

Nyameɛ bɔ ɔbɔle wiase ne nu nningyein amukoraa ne, ye bɔ ɔte nyameɛso ne aseɛ Mene ne, nna asɔneyɛɛ sua mɔ bɔ bafa bɛ sa basi ɔ nu yeɛ ɔte ɔ,

Romanfoɛ 4:17

kyɛbɔ bahyerɛ kyɛ, “Mafa wɔ mayɛ amaenmaen pee bɛ nana.” Yiti Nyameɛ bɔ Abraham lele ye lili ne, ye bɔ otingye awufoɛ fi ewue nu, ná ɔfa ye noa dwirɛ ma nikyee bɔ ɔnne berɛ kora yɛ berɛ ne, ye nyunu de, Abraham te yɛ nana.

1 Korintofoɛ 2:7

Na mmom mworɛ bɔ yɛbɔ ye nwo dawure ne te Nyameɛ mvealeɛ nu nworɛ, bɔ kyɛbɔ ɔkɔyɛ ná yanya animnyam ti, ɔhyehyɛ tole berɛ koraka yeɛ ɔbɔ wiase ɔ.

1 Timoteo 4:5

ofikyɛ Nyameɛ dwirɛ ne mbaeɛ yeɛ bɛfa bɛte ye nwo ɔ.

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

Hebrifoɛ 6:5

ná benwuni Nyameɛ dwirɛ ne nwo mvasoɛ, ɔne ewiase foforɛ bɔ ɔbaawa ne anu tumi ne,

2 Petro 3:5

Bɛboapa bɛyɛ kyɛ bɛnze kyɛ, ofi tetetete ne, né anwuro wɔ berɛ, na aseɛ fi nzue nu yeɛ ɔwale ɔ, ofi nzue nu yeɛ ootimuni berɛ ɔ, na ɔnate Nyameɛ noa dwirɛ so.

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”