Hebrifoɛ 11:1 - AHYERƐLƐ KRONGRON

¹ Gyidie te nikyee bɔ y’anyelasoɛ si pi wɔ nu, ɔne kyɛ yɛkole nikyee bɔ anyeɛ nnwu ye yɛkɔto nu ɔ.

Hebrifoɛ 11:1 Iomraidhean Croise

Edwein 27:13

Mede medi kyɛ ngonwu AWURADE paayɛlɛ ne wɔ ateasefoɛ aseɛ ye aso.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

1 Korintofoɛ 13:13

Afei nningyein nza yeɛ bɛwɔ berɛ ɔ: gyidie, anyelasoɛ, yeɛ ɔdɔ, nakoso ɔdɔ di mu tra bɛ mu.

2 Korintofoɛ 11:17

Sɔ anwohoahoa ye nwo dwirɛ bɔ mekã ye, nna Awurade tumi yeɛ mefa mekã ɔ, na mmom mekã ye kyɛ sona bɔ nnne adwene ɔ.

2 Korintofoɛ 4:18

Yiti yɛmva yɛ nye yɛnzie nningyein bɔ anyeɛ nwu ye so, na mmom yɛfa yɛsie bɔ anyeɛ nnwu ye so; ofikyɛ bɔ anyeɛ nwu ye ne ngyɛ ná wapɛ nu, nakoso bɔ anyeɛ nnwu ye ne de ɔwɔ berɛ afebɔɔ.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

2 Korintofoɛ 5:7

ofikyɛ gyidie yeɛ yɛfa yɛnate ɔ, nna bɔ anyeɛ nwu ye ɔ.

2 Korintofoɛ 9:4

Na sɛ Makedoniafoɛ ne me ba ná benwu kyɛ ɛmɔyyɔle ye nwo hwee a, yɛ nyunu kogua ase wɔ sɔ anwohoahoa ye nwo, na ɛmɔ deɛ de bɛnga ye ko.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Tito 1:1

Pɔɔlo, bɔ nde Nyameɛ akoaa ne Yesu Kristo somafoɛ mema bɛ bɔ Nyameɛ aneanea nu waye bɛ ɔ bɛ gyidie ɔne nahorɛ ne nwo nimdeɛ bɔ ɔma nyamesom paa ɔ,

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 10:39

Nakoso yɛ de, yɛbboka mmenia bɔ besa bɛ si bɛkɔ sɛkyelɛ nu ne aso; na mmom yɛboka bɛ bɔ bede bedi ná bɛ kra nya daa ngoa ne aso.

Hebrifoɛ 11:13

Gyidie nu yeɛ sɔ mmenia hemɔ amukoraa bewuli ɔ. Bɛ sa anga bɔhyɛ ne, nakoso befitele dedeede na benwuni bɔhyɛ ne nwo nningyein nen, bele belili, na bele bɛtole nu kyɛ bɛte ɛwɔfoɛ ne amanvrafoɛ wɔ aseɛ he aso.

Hebrifoɛ 11:27

Ɔnate gyidie so yeɛ Mose tu fili Misraim bɔ wanzuro ɛhene ne yaafɛlɛ ɔ, na ogyinane pindinn kyɛ sona bɔ ye nye tua Ɛdangama Nyameɛ bɔ bennwu ye ne.

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

Hebrifoɛ 3:6

Nakoso Kristo de, odi Nyameɛ awuro so kyɛ Baa. Yiti yɛ ole ye awuro ne, nakoso sana yɛsɔ yɛ gyidie ne yɛ anwohoahoa bɔ ɔwɔ yɛ anyelasoɛ nu yé kodwu ayieleɛ.

Hebrifoɛ 6:12

Yɛnguro kyɛ ɛmɔkɔyɛ nyaanyaa, na mmom yɛkuro kyɛ ɛmɔsua bɛ bɔ bɛnate gyidie ne aboterɛ so benya Nyameɛ bɔhyɛ ne.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.