Biblia Todo Logo
Bìoball air-loidhne

- Sanasan -




Hebrifoɛ 10:4 - AHYERƐLƐ KRONGRON

4 ofikyɛ nandwie nyii mogya ne mbɔngye mogya ngora ngyikyi bɔne.

Faic an caibideil Dèan lethbhreac




Hebrifoɛ 10:4
19 Iomraidhean Croise  

Ofikyɛ nna afɔleɛ yeɛ wɔ nye gye ye nwo ɔ. Sɛ mebɔ naen yeralɛ afɔleɛ a, wɔ nye ngɔgye ye nwo.


“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.


Ɛyɛɛ bɔ bɛ ne ye fi Hyeba bɛba, yeɛ ayirefona bɔ bɛ ne ye fi dedeede maen bie aso bɛba ne, aso bɛ nwo le mvasoɛ ma me? Me nye ngye ɛmɔ ɛyeralɛ afɔleɛ nemɔ anwo, yeɛ ɛmɔ afɔleɛ mɔ koso bɛnzɔ me nye.


Ɛ́mɔpena edwirɛ mɔ bɔ ɛmɔkɔhã ɔ, ná ɛ́mɔsa bɛbra AWURADE berɛ; ɛmɔhã behyire ye kyɛ, “Kyikyi amumuyɛɛ amukoraa; nwu yɛ anwumvoin de yɛ, na yɛkɔfa yɛ noa dwirɛ yɛkɔyɛ nandwie nyii yɛkɔbɔ afɔleɛ yɛkɔma wɔ.”


Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.


na sɛ ɛfa w’ahone amukoraa ne wɔ ndeaseɛ amukoraa ne wɔ kra amukoraa ne w’anwoserɛ amukoraa ekuro ye dwirɛ, ná ekuro ebiɛngo dwirɛ kyɛ wɔ bɔbɔ wɔ nwo a, ɔte paa tra ɛyeralɛ afɔleɛ ne afɔleɛ amukoraa.”


Aleɛ hyene ne, Yohane nwuni Yesu kyɛ ɔba ye berɛ ɔ, na ɔhane kyɛ, “Ɛ́mɔnea, Nyameɛ Boaen Ba ne, bɔ ɔye wiase bɔne fi berɛ ne!


Na apam bɔ me ne bɛ yɛkɔyɛ hɔ ɛne, mmerɛ bɔ ngɔye bɛ bɔne ngofi berɛ ne.”


Mmeraa ne de, ole nningyein paa bɔ bɛbaawa ne wawoɛ, na nna bɛ bɔbɔ deinn ɔ. Yiti ɔngora mma bɛ bɔ bɛsɔne Nyameɛ ne, bɛmva afoɛnoa afoɛnoa afɔleɛbɔlɛ ne aso benni mu.


Ɔsɔfo biala gyina ndende daa biala yɔ ye sɔfodwuma ne, na afɔleɛ ko ne ala bɔ ɔbɔ ye daa daa ne ngora ngyikyi bɔne.


Olili moa hane kyɛ, “Anguro, yeɛ afei koso wɔ nye angye afɔleɛ, anaa ayɛyɛdeɛ, anaa naen yeralɛ afɔleɛ, anaa bɔne nwo afɔleɛ nwo.” Nakoso mmeraa ne kyire kyɛ bɛyɔ sɔ.


Na ɛhe te mvandoho ma ɛnɛ mmerɛ ye, bɔ mmenia fa ayɛyɛdeɛ ne afɔleɛ bɛma, nakoso ɔngora mma sona bɔ ɔsɔne Nyameɛ ne tiboa mmua ye be.


Ɛmɔse kyɛ ɔwale kyɛ ɔbaasoa yɛ bɔne kɔ; na ye de bɔne nne ye nwo.


Lean sinn:

Sanasan


Sanasan