Hebrifoɛ 10:1 - AHYERƐLƐ KRONGRON

¹ Mmeraa ne de, ole nningyein paa bɔ bɛbaawa ne wawoɛ, na nna bɛ bɔbɔ deinn ɔ. Yiti ɔngora mma bɛ bɔ bɛsɔne Nyameɛ ne, bɛmva afoɛnoa afoɛnoa afɔleɛbɔlɛ ne aso benni mu.

Hebrifoɛ 10:1 Iomraidhean Croise

Lewitikɔso 9:16

Ɔfale naen yeralɛ afɔleɛ ne wale, na ɔbɔle afɔleɛ ne kyɛbɔ nhyehyɛleɛ ne te ne.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

Kolosefoɛ 2:17

Ɛhemɔ te nningyein bɔ ɔba nemɔ wawoɛ, nakoso ye paapaa ne ole Kristo.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 7:11

Ɔnate Lewi abusua kure asɔfo dwumadie ne aso yeɛ maen ne nyane mmeraa ne ɔ. Na sɛ bɛ dwumadie bɔ ɔte kyɛ Aarɔn deɛ ne lili mu a, ahaa bɛ nu bie yeɛ bɛyele ye maa ɔyɛle sɔfo ɔ. Nzaade ahaa ye nwo nhia kyɛ ɔsɔfo foforɛ bieku kɔɔyɛ kyɛ Mɛlkisɛdɛke deɛ ne ɔ.

Hebrifoɛ 8:5

Na bɛ dwumadie ne, ɔte nyameɛso deɛ ne nwo nhwɛsoɛ, ɔne wawoɛ; ofikyɛ anzana Nyameɛ baama Mose si ɛtena sua nen, osele ye kyɛ, “Nea kyɛ ɛkɔyɔ nikyee biala maa ye sɛso kɔyɛ kyɛ bɔ mva ngyirele wɔ wɔ bokaa ne aso nen pɛpɛɛpɛ.”

Hebrifoɛ 9:11

Nakoso Kristo de, wawa kyɛ nningyein paa bɔ ɔbaawa ne nwo sɔfo panyi paa, na wafa ɛtena sua bɔ ɔte titire na odi mu tra so ɔ nu. Ɛhe de, nna kuro sona yeɛ osili ɔ, yeɛ ɔbboka ewiase abɔdeɛ so koso,

Hebrifoɛ 9:23

Nzaade, nningyein bɔ bɛte nyameɛso deɛ ne nwo nhwɛsoɛ ne, né ohia kyɛ bɛte bɛ nwo wɔ atee sɔa so; nakoso nyameɛso deɛ nemɔ de, afɔleɛ bɔ odi mu tra so yeɛ bɛfa bɛte bɛ nwo ɔ.

Hebrifoɛ 9:25

Nakoso Kristo de, wangɔ berɛ kyɛ ɔkwaafa ye nwo bɔ afɔleɛ mmerɛ pee, kyɛbɔ ɔsɔfo panyi paa ne de afoɛnoa biala ɔfa mogya bɔ nna ye deɛ ahɔ ɔkɔ Krongron nu Krongron ne anu nen.