Hebrifoɛ 1:12 - AHYERƐLƐ KRONGRON

¹² ekobubu bɛ kyɛ ɛtena, na bɛkɔsesã bɛ kyɛ ataadeɛ; nakoso wɔ de, kyɛbɔ ɛte ne ala yeɛ ɛte ɔ, na ɛwɔ berɛ afebɔɔ.”

Hebrifoɛ 1:12 Iomraidhean Croise

YOB NWOMAA NE 36:26

Tie, kyɛbɔ Nyameɛ si te piri ne, yɛngɔhora ngonwu ye ngoyie, na ye afoɛ somaa de, ɔbo sona ndeaseɛ so.

Edwein 90:4

Ofikyɛ wɔ nye so de, afoɛ apee, ɔte kyɛ anoma ala bɔ wapɛ nu ɔ, anaakyɛ kɔngɔen abunnamu.

Ɛksadɔso 3:14

Na Nyameɛ buale Mose kyɛ, “ME ALA OLE ME ALA.” Na osele kyɛ, “Bɔ ɔsɛ kyɛ ɛkã kyire Yisraelfoɛ hɔ ɛhe: ‘ME ALA asoma me ɛmɔ berɛ.’ ”

Yesaya 38:12

Batutu m’atenaleɛ ne abo bafi me nwo bahɔ, kyɛ mmoaenneafoɛ ɛtena sua; kyɛbɔ sona bɔ ɔnwo ɛtena ɔ ɔyɔ ne, sɔ ala yeɛ mabobɔ me ngoa o; wate me wafi bakaa bɔ bɛnwo ɛtena wɔ so ne anwo; na ɛma me ngoa ohi fi alehyeleɛ kodwu alesaleɛ.

Yohane 8:58

Na Yesu sele bɛ kyɛ, “Nahorɛ nu paa, mekã mekyire ɛmɔ kyɛ, anzana Abraham baawa ne, né nwɔ berɛ.”

Hebrifoɛ 13:8

Kyɛbɔ Yesu Kristo te anoma nen, sɔ ala yeɛ ɔte ɛnɛ, ɔne afebɔɔ ɔ.

Yakobo 1:17

Akyɛdeɛ paa amukoraa ne akyɛdeɛ bɔ odi mu amukoraa fi nyameɛso, na ofi kanea Baba ne berɛ yeɛ ɔba ase ɔ. Na ye yeɛ ɔngakyi ná ɔnyɛ ye nwo kyɛ wawoɛ bɔ ɔsesã ɔ.