Hebrifoɛ 1:11 - AHYERƐLƐ KRONGRON

¹¹ bɛ mukoraa bɛkɔsɛkye, nakoso wɔ de, ɛwɔ berɛ daa; bɛ mukoraa bɛkɔyɛ daa kyɛ ataadeɛ yɛ daa ɔ,

Hebrifoɛ 1:11 Iomraidhean Croise

Edwein 10:16

AWURADE te hene afebɔɔ, na maen maen mɔ bɛ boso konua kofi ye aseɛ so.

Edwein 102:26

Bɛ boso konua, nakoso wɔ de, ɛwɔ berɛ daa; amba, bɛ mukoraa bɛkɔtete kyɛ ɛtena. Ɛkɔsesã bɛ kyɛ ndaadeɛ, na bɛ boso komini.

Edwein 29:10

AWURADE te ye ahennie bia so wɔ asue mɔ bɔ bayi ɔ so, na AWURADE te ye ahennie bia so odi hene afebɔɔ.

Edwein 90:2

Anzana ɛbaabɔ mmokaa mɔ ne, anaa ɛbaahyehyɛ aseɛ ne wiase ne, ofi tete bɔ ɔkwaadwu afebɔɔ, ɛte Nyameɛ.

Yesaya 34:4

Anwuro abɔdeɛ amukoraa bekohuro, bɛkɔbobɔ ewienu kyɛ nwomaa, nu abɔdeɛ amukoraa bɛkɔporo bekogua, kyɛbɔ bobe nyaa poro gua ɔ, kyɛbɔ borɔdoma nyaa poro fi ye bakaa so gua ɔ.

Yesaya 41:4

Nwa yeɛ ɔyɔle sɔ ɔ, ná wamaa ɛhe awa nu ɔ, bɔ ɔfrɛ aworɛ ndoatoasoɛ fi tetetete ɔ? Me ɔ. Me AWURADE bɔ nde ahyɛaseɛ, bɔ nza nde ayieleɛ ne, me ɔ.

Yesaya 44:6

AWURADE, Yisrael Hene, bɔ ɔte ye Defoɛ ne, Asafo AWURADE ye noa dwirɛ ɛhe: “Me ole Ahyɛaseɛ, yeɛ me ole Ayieleɛ; nyameɛ biala nne berɛ bɔ ɔboka me so ɔ.

Yesaya 50:9

Tie, AWURADE Nyameɛ gyi me si, nwa yeɛ okobua me foɛ ɔ? Tie, bɛ mukoraa bɛkɔtete kyɛ ɛtena, na mvrɔlɔ koli.

Yesaya 51:6

Ɛ́mɔma ɛmɔ nye so bɛ́nea anwuro, ná ɛ́mɔhu bɛ nye ase bɛ́nea aseɛ; ofikyɛ anwuro kotu komini kyɛ nwosina, aseɛ kɔtete kyɛ ɛtena, na so ama kowuwu sɔ ala; nakoso me ngoalelɛ ne de, ɔkɔyɛ afebɔɔ, yeɛ me tenenee ne wora, ye bo ngɔpɛ le.

Yesaya 51:8

Ofikyɛ mvrɔlɔ koli bɛ kyɛ ɛtena, yeɛ alɔponɛ koli bɛ kyɛ gyese; nakoso me tenenee de, ɔkɔyɛ afebɔɔ, na me ngoalelɛ kɔtena berɛ kɔma aworɛ ndoatoasoɛ amukoraa.”

Yesaya 65:17

“Ofikyɛ, tie, mebaabɔ nyameɛso foforɛ ne aseɛ foforɛ; na ɛmɔngɔkaye nningyein bɔ wapɛ nu wahɔ ne, yeɛ ɔngɔpe ɛmɔ ti anu ko.

Mateo 24:35

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Marko 13:31

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Luka 21:33

Anwuro ne aseɛ kɔpɛ nu kɔhɔ, nakoso me dwirɛ de, ɔngɔpɛ nu le.

Hebrifoɛ 12:27

Na sɔ dwirɛ he: “Woso ye bieku” ne kyire kyɛ abɔdeɛ mɔ kɔwoso ná baye bɛ bafi berɛ, amaa nningyein bɔ bɛngora bɛnwoso ne bahɔ so batena berɛ.

Hebrifoɛ 8:13

Na sɛ Nyameɛ kã kyɛ “Apam foforɛ” a, né obu bɔ oli moa ne kyɛ wayɛ daa; yeɛ nikyee biala bɔ ye mmerɛ ogu so ɔpɛ nu ná ɔyɛ daa nen, ɔngyɛ né watu wamini.

Nyekyire 1:11

“[Me ole Alfa ne Omega ne, ahyɛaseɛ ne ayieleɛ ne.] Kyerɛ bɔ enwu ye ne gua nwomaa nu, ná fa kɔma asɔre nzoo nemɔ, fa kɔ Ɛfeso, Simina, Pɛgamɔm, Tiatira, Sadise, Filadɛɛfia ne Laodikea.”

Nyekyire 2:8

“Kyerɛ kɔma Simina asɔre ne anu abɔfo ne kyɛ: Bɔ ɔte ahyɛaseɛ ne ayieleɛ, bɔ owuli ná osa te ase ne, ye noa dwirɛ ɛhe:

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 21:1

Na nwuni nyameɛso foforɛ ne aseɛ foforɛ; ofikyɛ né nyameɛso bɔ oli moa ne ne aseɛ bɔ oli moa ne bapɛ nu bahɔ, yeɛ né ɛpo nne berɛ ko.