Hebrifoɛ 1:1 - AHYERƐLƐ KRONGRON

¹ Daa tete ne, mmerɛ pee nu ne atee ahoroɔ so yeɛ Nyameɛ nate ngɔmhyɛlɛfoɛ so dwudwo hyirele yɛ nana mɔ ɔ;

Hebrifoɛ 1:1 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Gyenesise 6:3

Na AWURADE hane kyɛ, “Me sunzum ngɔtena kuro sona nu afebɔɔ, ofikyɛ ɔte anwoɔnaen, ye afoɛ mukoraa bɔ okoli ɔ kɔyɛ ɛyaa ko ne aburanyɔ.”

Yoel 2:28

Na ɛhe asi ne, ngohwie me Sunzum ngogua anwoɔnaen amukoraa so, na ɛmɔ mma mmienzua ne ɛmɔ mma mmrasua kɔhyehyɛ ngɔm; ɛmɔ mbanyi mɔ kɔhyehye laleɛ, na ɛmɔ mmerandeɛ konwu nyekyire;

Luka 1:55

kyɛbɔ ɔhã hyirele yɛ nana mɔ, Abraham ne ye bosofoɛ afebɔɔ ne.”

Luka 1:72

kyɛ okonwu yɛ nana mɔ anwumvoin, ná wakaye ye apam krongron ne.

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 16:13

Na sɛ ye, nahorɛ Sunzum ne, ɔba a, okohyire ɛmɔ atee kɔhɔ nahorɛ ne amukoraa nu. Ofikyɛ ɔngɔfa ye bɔbɔ ye tumi yeɛ okodwudwo ɔ, na mmom edwirɛ biala bɔ ɔkɔte ne yeɛ ɔkɔhã ɔ, na ɔkɔla nningyein bɔ bɛbaasisi ɔ ali kohyire ɛmɔ.

Yohane 7:22

Mose hyɛle bienzuapɛlɛ nwo mmeraa mane ɛmɔ, (wanhyɛ ye bo wamvi Mose aberɛ so, na mmom ɛmɔ nana mɔ aberɛ so), na afofikyẽa po, ɛmɔpɛ sona bienzua.

Yohane 9:29

Yɛse kyɛ Nyameɛ dwudwo hyirele Mose, nakoso sɔ biaa he de, yɛnze nekaa bɔ ofi ɔ!”

Asomafoɛ 13:32

Na yɛ de, nzɛmba ne yeɛ yɛfa yɛbrɛ ɛmɔ ɔ,

Asomafoɛ 2:30

Né ɔte ngɔmhyɛlɛniɛ, na né ɔse kyɛ Nyameɛ ata ndaen wahã wahyire ye kyɛ ɔkɔma ye bosofoɛ nemɔ ko koli ye bia.

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

Hebrifoɛ 11:18

Né Nyameɛ ahã ahyire ye kyɛ, “Ɔnate Yisake so yeɛ ekonya wɔ bosofoɛ ɔ.”

Hebrifoɛ 11:2

Ofikyɛ, ɔnate gyidie so yeɛ daa ama mɔ sɔle Nyameɛ nye ɔ.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?

Hebrifoɛ 2:2

Na sɛ edwirɛ bɔ abɔfo mɔ hane ne te nahorɛ, ná mmeraatolɛ biala ne asoserɛ biala nyane ye so akatuaa kyɛbɔ ɔfata hɔ a,

Hebrifoɛ 2:3

nzaade sɛ yɛpo ngoalelɛ piri bɔ ɔte sɔa de a, yɛkɔyɛ sɛɛ ná yafa yɛ nwo yali? Awurade lili moa bɔle ngoalelɛ he nwo dawure, na bɛ bɔ bɛtele ne koso lili ye nwo adanzeɛ maa yɛnwuni kyɛ ɔte nahorɛ.

Hebrifoɛ 3:5

Mose de, olili nahorɛ wɔ Nyameɛ awuro mukoraa nu kyɛ somvoɛ, na olili nningyein bɔ né Nyameɛ baahã ye nwo dwirɛ ne nwo adanzeɛ.

Hebrifoɛ 4:8

Na sɛ Yosua maa benyane nwomelelɛ ne a, ahaa nziɛ ye Nyameɛ wangã kyẽa foforɛ nwo dwirɛ ko.

Hebrifoɛ 5:5

Sɔ ala koso yeɛ Kristo amva sɔ dibea ne wando ye nwo so kyɛ ɔte sɔfo panyi paa ɔ, na mmom Nyameɛ bɔbɔ hã hyirele ye kyɛ, “Ɛte Mma, ɛnɛ mayɛ wɔ Baba.”

Hebrifoɛ 9:19

Ofikyɛ, mmerɛ bɔ Mose kengale ahyɛdeɛ bɔ ɔwɔ mmeraa ne anu hyirele maen ne amukoraa yiele nen, ɔfale nandwie mmaa ne mbɔngye mogya frale nzue, na ɔfale sufiɛ ne adaabene bɔle nu fa petene mmeraa nwomaa ne, ɔne mmenia ne amukoraa bɛ so.