Hagae 2:9 - AHYERƐLƐ KRONGRON

⁹ Na awuro he, ye nziɛ ye animnyam ne, ɔkɔyɛ piri kɔtra ye daa deɛ ne, Asafo AWURADE noa dwirɛ ɛne; na ɛwa yeɛ ngɔma asomdwee ɔ, Asafo AWURADE noa dwirɛ ɛne.’ ”

Hagae 2:9 Iomraidhean Croise

Yesaya 60:7

Bɛkɔboaboa Kedare nyɛmmoa amukoraa noa bɛkɔbrɛ wɔ, Nebayote mmoaen nyii kɔyɛ wɔ deɛ, bɛkɔyɛ anyesɔ afɔleɛ wɔ m’afɔleɛ bokyea so, na ngɔhyɛ m’animnyam awuro ne animnyam.

Yesaya 66:12

Ofikyɛ AWURADE nwa nyoo: “Ɛ́mɔtie! Ngɔma asomdwee kɔtengyɛ kɔhɔ ye berɛ kyɛ asue, yeɛ maen maen mɔ b’anwonya kɔtengyɛ kɔhɔ ye berɛ kyɛ asue bɔ wabu wafa so ɔ. Afei ɛmɔkɔno nyɔfonesue ne, ɔkɔfa ɛmɔ kɔbɔ ye mvenu, ná wahã ɛmɔ angorɛ wɔ ye gya so.

Hesekiel 43:5

Yeɛ Sunzum ne mane me so, na ɔfale me hɔle awuro ne kunu dɔ aluo berɛ; na yieee, AWURADE animnyam yili awuro ne anu tɛkyɛ.

Mika 5:5

Na ye yeɛ ɔkɔyɛ asomdwee ne ɔ. Sɛ Asiria ɔba y’aseɛ ne aso, ná otiatia y’ahemvie nemɔ aso a, yɛkɔye neafoɛ nzoo ne atitirefoɛ mmɔtwɛ maa bekodwɔso bekotia ye.

Hagae 1:8

Yiti ɛmɔhɔ bokaa ne aso bɛɛfa mmakaa bɛbra beesi awuro ne. Me nye kɔgye ye nwo, na ngɔla m’animnyam ali, AWURADE noa dwirɛ ɛne.

Hagae 2:3

‘Ɛmɔ bɔ ɛmɔaha ne, sua he ye daa nu animnyam ne, ɛmɔ nu nwa yeɛ onwuni ye ɔ? Na kekesaala ye koso, ɛmɔnwu ye sɛ? Sɛ ɛmɔfa bɛtoto ye nwo a, aso ɔtte ɛmɔ nye so nikyee mbaen bie?

Sakaria 2:5

Ofikyɛ me bɔbɔ, ngɔyɛ ye see fasue ngɔpɛ ye nwo ngɔbra ngoyia, AWURADE noa dwirɛ ɛne, na ngɔyɛ ye nu animnyam.’ ”

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Yakobo 2:1

Aliɛmaa mɔ bɔ ɛmɔtira y’Awurade Yesu Kristo bɔ ɔte animnyam Hene ne gyidie nu ɔ, nnɛma ɛmɔfa nyeyemuɛ bɛbata ye nwo.