Hagae 2:7 - AHYERƐLƐ KRONGRON

⁷ ngɔwoso maen maen mukoraa; na maen maen mukoraa b’anwonya kɔwa wa, na ngɔfa animnyam ngoyi awuro he tɛkyɛ, Asafo AWURADE noa dwirɛ ɛne.

Hagae 2:7 Iomraidhean Croise

Gyenesise 22:18

Ɔnate wɔ boso ama so yeɛ aseɛ ye aso maen maen amukoraa bekonya saleɛ ɔ, ofikyɛ atie me dwirɛ.”

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

1 Ahemvo 8:10

Na asɔfo nemɔ fili nekaa krongron berɛ befite bɛwale nen, munungum yili AWURADE awuro ne anu tɛkyɛ,

1 Ahemvo 8:11

maa ɔnate munungum ne ati asɔfo nemɔ bangora bandoa so banyɔ ɛsɔnenɛ adwuma ne; ofikyɛ AWURADE animnyam yili AWURADE awuro berɛ tɛkyɛ.

2 Aberɛso Dwirɛ 5:14

Na ɔnate munungum ne ati, asɔfo nemɔ bangora bandoa so banyɔ ɛsɔnenɛ adwuma ne; ofikyɛ AWURADE animnyam yili Nyameɛ awuro berɛ tɛkyɛ.

Edwein 80:1

Ao Yisrael Neafoɛ, yɛ asoɛ tie, wɔ bɔ eli Yosef nyunu kyɛ mmoaen kure ɔ! Wɔ bɔ ɛte kɛrubim mɔ so ɔ, ta hyireinn

Edwein 85:9

Amba, ye ngoalelɛ pingye bɛ bɔ besuro ye ɔ, na ye animnyam ne kɔtena ye aseɛ ne aso.

Yesaya 2:19

Na sɛ AWURADE dwɔso woso aseɛ serɛserɛ a, ɔnate AWURADE nwo suronyi, ɔne ye animnyam totohyia ne ati, mmenia koowurawura nyɔbotaen ndokuro nu, ɔne aseɛnwo ngumaa nu.

Yesaya 60:4

To wɔ nye anwuro nea bra yia, bɛ mukoraa baboa bɛ noa, bɛ́ba wɔ berɛ; wɔ mma mmienzua befi dedeede yeɛ bɛ́ba ɔ, na wɔ mma mmrasua koso, badodo bɛ yeɛ bɛ́ba ɔ.

Yesaya 60:7

Bɛkɔboaboa Kedare nyɛmmoa amukoraa noa bɛkɔbrɛ wɔ, Nebayote mmoaen nyii kɔyɛ wɔ deɛ, bɛkɔyɛ anyesɔ afɔleɛ wɔ m’afɔleɛ bokyea so, na ngɔhyɛ m’animnyam awuro ne animnyam.

Hesekiel 21:27

Ngɔbɔ ye oo, ngɔbɔ ye oo, ngɔbɔ kuro ne, na ɛhe ngosi, kɔpem kyɛ bɔ ndɛenbualɛ wura ye sa ne kɔwa ɔ, na ye yeɛ ngɔfa ngowura ye sa ɔ.’

Hesekiel 31:16

Ye asetɔlɛ bɔ ɔtɔle berɛ tuu ne, mvale so mane maen maen mɔ bɛwosole, mmerɛ bɔ mvindini ye ne bɛ bɔ bɛkɔ ɛborɔ kumaa nu ndole ɛborɔ dɔ ne. Na afei Eden mmakaa mukoraa, Lebanon mmakaa paa paa bɔ baneanea nu baye ɔ, mmakaa mukoraa bɔ benya nzue ɔ, bɛ wora kɔkyekye wɔ aseɛ bo dɔ.

Hesekiel 38:19

Na mekã ye wɔ me nungunɛhwenɛ ne m’ahonehulɛ wuruwuru ne anu kyɛ, sɔ kyẽa ne, aseɛ kɔwoso serɛserɛ wɔ Yisrael aseɛ so,

Hesekiel 44:4

Afei ɔfale me fale sorɔ dɔ anoa piri atee ne aso wale awuro ne anyunu berɛ, na nneane, na yieee, AWURADE animnyam ne yili AWURADE awuro berɛ tɛkyɛ, na mvale me nyunu mutuli berɛ.

Hagae 1:8

Yiti ɛmɔhɔ bokaa ne aso bɛɛfa mmakaa bɛbra beesi awuro ne. Me nye kɔgye ye nwo, na ngɔla m’animnyam ali, AWURADE noa dwirɛ ɛne.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Luka 19:47

Na daa biala ɔyɛle ngyerɛkyerɛ wɔ asɔneyɛɛ sua ne anu. Né asɔfo mbanyi, ahyerɛlɛfoɛ ne maen mbanyi bɛpena kyɛ ahaa beku ye ɔ,

Luka 2:27

Na Sunzum ne kanyane ye maa ɔhɔle asɔneyɛɛ sua ne anu berɛ. Na mmerɛ bɔ awofoɛ ne fale akwadaa Yesu bɛwale kyɛ bɛbaayɔ kyɛbɔ mmeraa ne ahyehyɛ bɛma ye ne,

Luka 2:46

Na ɔwale kyɛ, ye ɛlɛsa ne aso, beenwuni ye wɔ asɔneyɛɛ sua ne anu kyɛ ɔte akyerɛkyerɛfoɛ mɔ b’afia, bɔ ótie bɛ ná óbisabisa bɛ dwirɛ ɔ.

Luka 20:1

Na ɔwale kyɛ ɛlɛho bie, bɔ né Yesu ɔyɛ ngyerɛkyerɛ kyire mmenia wɔ asɔneyɛɛ sua ne anu, ná osa kã nzɛmba nen, asɔfo mbanyi ne ahyerɛlɛfoɛ ne maen mbanyi bɛwale ye berɛ,

Luka 21:38

Na né ɛlɔen ne amukoraa bɛpɛ aleɛ bɛba ye berɛ wɔ asɔneyɛɛ sua ne anu bɛbatie ye.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Galatiafoɛ 3:8

Na Ahyerɛlɛ ne hã tole berɛ kyɛ Nyameɛ kɔfa gyidie so yeɛ okobua Amaenmaensofoɛ mɔ be ɔ, na Nyameɛ dwirɛ ne lili moa sele Abraham kyɛ, “Ɔnate wɔ so yeɛ Nyameɛ koyirayira maen maen amukoraa ɔ.”

Kolosefoɛ 2:9

Ofikyɛ ye nu yeɛ Nyameɛ sue mumua ne amukoraa ɔte ɔ wɔ nipadua nu ɔ.