Hagae 2:6 - AHYERƐLƐ KRONGRON

⁶ Na Asafo AWURADE nwa nyoo: Ɔngɔhyɛ biala, ngosa ngɔwoso anwuro ne aseɛ, ɛpo ne aseɛ wosee;

Hagae 2:6 Iomraidhean Croise

YOB NWOMAA NE 9:6

ye bɔ ɔwoso aseɛ fi ye boso, ná ɔma aseɛ nyinasoɛ mɔ bɛwoso ɔ.

Edwein 18:7

Yeɛ aseɛ pusuli, na ɔwosole; mmokaa mɔ nyinasoɛ ye bo kekane, na ɔwosole, ɔnate kyɛ ye ahone huli.

Edwein 37:10

Ɔngɔhyɛ biala, bɔnefoɛ bɛ boso konua; ɛmɔkɔyere bɛ nwo bɛkɔpena bɛ boso, nakoso ɛmɔngonwu bɛ.

Yesaya 10:25

Ɔngɔhyɛ biala, ɛyaafɛlɛ ne bo kɔpɛ, na m’ahone kohu bɛ so kohũhũ bɛ.

Yesaya 13:13

Yiti ngɔwoso anwuro, aseɛ kopusu kofi ye boso, wɔ Asafo AWURADE ahonehulɛ ne anu, ɔne ye ɛyaafɛlɛ piri kyẽa ne.

Yesaya 2:19

Na sɛ AWURADE dwɔso woso aseɛ serɛserɛ a, ɔnate AWURADE nwo suronyi, ɔne ye animnyam totohyia ne ati, mmenia koowurawura nyɔbotaen ndokuro nu, ɔne aseɛnwo ngumaa nu.

Yesaya 29:17

Aso nna mmerɛ kãa bie yeɛ waha ɔ bɔ Lebanon kɔkakyi aseɛ bɔ ɔkye aleɛ ɔ, bɔ bekobu aseɛ bɔ ɔkye aleɛ koso kyɛ ɛhɔayeɛ ɔ?

Yesaya 34:4

Anwuro abɔdeɛ amukoraa bekohuro, bɛkɔbobɔ ewienu kyɛ nwomaa, nu abɔdeɛ amukoraa bɛkɔporo bekogua, kyɛbɔ bobe nyaa poro gua ɔ, kyɛbɔ borɔdoma nyaa poro fi ye bakaa so gua ɔ.

Yeremia 33:14

“Tie, mmerɛ bie ɔ́ba, bɔ ndɛenvɛen bɔ mva nhyɛle Yisrael awuro ama ne Yuda awuro ama bɛ bɔ ne, ngɔmaa ɔkɔwa nu ɔ, AWURADE noa dwirɛ ɛne.

Yeremia 51:33

Ofikyɛ Asafo AWURADE Yisrael Nyameɛ nwa: Babilɔn awa brasua te kyɛ nekaa bɔ bɛboro aburoo ɔ, mmerɛ bɔ betiatia ye so ɔ, nakoso ɔngɔhyɛ biala, né ye buberɛ ne wadwu.”

Hesekiel 38:19

Na mekã ye wɔ me nungunɛhwenɛ ne m’ahonehulɛ wuruwuru ne anu kyɛ, sɔ kyẽa ne, aseɛ kɔwoso serɛserɛ wɔ Yisrael aseɛ so,

Hesekiel 38:20

maa ɔnate so ɛpo nu naen, ewienu nnomaa, eburo ngaka, kaka biala bɔ ɔtwe ye nwo ase wɔ aseɛ so, yeɛ aseɛ so mmenia mukoraa bɛ nwo kɔwoso bɛ wɔ me nyunu. Mmokaa mukoraa bekodwiri bekogua, nyɔbotaen ndendenn mɔ kobubu kogua, yeɛ fasue biala kobu kogua ase.

Yoel 3:16

AWURADE bobɔ nu fi Sion, na ɔma ye komvi so fi Yerusalem; anwuro ne aseɛ bɛwoso, nakoso AWURADE te ye maen anyelasoɛ, ɔne ye mma Yisrael b’anwoserɛ afealeɛ.

Asomafoɛ 2:19

Na ngɔma anwanwadeɛ kɔwa nyameɛso wɔ anwuro, yeɛ nzɛngyerɛnneɛ wɔ aseɛ so wɔ ase; mogya, see ne nwosina munguu kɔwa;

Hebrifoɛ 10:37

“Ofikyɛ waha kãa bie, né bɔ ɔ́ba ne wawa; na ɔngɔhyɛ biala.

Nyekyire 11:9

Na mmenia kofi maen maen ne mmusua kure ne edwudwolɛ ahoroɔ nu bekotu bɛ nye bekogua bɛ fuin nemɔ so ɛlɛsa ne bue, na bɛngɔma bengosie bɛ fuin nemɔ.