Hagae 2:5 - AHYERƐLƐ KRONGRON

⁵ Na kyɛbɔ me ne ɛmɔ yɛyɛle apam wɔ mmerɛ bɔ ɛmɔfili Misraim bɛwale ne, sɔ ala yeɛ me Sunzum te ɛmɔ nu ɔ, yiti nnɛma ɛmɔsuro.

Hagae 2:5 Iomraidhean Croise

2 Aberɛso Dwirɛ 20:17

Koɛ he, nna ɛmɔ yeɛ odi kyɛ ɛmɔko ɔ. Ao Yuda ne Yerusalem, ɛ́mɔte begyina, ɛ́mɔyɛ konn, ná ɛmɔnea ngonim bɔ AWURADE koli kɔma ɛmɔ ɔ. Nnɛma ɛmɔsuro, yeɛ nnɛmɔma ɛmɔ kunu tete ɛmɔ. Ɛhema ɛ́mɔfa koɛ bɛɛtoa bɛ, na AWURADE kogyina ɛmɔ si.”

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

Nehemia 9:30

Afoɛ pee yeɛ enyane bɛ nwo aboterɛ ɔ, na ɛnate wɔ Sunzum so fale wɔ ngɔmhyɛlɛfoɛ so bɔle bɛ kɔkɔ; nakoso bandie. Yiti ɛfale bɛ wurale aseɛ nemɔ aso ama bɛ sa.

Ɛksadɔso 19:4

Ɛmɔ bɔbɔ ɛmɔanwu bɔ mva nyɔle Misraimfoɛ ɔ, ɔne kyɛbɔ nnodole ɛmɔ wɔ kɔleɛ ndaa so, ná mvale ɛmɔ mmale me berɛ ɔ.

Ɛksadɔso 19:6

Ɛmɔkɔyɛ m’asɔfo ahennie maen ɔne maen krongron. Na edwirɛ bɔ ɔsɛ kyɛ ɛkã kyire Yisraelfoɛ hɔ ɛne.”

Ɛksadɔso 24:3

Mose wale, na ɔɔfale AWURADE dwirɛ amukoraa ne ye nhyehyɛleɛ amukoraa bɔle mmenia ne amaneɛ, na mmenia ne amukoraa bɔle nu hane kyɛ, “Edwirɛ biala bɔ AWURADE aha ne, yɛkoli so.”

Ɛksadɔso 24:8

Afei ɔfale mogya ne petene mmenia ne anwo, na ɔhane kyɛ, “Apam bɔ AWURADE nate edwirɛ he amukoraa so ɔne ɛmɔ bayɛ ne, mogya he yeɛ osi ye agyinayɛɛ ɔ.”

Ɛksadɔso 34:10

Na AWURADE hane kyɛ, “Tie, méyɛ apam. Na anwanwadeɛ bɔ mebaayɔ ye wɔ mmenia ne amukoraati nyunu ne, ebie ossili le wɔ aseɛ so nekaa biala, anaa maen biala so. Na mmenia bɔ ɛmɔtete bɛ nu ne konwu AWURADE nnwumaa, ofikyɛ nikyee bɔ ɔyɛ suro yeɛ ngɔfa wɔ so ngɔyɔ ɔ.

Ɛksadɔso 34:8

Na Mose yɛle ndɛndɛ bɔle ye ti ase sɔnene AWURADE.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 41:13

Ofikyɛ me, AWURADE wɔ Nyameɛ, ndira wɔ sa famaa, na me yeɛ mekã mekyire wɔ kyɛ, ‘Nnɛsuro, na ngɔboka wɔ.’

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Sakaria 8:13

O Yuda awuro ama ne Yisrael awuro ama, kyɛbɔ ɛmɔakakyi amoenwaa dwirɛ wɔ maen maen mɔ nu ne, sɔ ala yeɛ ngole ɛmɔ ngoa ɔ, na ɛmɔkɔyɛ saleɛ. Nnɛma ɛmɔsuro, na mmom ɛ́mɔmia ɛmɔ nye.”

Sakaria 8:15

sɔ ala koso yeɛ mayɛ m’adwene sɔ mmerɛ ye anu kyɛ ngɔyɛ Yerusalem ne Yuda awuro ama paa ɔ. Nnɛma ɛmɔsuro!

Mateo 28:5

Na abɔfo ne sele mmrasua ne kyɛ, “Nnɛma ɛmɔsuro! Na mese kyɛ ɛmɔpena Yesu bɔ bɛbɔle ye mmeamudua nu ne.

Asomafoɛ 27:24

na osele me kyɛ, ‘Pɔɔlo, nnɛsuro, na odi kyɛ ekogyina Kaesare nyunu. Na tie, ɔnate wɔ ti Nyameɛ ale bɛ bɔ bɛ ne wɔ tu atee ne amukoraa bɛ ngoa.’

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 8:1

Afei AWURADE sele Yosua kyɛ, “Nnɛsuro, yeɛ nnɛma wɔ kunu tete wɔ. Fa koɛhonɛfoɛ ne amukoraati boka wɔ nwo so, na fo kɔ Aye. Tie, mafa Aye hene ne ye mmenia, ye kuro ne, ɔne ye aseɛ mawura wɔ sa.

Nyekyire 1:17

Na mmerɛ bɔ nwuni ye ne, nde ndɔle ye gya bo kyɛ ebie bɔ wawu ɔ, nakoso ɔfale ye sa famaa tole me so sele me kyɛ, “Nnɛsuro! Me ole Ahyɛaseɛ ne Ayieleɛ ne,

1 Samuel 12:20

Na Samuel sele maen ne kyɛ, “Nnɛma ɛmɔsuro. Ɛmɔayɔ amumuyɛɛ he amukoraa de, nakoso nnɛma ɛmɔyakyi AWURADE si lilɛ, na mmom odi kyɛ ɛmɔfa ɛmɔ ahone amukoraa bɛso AWURADE.